| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
(10) 5. රාගපෙය්‍යාලං
(10) 5. Rāgapeyyālaṃ
93. ‘‘රාගස්‌ස , භික්‌ඛවෙ, අභිඤ්‌ඤාය නව ධම්‌මා භාවෙතබ්‌බා. කතමෙ නව? අසුභසඤ්‌ඤා, මරණසඤ්‌ඤා, ආහාරෙ පටිකූලසඤ්‌ඤා, සබ්‌බලොකෙ අනභිරතසඤ්‌ඤා, අනිච්‌චසඤ්‌ඤා, අනිච්‌චෙ දුක්‌ඛසඤ්‌ඤා, දුක්‌ඛෙ අනත්‌තසඤ්‌ඤා, පහානසඤ්‌ඤා, විරාගසඤ්‌ඤා – රාගස්‌ස, භික්‌ඛවෙ අභිඤ්‌ඤාය ඉමෙ නව ධම්‌මා භාවෙතබ්‌බා’’ති.
93. ‘‘Rāgassa , bhikkhave, abhiññāya nava dhammā bhāvetabbā. Katame nava? Asubhasaññā, maraṇasaññā, āhāre paṭikūlasaññā, sabbaloke anabhiratasaññā, aniccasaññā, anicce dukkhasaññā, dukkhe anattasaññā, pahānasaññā, virāgasaññā – rāgassa, bhikkhave abhiññāya ime nava dhammā bhāvetabbā’’ti.
94. ‘‘රාගස්‌ස, භික්‌ඛවෙ, අභිඤ්‌ඤාය නව ධම්‌මා භාවෙතබ්‌බා. කතමෙ නව? පඨමං ඣානං, දුතියං ඣානං, තතියං ඣානං, චතුත්‌ථං ඣානං, ආකාසානඤ්‌චායතනං, විඤ්‌ඤාණඤ්‌චායතනං, ආකිඤ්‌චඤ්‌ඤායතනං, නෙවසඤ්‌ඤානාසඤ්‌ඤායතනං, සඤ්‌ඤාවෙදයිතනිරොධො – රාගස්‌ස, භික්‌ඛවෙ, අභිඤ්‌ඤාය ඉමෙ නව ධම්‌මා භාවෙතබ්‌බා’’ති.
94. ‘‘Rāgassa, bhikkhave, abhiññāya nava dhammā bhāvetabbā. Katame nava? Paṭhamaṃ jhānaṃ, dutiyaṃ jhānaṃ, tatiyaṃ jhānaṃ, catutthaṃ jhānaṃ, ākāsānañcāyatanaṃ, viññāṇañcāyatanaṃ, ākiñcaññāyatanaṃ, nevasaññānāsaññāyatanaṃ, saññāvedayitanirodho – rāgassa, bhikkhave, abhiññāya ime nava dhammā bhāvetabbā’’ti.
95-112. ‘‘රාගස්‌ස, භික්‌ඛවෙ, පරිඤ්‌ඤාය…පෙ.… පරික්‌ඛයාය…පෙ.… පහානාය…පෙ.… ඛයාය…පෙ.… වයාය…පෙ.… විරාගාය…පෙ.… නිරොධාය…පෙ.… චාගාය…පෙ.… පටිනිස්‌සග්‌ගාය…පෙ.… ඉමෙ නව ධම්‌මා භාවෙතබ්‌බා’’.
95-112. ‘‘Rāgassa, bhikkhave, pariññāya…pe… parikkhayāya…pe… pahānāya…pe… khayāya…pe… vayāya…pe… virāgāya…pe… nirodhāya…pe… cāgāya…pe… paṭinissaggāya…pe… ime nava dhammā bhāvetabbā’’.
113-432. ‘‘දොසස්‌ස…පෙ.… මොහස්‌ස… කොධස්‌ස… උපනාහස්‌ස… මක්‌ඛස්‌ස… පළාසස්‌ස… ඉස්‌සාය… මච්‌ඡරියස්‌ස… මායාය… සාඨෙය්‍යස්‌ස… ථම්‌භස්‌ස… සාරම්‌භස්‌ස… මානස්‌ස… අතිමානස්‌ස… මදස්‌ස… පමාදස්‌ස අභිඤ්‌ඤාය…පෙ.… පරිඤ්‌ඤාය… පරික්‌ඛයාය… පහානාය… ඛයාය… වයාය… විරාගාය… නිරොධාය … චාගාය… පටිනිස්‌සග්‌ගාය…පෙ.… ඉමෙ නව ධම්‌මා භාවෙතබ්‌බා’’ති.
113-432. ‘‘Dosassa…pe… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya…pe… pariññāya… parikkhayāya… pahānāya… khayāya… vayāya… virāgāya… nirodhāya … cāgāya… paṭinissaggāya…pe… ime nava dhammā bhāvetabbā’’ti.
රාගපෙය්‍යාලං නිට්‌ඨිතං.
Rāgapeyyālaṃ niṭṭhitaṃ.
නවකනිපාතපාළි නිට්‌ඨිතා.
Navakanipātapāḷi niṭṭhitā.
