| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
11-20. அண்ட³ஜதா³னூபகாரஸுத்தத³ஸகங்
11-20. Aṇḍajadānūpakārasuttadasakaṃ
352-361. ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச – ‘‘கோ நு கோ², ப⁴ந்தே, ஹேது, கோ பச்சயோ, யேன மிதே⁴கச்சோ காயஸ்ஸ பே⁴தா³ பரங் மரணா அண்ட³ஜானங் நாகா³னங் ஸஹப்³யதங் உபபஜ்ஜதீ’’தி?
352-361. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjatī’’ti?
‘‘இத⁴, பி⁴க்கு², ஏகச்சோ காயேன த்³வயகாரீ ஹோதி, வாசாய த்³வயகாரீ, மனஸா த்³வயகாரீ. தஸ்ஸ ஸுதங் ஹோதி – ‘அண்ட³ஜா நாகா³ தீ³கா⁴யுகா வண்ணவந்தோ ஸுக²ப³ஹுலா’தி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா அண்ட³ஜானங் நாகா³னங் ஸஹப்³யதங் உபபஜ்ஜெய்ய’ந்தி. ஸோ அன்னங் தே³தி. ஸோ காயஸ்ஸ பே⁴தா³ பரங் மரணா அண்ட³ஜானங் நாகா³னங் ஸஹப்³யதங் உபபஜ்ஜதி. அயங் கோ², பி⁴க்கு², ஹேது…பே॰… உபபஜ்ஜதீதி…பே॰… ஸோ பானங் தே³தி…பே॰… வத்த²ங் தே³தி…பே॰… யானங் தே³தி…பே॰… மாலங் தே³தி…பே॰… க³ந்த⁴ங் தே³தி…பே॰… விலேபனங் தே³தி…பே॰… ஸெய்யங் தே³தி…பே॰… ஆவஸத²ங் தே³தி…பே॰… பதீ³பெய்யங் தே³தி. ஸோ காயஸ்ஸ பே⁴தா³ பரங் மரணா அண்ட³ஜானங் நாகா³னங் ஸஹப்³யதங் உபபஜ்ஜதி. அயங் கோ², பி⁴க்கு², ஹேது, அயங் பச்சயோ, யேன மிதே⁴கச்சோ காயஸ்ஸ பே⁴தா³ பரங் மரணா அண்ட³ஜானங் நாகா³னங் ஸஹப்³யதங் உபபஜ்ஜதீ’’தி. வீஸதிமங்.
‘‘Idha, bhikkhu, ekacco kāyena dvayakārī hoti, vācāya dvayakārī, manasā dvayakārī. Tassa sutaṃ hoti – ‘aṇḍajā nāgā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjeyya’nti. So annaṃ deti. So kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjati. Ayaṃ kho, bhikkhu, hetu…pe… upapajjatīti…pe… so pānaṃ deti…pe… vatthaṃ deti…pe… yānaṃ deti…pe… mālaṃ deti…pe… gandhaṃ deti…pe… vilepanaṃ deti…pe… seyyaṃ deti…pe… āvasathaṃ deti…pe… padīpeyyaṃ deti. So kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjati. Ayaṃ kho, bhikkhu, hetu, ayaṃ paccayo, yena midhekacco kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjatī’’ti. Vīsatimaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2-50. பணீததரஸுத்தாதி³வண்ணனா • 2-50. Paṇītatarasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2-50. பணீததரஸுத்தாதி³வண்ணனா • 2-50. Paṇītatarasuttādivaṇṇanā
