| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
15-16. бхава-вибхавад̣̇идтинид̣̇д̣̇зсо
15-16. Bhava-vibhavadiṭṭhiniddeso
148. олийяанаабхинивзсо бхавад̣̇идти. ад̇ид̇хааванаабхинивзсо вибхавад̣̇идти. ассаад̣̇ад̣̇идтияаа бан̃жад̇им̣сааяа аагаарзхи абхинивзсо гад̇и бхавад̣̇идтияо, гад̇и вибхавад̣̇идтияо? ад̇д̇аануд̣̇идтияаа вийсад̇ияаа аагаарзхи абхинивзсо гад̇и бхавад̣̇идтияо гад̇и вибхавад̣̇идтияо…бз… логаваад̣̇абадисам̣яуд̇д̇ааяа д̣̇идтияаа адтахи аагаарзхи абхинивзсо гад̇и бхавад̣̇идтияо гад̇и вибхавад̣̇идтияо?
148. Olīyanābhiniveso bhavadiṭṭhi. Atidhāvanābhiniveso vibhavadiṭṭhi. Assādadiṭṭhiyā pañcatiṃsāya ākārehi abhiniveso kati bhavadiṭṭhiyo, kati vibhavadiṭṭhiyo? Attānudiṭṭhiyā vīsatiyā ākārehi abhiniveso kati bhavadiṭṭhiyo kati vibhavadiṭṭhiyo…pe… lokavādapaṭisaṃyuttāya diṭṭhiyā aṭṭhahi ākārehi abhiniveso kati bhavadiṭṭhiyo kati vibhavadiṭṭhiyo?
ассаад̣̇ад̣̇идтияаа бан̃жад̇им̣сааяа аагаарзхи абхинивзсо сияаа бхавад̣̇идтияо, сияаа вибхавад̣̇идтияо. ад̇д̇аануд̣̇идтияаа вийсад̇ияаа аагаарзхи абхинивзсо баннараса бхавад̣̇идтияо, бан̃жа вибхавад̣̇идтияо. мижчаад̣̇идтияаа д̣̇асахи аагаарзхи абхинивзсо саб̣б̣аава д̇аа вибхавад̣̇идтияо. саггааяад̣̇идтияаа вийсад̇ияаа аагаарзхи абхинивзсо баннараса бхавад̣̇идтияо, бан̃жа вибхавад̣̇идтияо. саггааяавад̇т̇угааяа сассад̇ад̣̇идтияаа баннарасахи аагаарзхи абхинивзсо саб̣б̣аава д̇аа бхавад̣̇идтияо. саггааяавад̇т̇угааяа ужчзд̣̇ад̣̇идтияаа бан̃жахаагаарзхи абхинивзсо саб̣б̣аава д̇аа вибхавад̣̇идтияо.
Assādadiṭṭhiyā pañcatiṃsāya ākārehi abhiniveso siyā bhavadiṭṭhiyo, siyā vibhavadiṭṭhiyo. Attānudiṭṭhiyā vīsatiyā ākārehi abhiniveso pannarasa bhavadiṭṭhiyo, pañca vibhavadiṭṭhiyo. Micchādiṭṭhiyā dasahi ākārehi abhiniveso sabbāva tā vibhavadiṭṭhiyo. Sakkāyadiṭṭhiyā vīsatiyā ākārehi abhiniveso pannarasa bhavadiṭṭhiyo, pañca vibhavadiṭṭhiyo. Sakkāyavatthukāya sassatadiṭṭhiyā pannarasahi ākārehi abhiniveso sabbāva tā bhavadiṭṭhiyo. Sakkāyavatthukāya ucchedadiṭṭhiyā pañcahākārehi abhiniveso sabbāva tā vibhavadiṭṭhiyo.
‘‘сассад̇о лого’’д̇и – анд̇аг̇г̇аахигааяа д̣̇идтияаа бан̃жахаагаарзхи абхинивзсо саб̣б̣аава д̇аа бхавад̣̇идтияо. ‘‘асассад̇о лого’’д̇и – анд̇аг̇г̇аахигааяа д̣̇идтияаа бан̃жахаагаарзхи абхинивзсо саб̣б̣аава д̇аа вибхавад̣̇идтияо . ‘‘анд̇аваа лого’’д̇и – анд̇аг̇г̇аахигааяа д̣̇идтияаа бан̃жахаагаарзхи абхинивзсо сияаа бхавад̣̇идтияо, сияаа вибхавад̣̇идтияо. ‘‘ананд̇аваа лого’’д̇и – анд̇аг̇г̇аахигааяа д̣̇идтияаа бан̃жахаагаарзхи абхинивзсо сияаа бхавад̣̇идтияо, сияаа вибхавад̣̇идтияо. ‘‘д̇ам̣ ж̇ийвам̣ д̇ам̣ сарийра’’нд̇и – анд̇аг̇г̇аахигааяа д̣̇идтияаа бан̃жахаагаарзхи абхинивзсо саб̣б̣аава д̇аа вибхавад̣̇идтияо. ‘‘ан̃н̃ам̣ ж̇ийвам̣ ан̃н̃ам̣ сарийра’’нд̇и – анд̇аг̇г̇аахигааяа д̣̇идтияаа бан̃жахаагаарзхи абхинивзсо саб̣б̣аава д̇аа бхавад̣̇идтияо. ‘‘ход̇и д̇ат̇ааг̇ад̇о барам̣ маран̣аа’’д̇и – анд̇аг̇г̇аахигааяа д̣̇идтияаа бан̃жахаагаарзхи абхинивзсо саб̣б̣аава д̇аа бхавад̣̇идтияо. ‘‘на ход̇и д̇ат̇ааг̇ад̇о барам̣ маран̣аа’’д̇и – анд̇аг̇г̇аахигааяа д̣̇идтияаа бан̃жахаагаарзхи абхинивзсо саб̣б̣аава д̇аа вибхавад̣̇идтияо. ‘‘ход̇и жа на жа ход̇и д̇ат̇ааг̇ад̇о барам̣ маран̣аа’’д̇и – анд̇аг̇г̇аахигааяа д̣̇идтияаа бан̃жахаагаарзхи абхинивзсо сияаа бхавад̣̇идтияо, сияаа вибхавад̣̇идтияо ‘‘нзва ход̇и на на ход̇и д̇ат̇ааг̇ад̇о барам̣ маран̣аа’’д̇и – анд̇аг̇г̇аахигааяа д̣̇идтияаа бан̃жахаагаарзхи абхинивзсо сияаа бхавад̣̇идтияо, сияаа вибхавад̣̇идтияо.
‘‘Sassato loko’’ti – antaggāhikāya diṭṭhiyā pañcahākārehi abhiniveso sabbāva tā bhavadiṭṭhiyo. ‘‘Asassato loko’’ti – antaggāhikāya diṭṭhiyā pañcahākārehi abhiniveso sabbāva tā vibhavadiṭṭhiyo . ‘‘Antavā loko’’ti – antaggāhikāya diṭṭhiyā pañcahākārehi abhiniveso siyā bhavadiṭṭhiyo, siyā vibhavadiṭṭhiyo. ‘‘Anantavā loko’’ti – antaggāhikāya diṭṭhiyā pañcahākārehi abhiniveso siyā bhavadiṭṭhiyo, siyā vibhavadiṭṭhiyo. ‘‘Taṃ jīvaṃ taṃ sarīra’’nti – antaggāhikāya diṭṭhiyā pañcahākārehi abhiniveso sabbāva tā vibhavadiṭṭhiyo. ‘‘Aññaṃ jīvaṃ aññaṃ sarīra’’nti – antaggāhikāya diṭṭhiyā pañcahākārehi abhiniveso sabbāva tā bhavadiṭṭhiyo. ‘‘Hoti tathāgato paraṃ maraṇā’’ti – antaggāhikāya diṭṭhiyā pañcahākārehi abhiniveso sabbāva tā bhavadiṭṭhiyo. ‘‘Na hoti tathāgato paraṃ maraṇā’’ti – antaggāhikāya diṭṭhiyā pañcahākārehi abhiniveso sabbāva tā vibhavadiṭṭhiyo. ‘‘Hoti ca na ca hoti tathāgato paraṃ maraṇā’’ti – antaggāhikāya diṭṭhiyā pañcahākārehi abhiniveso siyā bhavadiṭṭhiyo, siyā vibhavadiṭṭhiyo ‘‘neva hoti na na hoti tathāgato paraṃ maraṇā’’ti – antaggāhikāya diṭṭhiyā pañcahākārehi abhiniveso siyā bhavadiṭṭhiyo, siyā vibhavadiṭṭhiyo.
буб̣б̣анд̇аануд̣̇идтияаа адтаарасахи аагаарзхи абхинивзсо сияаа бхавад̣̇идтияо, сияаа вибхавад̣̇идтияо. абаранд̇аануд̣̇идтияаа жад̇ужад̇д̇аарийсааяа аагаарзхи абхинивзсо сияаа бхавад̣̇идтияо, сияаа вибхавад̣̇идтияо. сан̃н̃ож̇анигааяа д̣̇идтияаа адтаарасахи аагаарзхи абхинивзсо сияаа бхавад̣̇идтияо, сияаа вибхавад̣̇идтияо. аханд̇и – маанавиниб̣анд̇хааяа д̣̇идтияаа адтаарасахи аагаарзхи абхинивзсо саб̣б̣аава д̇аа вибхавад̣̇идтияо. маманд̇и – маанавиниб̣анд̇хааяа д̣̇идтияаа адтаарасахи аагаарзхи абхинивзсо саб̣б̣аава д̇аа бхавад̣̇идтияо. ад̇д̇аваад̣̇абадисам̣яуд̇д̇ааяа д̣̇идтияаа вийсад̇ияаа аагаарзхи абхинивзсо баннараса бхавад̣̇идтияо, бан̃жа вибхавад̣̇идтияо. логаваад̣̇абадисам̣яуд̇д̇ааяа д̣̇идтияаа адтахи аагаарзхи абхинивзсо сияаа бхавад̣̇идтияо, сияаа вибхавад̣̇идтияо.
Pubbantānudiṭṭhiyā aṭṭhārasahi ākārehi abhiniveso siyā bhavadiṭṭhiyo, siyā vibhavadiṭṭhiyo. Aparantānudiṭṭhiyā catucattārīsāya ākārehi abhiniveso siyā bhavadiṭṭhiyo, siyā vibhavadiṭṭhiyo. Saññojanikāya diṭṭhiyā aṭṭhārasahi ākārehi abhiniveso siyā bhavadiṭṭhiyo, siyā vibhavadiṭṭhiyo. Ahanti – mānavinibandhāya diṭṭhiyā aṭṭhārasahi ākārehi abhiniveso sabbāva tā vibhavadiṭṭhiyo. Mamanti – mānavinibandhāya diṭṭhiyā aṭṭhārasahi ākārehi abhiniveso sabbāva tā bhavadiṭṭhiyo. Attavādapaṭisaṃyuttāya diṭṭhiyā vīsatiyā ākārehi abhiniveso pannarasa bhavadiṭṭhiyo, pañca vibhavadiṭṭhiyo. Lokavādapaṭisaṃyuttāya diṭṭhiyā aṭṭhahi ākārehi abhiniveso siyā bhavadiṭṭhiyo, siyā vibhavadiṭṭhiyo.
саб̣б̣аава д̇аа д̣̇идтияо ассаад̣̇ад̣̇идтияо. саб̣б̣аава д̇аа д̣̇идтияо ад̇д̇аануд̣̇идтияо. саб̣б̣аава д̇аа д̣̇идтияо мижчаад̣̇идтияо. саб̣б̣аава д̇аа д̣̇идтияо саггааяад̣̇идтияо. саб̣б̣аава д̇аа д̣̇идтияо анд̇аг̇г̇аахигаа д̣̇идтияо. саб̣б̣аава д̇аа д̣̇идтияо сан̃н̃ож̇анигаа д̣̇идтияо. саб̣б̣аава д̇аа д̣̇идтияо ад̇д̇аваад̣̇абадисам̣яуд̇д̇аа д̣̇идтияо.
Sabbāva tā diṭṭhiyo assādadiṭṭhiyo. Sabbāva tā diṭṭhiyo attānudiṭṭhiyo. Sabbāva tā diṭṭhiyo micchādiṭṭhiyo. Sabbāva tā diṭṭhiyo sakkāyadiṭṭhiyo. Sabbāva tā diṭṭhiyo antaggāhikā diṭṭhiyo. Sabbāva tā diṭṭhiyo saññojanikā diṭṭhiyo. Sabbāva tā diṭṭhiyo attavādapaṭisaṃyuttā diṭṭhiyo.
бхаван̃жа д̣̇идтим̣ вибхаван̃жа д̣̇идтим̣, зд̇ам̣ д̣̇ваяам̣ д̇аггигаа ниссид̇аасз;
Bhavañca diṭṭhiṃ vibhavañca diṭṭhiṃ, etaṃ dvayaṃ takkikā nissitāse;
д̇зсам̣ нирод̇хамхи на хад̇т̇и н̃аан̣ам̣, яад̇т̇ааяам̣ лого вибарийд̇асан̃н̃ийд̇и.
Tesaṃ nirodhamhi na hatthi ñāṇaṃ, yatthāyaṃ loko viparītasaññīti.
149. ‘‘д̣̇вийхи, бхигкавз, д̣̇идтиг̇ад̇зхи барияудтид̇аа д̣̇звамануссаа олийяанд̇и 1 згз, ад̇ид̇хааванд̇и згз; жагкуманд̇о жа бассанд̇и. гат̇ан̃жа, бхигкавз, олийяанд̇и згз? бхаваараамаа, бхигкавз, д̣̇звамануссаа бхаварад̇аа бхавасаммуд̣̇ид̇аа. д̇зсам̣ бхаванирод̇хааяа д̇хаммз д̣̇зсияамаанз жид̇д̇ам̣ на багканд̣̇ад̇и на басийд̣̇ад̇и на санд̇идтад̇и наад̇химужжад̇и. звам̣ ко, бхигкавз, олийяанд̇и згз.
149. ‘‘Dvīhi, bhikkhave, diṭṭhigatehi pariyuṭṭhitā devamanussā olīyanti 2 eke, atidhāvanti eke; cakkhumanto ca passanti. Kathañca, bhikkhave, olīyanti eke? Bhavārāmā, bhikkhave, devamanussā bhavaratā bhavasammuditā. Tesaṃ bhavanirodhāya dhamme desiyamāne cittaṃ na pakkhandati na pasīdati na santiṭṭhati nādhimuccati. Evaṃ kho, bhikkhave, olīyanti eke.
‘‘гат̇ан̃жа , бхигкавз, ад̇ид̇хааванд̇и згз? бхавзнзва ко банзгз аддийяамаанаа 3 харааяамаанаа ж̇иг̇ужчамаанаа вибхавам̣ абхинанд̣̇анд̇и – ‘‘яад̇о гира, бхо, аяам̣ ад̇д̇аа гааяасса бхзд̣̇аа барам̣ маран̣аа ужчиж̇ж̇ад̇и винассад̇и на ход̇и барам̣ маран̣аа, зд̇ам̣ санд̇ам̣ зд̇ам̣ бан̣ийд̇ам̣ зд̇ам̣ яаат̇ааванд̇и. звам̣ ко, бхигкавз, ад̇ид̇хааванд̇и згз.
‘‘Kathañca , bhikkhave, atidhāvanti eke? Bhaveneva kho paneke aṭṭīyamānā 4 harāyamānā jigucchamānā vibhavaṃ abhinandanti – ‘‘yato kira, bho, ayaṃ attā kāyassa bhedā paraṃ maraṇā ucchijjati vinassati na hoti paraṃ maraṇā, etaṃ santaṃ etaṃ paṇītaṃ etaṃ yāthāvanti. Evaṃ kho, bhikkhave, atidhāvanti eke.
‘‘гат̇ан̃жа, бхигкавз, жагкуманд̇о жа бассанд̇и? ид̇ха, бхигкавз, бхигку бхууд̇ам̣ бхууд̇ад̇о бассад̇и. бхууд̇ам̣ бхууд̇ад̇о д̣̇исваа бхууд̇асса ниб̣б̣ид̣̇ааяа вирааг̇ааяа нирод̇хааяа бадибанно ход̇и. звам̣ ко, бхигкавз, жагкуманд̇о жа бассанд̇и.
‘‘Kathañca, bhikkhave, cakkhumanto ca passanti? Idha, bhikkhave, bhikkhu bhūtaṃ bhūtato passati. Bhūtaṃ bhūtato disvā bhūtassa nibbidāya virāgāya nirodhāya paṭipanno hoti. Evaṃ kho, bhikkhave, cakkhumanto ca passanti.
‘‘яо 5 бхууд̇ам̣ бхууд̇ад̇о д̣̇исваа, бхууд̇асса жа ад̇иггамам̣;
‘‘Yo 6 bhūtaṃ bhūtato disvā, bhūtassa ca atikkamaṃ;
яат̇аабхууд̇зд̇химужжад̇и, бхавад̇ан̣хаа баригкаяаа.
Yathābhūtedhimuccati, bhavataṇhā parikkhayā.
‘‘са вз бхууд̇абарин̃н̃аад̇о, вийд̇ад̇ан̣хо бхаваабхавз;
‘‘Sa ve bhūtapariññāto, vītataṇho bhavābhave;
бхууд̇асса вибхаваа бхигку, нааг̇ажчад̇и бунаб̣бхава’’нд̇и.
Bhūtassa vibhavā bhikkhu, nāgacchati punabbhava’’nti.
150. д̇аяо буг̇г̇алаа вибаннад̣̇идтий, д̇аяо буг̇г̇алаа самбаннад̣̇идтий. гад̇амз д̇аяо буг̇г̇алаа вибаннад̣̇идтий? д̇ид̇т̇ияо жа, д̇ид̇т̇ияасааваго жа, яо жа мижчаад̣̇идтиго – имз д̇аяо буг̇г̇алаа вибаннад̣̇идтий.
150. Tayo puggalā vipannadiṭṭhī, tayo puggalā sampannadiṭṭhī. Katame tayo puggalā vipannadiṭṭhī? Titthiyo ca, titthiyasāvako ca, yo ca micchādiṭṭhiko – ime tayo puggalā vipannadiṭṭhī.
гад̇амз д̇аяо буг̇г̇алаа самбаннад̣̇идтий? д̇ат̇ааг̇ад̇о жа, д̇ат̇ааг̇ад̇асааваго жа, яо жа саммаад̣̇идтиго – имз д̇аяо буг̇г̇алаа самбаннад̣̇идтий.
Katame tayo puggalā sampannadiṭṭhī? Tathāgato ca, tathāgatasāvako ca, yo ca sammādiṭṭhiko – ime tayo puggalā sampannadiṭṭhī.
‘‘год̇хано убанаахий жа, баабамагкий жа яо наро;
‘‘Kodhano upanāhī ca, pāpamakkhī ca yo naro;
вибаннад̣̇идти мааяаавий, д̇ам̣ ж̇ан̃н̃аа васало ид̇и’’ 7.
Vipannadiṭṭhi māyāvī, taṃ jaññā vasalo iti’’ 8.
аггод̇хано анубанаахий, висуд̣̇д̇хо 9 суд̣̇д̇хад̇ам̣ г̇ад̇о;
Akkodhano anupanāhī, visuddho 10 suddhataṃ gato;
самбаннад̣̇идти мзд̇хаавий, д̇ам̣ ж̇ан̃н̃аа арияо ид̇ийд̇и.
Sampannadiṭṭhi medhāvī, taṃ jaññā ariyo itīti.
д̇иссо вибаннад̣̇идтияо, д̇иссо самбаннад̣̇идтияо. гад̇амаа д̇иссо вибаннад̣̇идтияо? зд̇ам̣ мамаад̇и – вибаннад̣̇идти. зсохамасмийд̇и – вибаннад̣̇идти. зсо мз ад̇д̇аад̇и – вибаннад̣̇идти. имаа д̇иссо вибаннад̣̇идтияо.
Tisso vipannadiṭṭhiyo, tisso sampannadiṭṭhiyo. Katamā tisso vipannadiṭṭhiyo? Etaṃ mamāti – vipannadiṭṭhi. Esohamasmīti – vipannadiṭṭhi. Eso me attāti – vipannadiṭṭhi. Imā tisso vipannadiṭṭhiyo.
гад̇амаа д̇иссо самбаннад̣̇идтияо? нзд̇ам̣ мамаад̇и – самбаннад̣̇идти. нзсохамасмийд̇и – самбаннад̣̇идти. на мзсо ад̇д̇аад̇и – самбаннад̣̇идти. имаа д̇иссо самбаннад̣̇идтияо.
Katamā tisso sampannadiṭṭhiyo? Netaṃ mamāti – sampannadiṭṭhi. Nesohamasmīti – sampannadiṭṭhi. Na meso attāti – sampannadiṭṭhi. Imā tisso sampannadiṭṭhiyo.
зд̇ам̣ мамаад̇и – гаа д̣̇идти, гад̇и д̣̇идтияо, гад̇аманд̇аануг̇г̇ахид̇аа д̇аа д̣̇идтияо? зсохамасмийд̇и – гаа д̣̇идти, гад̇и д̣̇идтияо, гад̇аманд̇аануг̇г̇ахид̇аа д̇аа д̣̇идтияо? зсо мз ад̇д̇аад̇и – гаа д̣̇идти, гад̇и д̣̇идтияо, гад̇аманд̇аануг̇г̇ахид̇аа д̇аа д̣̇идтияо?
Etaṃ mamāti – kā diṭṭhi, kati diṭṭhiyo, katamantānuggahitā tā diṭṭhiyo? Esohamasmīti – kā diṭṭhi, kati diṭṭhiyo, katamantānuggahitā tā diṭṭhiyo? Eso me attāti – kā diṭṭhi, kati diṭṭhiyo, katamantānuggahitā tā diṭṭhiyo?
зд̇ам̣ мамаад̇и – буб̣б̣анд̇аануд̣̇идти. адтаараса д̣̇идтияо. буб̣б̣анд̇аануг̇г̇ахид̇аа д̇аа д̣̇идтияо. зсохамасмийд̇и – абаранд̇аануд̣̇идти. жад̇ужад̇д̇аарийсам̣ д̣̇идтияо. абаранд̇аануг̇г̇ахид̇аа д̇аа д̣̇идтияо. зсо мз ад̇д̇аад̇и – вийсад̇ивад̇т̇угаа ад̇д̇аануд̣̇идти. вийсад̇ивад̇т̇угаа саггааяад̣̇идти. саггааяад̣̇идтиббамукаани 11 д̣̇ваасадти д̣̇идтиг̇ад̇аани. буб̣б̣анд̇аабаранд̇аануг̇г̇ахид̇аа д̇аа д̣̇идтияо.
Etaṃ mamāti – pubbantānudiṭṭhi. Aṭṭhārasa diṭṭhiyo. Pubbantānuggahitā tā diṭṭhiyo. Esohamasmīti – aparantānudiṭṭhi. Catucattārīsaṃ diṭṭhiyo. Aparantānuggahitā tā diṭṭhiyo. Esome attāti – vīsativatthukā attānudiṭṭhi. Vīsativatthukā sakkāyadiṭṭhi. Sakkāyadiṭṭhippamukhāni 12 dvāsaṭṭhi diṭṭhigatāni. Pubbantāparantānuggahitā tā diṭṭhiyo.
151. ‘‘яз гзжи, бхигкавз, маяи нидтам̣ г̇ад̇аа, саб̣б̣з д̇з д̣̇идтисамбаннаа. д̇зсам̣ д̣̇идтисамбаннаанам̣ бан̃жаннам̣ ид̇ха нидтаа, бан̃жаннам̣ ид̇ха вихааяа нидтаа. гад̇амзсам̣ бан̃жаннам̣ ид̇ха нидтаа? сад̇д̇агкад̇д̇убарамасса, голам̣голасса, згаб̣ийж̇исса, сагад̣̇ааг̇аамисса, яо жа д̣̇идтзва д̇хаммз арахаа – имзсам̣ бан̃жаннам̣ ид̇ха нидтаа.
151. ‘‘Ye keci, bhikkhave, mayi niṭṭhaṃ gatā, sabbe te diṭṭhisampannā. Tesaṃ diṭṭhisampannānaṃ pañcannaṃ idha niṭṭhā, pañcannaṃ idha vihāya niṭṭhā. Katamesaṃ pañcannaṃ idha niṭṭhā? Sattakkhattuparamassa, kolaṃkolassa, ekabījissa, sakadāgāmissa, yo ca diṭṭheva dhamme arahā – imesaṃ pañcannaṃ idha niṭṭhā.
‘‘гад̇амзсам̣ бан̃жаннам̣ ид̇ха вихааяа нидтаа? анд̇араабариниб̣б̣ааяисса, убахажжабариниб̣б̣ааяисса, асан̇каарабариниб̣б̣ааяисса, сасан̇каарабариниб̣б̣ааяисса, уд̣̇д̇хам̣сод̇асса, аганидтаг̇аамино – имзсам̣ бан̃жаннам̣ ид̇ха вихааяа нидтаа.
‘‘Katamesaṃ pañcannaṃ idha vihāya niṭṭhā? Antarāparinibbāyissa, upahaccaparinibbāyissa, asaṅkhāraparinibbāyissa, sasaṅkhāraparinibbāyissa, uddhaṃsotassa, akaniṭṭhagāmino – imesaṃ pañcannaṃ idha vihāya niṭṭhā.
‘‘яз гзжи, бхигкавз, маяи нидтам̣ г̇ад̇аа, саб̣б̣з д̇з д̣̇идтисамбаннаа. д̇зсам̣ д̣̇идтисамбаннаанам̣ имзсам̣ бан̃жаннам̣ ид̇ха нидтаа, имзсам̣ бан̃жаннам̣ ид̇ха вихааяа нидтаа.
‘‘Ye keci, bhikkhave, mayi niṭṭhaṃ gatā, sabbe te diṭṭhisampannā. Tesaṃ diṭṭhisampannānaṃ imesaṃ pañcannaṃ idha niṭṭhā, imesaṃ pañcannaṃ idha vihāya niṭṭhā.
‘‘яз гзжи, бхигкавз, маяи авзжжаббасаннаа, саб̣б̣з д̇з сод̇аабаннаа. д̇зсам̣ сод̇аабаннаанам̣ бан̃жаннам̣ ид̇ха нидтаа, бан̃жаннам̣ ид̇ха вихааяа нидтаа. гад̇амзсам̣ бан̃жаннам̣ ид̇ха нидтаа? сад̇д̇агкад̇д̇убарамасса , голам̣голасса, згаб̣ийж̇исса, сагад̣̇ааг̇аамисса, яо жа д̣̇идтзва д̇хаммз арахаа – имзсам̣ бан̃жаннам̣ ид̇ха нидтаа.
‘‘Ye keci, bhikkhave, mayi aveccappasannā, sabbe te sotāpannā. Tesaṃ sotāpannānaṃ pañcannaṃ idha niṭṭhā, pañcannaṃ idha vihāya niṭṭhā. Katamesaṃ pañcannaṃ idha niṭṭhā? Sattakkhattuparamassa , kolaṃkolassa, ekabījissa, sakadāgāmissa, yo ca diṭṭheva dhamme arahā – imesaṃ pañcannaṃ idha niṭṭhā.
‘‘гад̇амзсам̣ бан̃жаннам̣ ид̇ха вихааяа нидтаа? анд̇араабариниб̣б̣ааяисса, убахажжабариниб̣б̣ааяисса, асан̇каарабариниб̣б̣ааяисса, сасан̇каарабариниб̣б̣ааяисса, уд̣̇д̇хам̣сод̇асса, аганидтаг̇аамино – имзсам̣ бан̃жаннам̣ ид̇ха вихааяа нидтаа.
‘‘Katamesaṃ pañcannaṃ idha vihāya niṭṭhā? Antarāparinibbāyissa, upahaccaparinibbāyissa, asaṅkhāraparinibbāyissa, sasaṅkhāraparinibbāyissa, uddhaṃsotassa, akaniṭṭhagāmino – imesaṃ pañcannaṃ idha vihāya niṭṭhā.
‘‘яз гзжи, бхигкавз, маяи авзжжаббасаннаа, саб̣б̣з д̇з сод̇аабаннаа. д̇зсам̣ сод̇аабаннаанам̣ имзсам̣ бан̃жаннам̣ ид̇ха нидтаа. имзсам̣ бан̃жаннам̣ ид̇ха вихааяа нидтаад̇и’’.
‘‘Ye keci, bhikkhave, mayi aveccappasannā, sabbe te sotāpannā. Tesaṃ sotāpannānaṃ imesaṃ pañcannaṃ idha niṭṭhā. Imesaṃ pañcannaṃ idha vihāya niṭṭhāti’’.
бхававибхавад̣̇идтинид̣̇д̣̇зсо сол̣асамо.
Bhavavibhavadiṭṭhiniddeso soḷasamo.
д̣̇идтигат̇аа нидтид̇аа.
Diṭṭhikathā niṭṭhitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 15-16. бхававибхавад̣̇идтинид̣̇д̣̇зсаван̣н̣анаа • 15-16. Bhavavibhavadiṭṭhiniddesavaṇṇanā
