| Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒཔཱལི༹ • Paṭisambhidāmaggapāḷi |
༡༠-༡༢. སཉྙོཛནིཀཱདིདིཊྛིནིདྡེསོ
10-12. Saññojanikādidiṭṭhiniddeso
༡༤༣. སཉྙོཛནིཀཱཡ དིཊྛིཡཱ ཀཏམེཧི ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི? ཡཱ དིཊྛི དིཊྛིགཏཾ དིཊྛིགཧནཾ…པེ॰… དིཊྛཱབྷིནིཝེསོ དིཊྛིཔརཱམཱསོ – སཉྙོཛནིཀཱཡ དིཊྛིཡཱ ཨིམེཧི ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི།
143. Saññojanikāya diṭṭhiyā katamehi aṭṭhārasahi ākārehi abhiniveso hoti? Yā diṭṭhi diṭṭhigataṃ diṭṭhigahanaṃ…pe… diṭṭhābhiniveso diṭṭhiparāmāso – saññojanikāya diṭṭhiyā imehi aṭṭhārasahi ākārehi abhiniveso hoti.
༡༤༤. ‘‘ཨཧ’’ནྟི – མཱནཝིནིབནྡྷཱཡ དིཊྛིཡཱ ཀཏམེཧི ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི? ཙཀྑུ ཨཧནྟི – ཨབྷིནིཝེསཔརཱམཱསོ། ཨཧནྟི – མཱནཝིནིབནྡྷཱ དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘ཨཧ’’ནྟི – མཱནཝིནིབནྡྷཱ དིཊྛི། མཱནཝིནིབནྡྷཱ དིཊྛི མིཙྪཱདིཊྛི…པེ॰… ཨིམཱནི སཉྙོཛནཱནི, ན ཙ དིཊྛིཡོ།
144. ‘‘Aha’’nti – mānavinibandhāya diṭṭhiyā katamehi aṭṭhārasahi ākārehi abhiniveso hoti? Cakkhu ahanti – abhinivesaparāmāso. Ahanti – mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘aha’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo.
སོཏཾ ཨཧནྟི…པེ॰… གྷཱནཾ ཨཧནྟི…པེ॰… ཛིཝ྄ཧཱ ཨཧནྟི…པེ॰… ཀཱཡོ ཨཧནྟི…པེ॰… མནོ ཨཧནྟི…པེ॰… རཱུཔཱ ཨཧནྟི…པེ॰… དྷམྨཱ ཨཧནྟི… ཙཀྑུཝིཉྙཱཎཾ ཨཧནྟི…པེ॰… མནོཝིཉྙཱཎཾ ཨཧནྟི – ཨབྷིནིཝེསཔརཱམཱསོ། ཨཧནྟི – མཱནཝིནིབནྡྷཱ དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ ཨཊྛཱརསམཱི ‘‘ཨཧ’’ནྟི – མཱནཝིནིབནྡྷཱ དིཊྛི། མཱནཝིནིབནྡྷཱ དིཊྛི མིཙྪཱདིཊྛི…པེ॰… ཨིམཱནི སཉྙོཛནཱནི, ན ཙ དིཊྛིཡོ། ‘‘ཨཧ’’ནྟི – མཱནཝིནིབནྡྷཱཡ དིཊྛིཡཱ ཨིམེཧི ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི།
Sotaṃ ahanti…pe… ghānaṃ ahanti…pe… jivhā ahanti…pe… kāyo ahanti…pe… mano ahanti…pe… rūpā ahanti…pe… dhammā ahanti… cakkhuviññāṇaṃ ahanti…pe… manoviññāṇaṃ ahanti – abhinivesaparāmāso. Ahanti – mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ aṭṭhārasamī ‘‘aha’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo. ‘‘Aha’’nti – mānavinibandhāya diṭṭhiyā imehi aṭṭhārasahi ākārehi abhiniveso hoti.
༡༤༥. ‘‘མམ’’ནྟི – མཱནཝིནིབནྡྷཱཡ དིཊྛིཡཱ ཀཏམེཧི ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི? ཙཀྑུ མམནྟི – ཨབྷིནིཝེསཔརཱམཱསོ། མམནྟི – མཱནཝིནིབནྡྷཱ དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ ‘‘མམ’’ནྟི – མཱནཝིནིབནྡྷཱ དིཊྛི། མཱནཝིནིབནྡྷཱ དིཊྛི མིཙྪཱདིཊྛི…པེ॰… ཨིམཱནི སཉྙོཛནཱནི, ན ཙ དིཊྛིཡོ།
145. ‘‘Mama’’nti – mānavinibandhāya diṭṭhiyā katamehi aṭṭhārasahi ākārehi abhiniveso hoti? Cakkhu mamanti – abhinivesaparāmāso. Mamanti – mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā ‘‘mama’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo.
སོཏཾ མམནྟི…པེ॰… གྷཱནཾ མམནྟི…པེ॰… ཛིཝ྄ཧཱ མམནྟི…པེ॰… ཀཱཡོ མམནྟི…པེ॰… མནོ མམནྟི…པེ॰… རཱུཔཱ མམནྟི…པེ॰… དྷམྨཱ མམནྟི…པེ॰… ཙཀྑུཝིཉྙཱཎཾ མམནྟི…པེ॰… མནོཝིཉྙཱཎཾ མམནྟི ཨབྷིནིཝེསཔརཱམཱསོ། མམནྟི མཱནཝིནིབནྡྷཱ དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ ཨཊྛཱརསམཱི ‘‘མམ’’ནྟི – མཱནཝིནིབནྡྷཱ དིཊྛི། མཱནཝིནིབནྡྷཱ དིཊྛི མིཙྪཱདིཊྛི…པེ॰… ཨིམཱནི སཉྙོཛནཱནི, ན ཙ དིཊྛིཡོ། ‘‘མམ’’ནྟི – མཱནཝིནིབནྡྷཱཡ དིཊྛིཡཱ ཨིམེཧི ཨཊྛཱརསཧི ཨཱཀཱརེཧི ཨབྷིནིཝེསོ ཧོཏི།
Sotaṃ mamanti…pe… ghānaṃ mamanti…pe… jivhā mamanti…pe… kāyo mamanti…pe… mano mamanti…pe… rūpā mamanti…pe… dhammā mamanti…pe… cakkhuviññāṇaṃ mamanti…pe… manoviññāṇaṃ mamanti abhinivesaparāmāso. Mamanti mānavinibandhā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ aṭṭhārasamī ‘‘mama’’nti – mānavinibandhā diṭṭhi. Mānavinibandhā diṭṭhi micchādiṭṭhi…pe… imāni saññojanāni, na ca diṭṭhiyo. ‘‘Mama’’nti – mānavinibandhāya diṭṭhiyā imehi aṭṭhārasahi ākārehi abhiniveso hoti.
སཉྙོཛནིཀཱདིདིཊྛིནིདྡེསོ དྭཱདསམོ།
Saññojanikādidiṭṭhiniddeso dvādasamo.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā / ༡༠-༡༢. སཉྙོཛནིཀཱདིདིཊྛིནིདྡེསཝཎྞནཱ • 10-12. Saññojanikādidiṭṭhiniddesavaṇṇanā
