| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১১-২০. অণ্ডজদানূপকারসুত্তদসকং
11-20. Aṇḍajadānūpakārasuttadasakaṃ
৩৫২-৩৬১. একমন্তং নিসিন্নো খো সো ভিক্খু ভগৰন্তং এতদৰোচ – ‘‘কো নু খো, ভন্তে, হেতু, কো পচ্চযো, যেন মিধেকচ্চো কাযস্স ভেদা পরং মরণা অণ্ডজানং নাগানং সহব্যতং উপপজ্জতী’’তি?
352-361. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjatī’’ti?
‘‘ইধ, ভিক্খু, একচ্চো কাযেন দ্ৰযকারী হোতি, ৰাচায দ্ৰযকারী, মনসা দ্ৰযকারী। তস্স সুতং হোতি – ‘অণ্ডজা নাগা দীঘাযুকা ৰণ্ণৰন্তো সুখবহুলা’তি। তস্স এৰং হোতি – ‘অহো ৰতাহং কাযস্স ভেদা পরং মরণা অণ্ডজানং নাগানং সহব্যতং উপপজ্জেয্য’ন্তি। সো অন্নং দেতি। সো কাযস্স ভেদা পরং মরণা অণ্ডজানং নাগানং সহব্যতং উপপজ্জতি। অযং খো, ভিক্খু, হেতু…পে॰… উপপজ্জতীতি…পে॰… সো পানং দেতি…পে॰… ৰত্থং দেতি…পে॰… যানং দেতি…পে॰… মালং দেতি…পে॰… গন্ধং দেতি…পে॰… ৰিলেপনং দেতি…পে॰… সেয্যং দেতি…পে॰… আৰসথং দেতি…পে॰… পদীপেয্যং দেতি। সো কাযস্স ভেদা পরং মরণা অণ্ডজানং নাগানং সহব্যতং উপপজ্জতি। অযং খো, ভিক্খু, হেতু, অযং পচ্চযো, যেন মিধেকচ্চো কাযস্স ভেদা পরং মরণা অণ্ডজানং নাগানং সহব্যতং উপপজ্জতী’’তি। ৰীসতিমং।
‘‘Idha, bhikkhu, ekacco kāyena dvayakārī hoti, vācāya dvayakārī, manasā dvayakārī. Tassa sutaṃ hoti – ‘aṇḍajā nāgā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjeyya’nti. So annaṃ deti. So kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjati. Ayaṃ kho, bhikkhu, hetu…pe… upapajjatīti…pe… so pānaṃ deti…pe… vatthaṃ deti…pe… yānaṃ deti…pe… mālaṃ deti…pe… gandhaṃ deti…pe… vilepanaṃ deti…pe… seyyaṃ deti…pe… āvasathaṃ deti…pe… padīpeyyaṃ deti. So kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjati. Ayaṃ kho, bhikkhu, hetu, ayaṃ paccayo, yena midhekacco kāyassa bhedā paraṃ maraṇā aṇḍajānaṃ nāgānaṃ sahabyataṃ upapajjatī’’ti. Vīsatimaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২-৫০. পণীততরসুত্তাদিৰণ্ণনা • 2-50. Paṇītatarasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২-৫০. পণীততরসুত্তাদিৰণ্ণনা • 2-50. Paṇītatarasuttādivaṇṇanā
