| Library / Tipiṭaka / ติปิฎก • Tipiṭaka / ปฎิสมฺภิทามคฺคปาฬิ • Paṭisambhidāmaggapāḷi |
๑๐-๑๒. สโญฺญชนิกาทิทิฎฺฐินิเทฺทโส
10-12. Saññojanikādidiṭṭhiniddeso
๑๔๓. สโญฺญชนิกาย ทิฎฺฐิยา กตเมหิ อฎฺฐารสหิ อากาเรหิ อภินิเวโส โหติ? ยา ทิฎฺฐิ ทิฎฺฐิคตํ ทิฎฺฐิคหนํ…เป.… ทิฎฺฐาภินิเวโส ทิฎฺฐิปรามาโส – สโญฺญชนิกาย ทิฎฺฐิยา อิเมหิ อฎฺฐารสหิ อากาเรหิ อภินิเวโส โหติฯ
143. Saññojanikāya diṭṭhiyā katamehi aṭṭhārasahi ākārehi abhiniveso hoti? Yā diṭṭhi diṭṭhigataṃ diṭṭhigahanaṃ…pe… diṭṭhābhiniveso diṭṭhiparāmāso – saññojanikāya diṭṭhiyā imehi aṭṭhārasahi ākārehi abhiniveso hoti.
๑๔๔. ‘‘อห’’นฺติ – มานวินิพนฺธาย ทิฎฺฐิยา กตเมหิ อฎฺฐารสหิ อากาเรหิ อภินิเวโส โหติ? จกฺขุ อหนฺติ – อภินิเวสปรามาโสฯ อหนฺติ – มานวินิพนฺธา ทิฎฺฐิฯ ทิฎฺฐิ น วตฺถุ, วตฺถุ น ทิฎฺฐิฯ อญฺญา ทิฎฺฐิ, อญฺญํ วตฺถุฯ ยา จ ทิฎฺฐิ ยญฺจ วตฺถุ – อยํ ปฐมา ‘‘อห’’นฺติ – มานวินิพนฺธา ทิฎฺฐิฯ มานวินิพนฺธา ทิฎฺฐิ มิจฺฉาทิฎฺฐิ…เป.… อิมานิ สโญฺญชนานิ, น จ ทิฎฺฐิโยฯ
144. ‘‘Aha’’nti – mānavinibandhāya diṭṭhiyā katamehi aṭṭhārasahi ākārehi abhiniveso hoti? Cakkhu ahanti – abhinivesaparāmāso. Ahanti – mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘aha’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo.
โสตํ อหนฺติ…เป.… ฆานํ อหนฺติ…เป.… ชิวฺหา อหนฺติ…เป.… กาโย อหนฺติ…เป.… มโน อหนฺติ…เป.… รูปา อหนฺติ…เป.… ธมฺมา อหนฺติ… จกฺขุวิญฺญาณํ อหนฺติ…เป.… มโนวิญฺญาณํ อหนฺติ – อภินิเวสปรามาโสฯ อหนฺติ – มานวินิพนฺธา ทิฎฺฐิฯ ทิฎฺฐิ น วตฺถุ, วตฺถุ น ทิฎฺฐิฯ อญฺญา ทิฎฺฐิ, อญฺญํ วตฺถุฯ ยา จ ทิฎฺฐิ ยญฺจ วตฺถุ – อยํ อฎฺฐารสมี ‘‘อห’’นฺติ – มานวินิพนฺธา ทิฎฺฐิฯ มานวินิพนฺธา ทิฎฺฐิ มิจฺฉาทิฎฺฐิ…เป.… อิมานิ สโญฺญชนานิ, น จ ทิฎฺฐิโยฯ ‘‘อห’’นฺติ – มานวินิพนฺธาย ทิฎฺฐิยา อิเมหิ อฎฺฐารสหิ อากาเรหิ อภินิเวโส โหติฯ
Sotaṃ ahanti…pe… ghānaṃ ahanti…pe… jivhā ahanti…pe… kāyo ahanti…pe… mano ahanti…pe… rūpā ahanti…pe… dhammā ahanti… cakkhuviññāṇaṃ ahanti…pe… manoviññāṇaṃ ahanti – abhinivesaparāmāso. Ahanti – mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ aṭṭhārasamī ‘‘aha’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo. ‘‘Aha’’nti – mānavinibandhāya diṭṭhiyā imehi aṭṭhārasahi ākārehi abhiniveso hoti.
๑๔๕. ‘‘มม’’นฺติ – มานวินิพนฺธาย ทิฎฺฐิยา กตเมหิ อฎฺฐารสหิ อากาเรหิ อภินิเวโส โหติ? จกฺขุ มมนฺติ – อภินิเวสปรามาโสฯ มมนฺติ – มานวินิพนฺธา ทิฎฺฐิฯ ทิฎฺฐิ น วตฺถุ, วตฺถุ น ทิฎฺฐิฯ อญฺญา ทิฎฺฐิ, อญฺญํ วตฺถุฯ ยา จ ทิฎฺฐิ ยญฺจ วตฺถุ – อยํ ปฐมา ‘‘มม’’นฺติ – มานวินิพนฺธา ทิฎฺฐิฯ มานวินิพนฺธา ทิฎฺฐิ มิจฺฉาทิฎฺฐิ…เป.… อิมานิ สโญฺญชนานิ, น จ ทิฎฺฐิโยฯ
145. ‘‘Mama’’nti – mānavinibandhāya diṭṭhiyā katamehi aṭṭhārasahi ākārehi abhiniveso hoti? Cakkhu mamanti – abhinivesaparāmāso. Mamanti – mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘mama’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo.
โสตํ มมนฺติ…เป.… ฆานํ มมนฺติ…เป.… ชิวฺหา มมนฺติ…เป.… กาโย มมนฺติ…เป.… มโน มมนฺติ…เป.… รูปา มมนฺติ…เป.… ธมฺมา มมนฺติ…เป.… จกฺขุวิญฺญาณํ มมนฺติ…เป.… มโนวิญฺญาณํ มมนฺติ อภินิเวสปรามาโสฯ มมนฺติ มานวินิพนฺธา ทิฎฺฐิฯ ทิฎฺฐิ น วตฺถุ, วตฺถุ น ทิฎฺฐิฯ อญฺญา ทิฎฺฐิ, อญฺญํ วตฺถุฯ ยา จ ทิฎฺฐิ ยญฺจ วตฺถุ – อยํ อฎฺฐารสมี ‘‘มม’’นฺติ – มานวินิพนฺธา ทิฎฺฐิฯ มานวินิพนฺธา ทิฎฺฐิ มิจฺฉาทิฎฺฐิ…เป.… อิมานิ สโญฺญชนานิ, น จ ทิฎฺฐิโยฯ ‘‘มม’’นฺติ – มานวินิพนฺธาย ทิฎฺฐิยา อิเมหิ อฎฺฐารสหิ อากาเรหิ อภินิเวโส โหติฯ
Sotaṃ mamanti…pe… ghānaṃ mamanti…pe… jivhā mamanti…pe… kāyo mamanti…pe… mano mamanti…pe… rūpā mamanti…pe… dhammā mamanti…pe… cakkhuviññāṇaṃ mamanti…pe… manoviññāṇaṃ mamanti abhinivesaparāmāso. Mamanti mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ aṭṭhārasamī ‘‘mama’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo. ‘‘Mama’’nti – mānavinibandhāya diṭṭhiyā imehi aṭṭhārasahi ākārehi abhiniveso hoti.
สโญฺญชนิกาทิทิฎฺฐินิเทฺทโส ทฺวาทสโมฯ
Saññojanikādidiṭṭhiniddeso dvādasamo.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ปฎิสมฺภิทามคฺค-อฎฺฐกถา • Paṭisambhidāmagga-aṭṭhakathā / ๑๐-๑๒. สโญฺญชนิกาทิทิฎฺฐินิเทฺทสวณฺณนา • 10-12. Saññojanikādidiṭṭhiniddesavaṇṇanā
