| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
(১৮) ৮. রাগপেয্যালং
(18) 8. Rāgapeyyālaṃ
১৮৪. ‘‘রাগস্স , ভিক্খৰে, অভিঞ্ঞায তযো ধম্মা ভাৰেতব্বা। কতমে তযো? সুঞ্ঞতো সমাধি, অনিমিত্তো সমাধি, অপ্পণিহিতো সমাধি – রাগস্স, ভিক্খৰে, অভিঞ্ঞায ইমে তযো ধম্মা ভাৰেতব্বা। ( ) 1
184. ‘‘Rāgassa , bhikkhave, abhiññāya tayo dhammā bhāvetabbā. Katame tayo? Suññato samādhi, animitto samādhi, appaṇihito samādhi – rāgassa, bhikkhave, abhiññāya ime tayo dhammā bhāvetabbā. ( ) 2
‘‘রাগস্স , ভিক্খৰে, পরিঞ্ঞায…পে॰… পরিক্খযায… পহানায… খযায… ৰযায… ৰিরাগায… নিরোধায… চাগায… পটিনিস্সগ্গায ইমে তযো ধম্মা ভাৰেতব্বা।
‘‘Rāgassa , bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya ime tayo dhammā bhāvetabbā.
‘‘দোসস্স… মোহস্স… কোধস্স… উপনাহস্স… মক্খস্স… পলাসস্স… ইস্সায… মচ্ছরিযস্স… মাযায… সাঠেয্যস্স… থম্ভস্স… সারম্ভস্স… মানস্স… অতিমানস্স… মদস্স… পমাদস্স অভিঞ্ঞায… পরিঞ্ঞায… পরিক্খযায… পহানায… খযায… ৰযায… ৰিরাগায… নিরোধায… চাগায… পটিনিস্সগ্গায ইমে তযো ধম্মা ভাৰেতব্বা’’তি।
‘‘Dosassa… mohassa… kodhassa… upanāhassa… makkhassa… palāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya… pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya ime tayo dhammā bhāvetabbā’’ti.
(ইদমৰোচ ভগৰা। অত্তমনা তে ভিক্খূ ভগৰতো ভাসিতং অভিনন্দুন্তি।) 3
(Idamavoca bhagavā. Attamanā te bhikkhū bhagavato bhāsitaṃ abhinandunti.) 4
রাগপেয্যালং নিট্ঠিতং।
Rāgapeyyālaṃ niṭṭhitaṃ.
তস্সুদ্দানং –
Tassuddānaṃ –
মক্খপল়াসইস্সা চ, মচ্ছরিমাযাসাঠেয্যা॥
Makkhapaḷāsaissā ca, maccharimāyāsāṭheyyā.
থম্ভসারম্ভমানঞ্চ, অতিমানমদস্স চ।
Thambhasārambhamānañca, atimānamadassa ca;
পমাদা সত্তরস ৰুত্তা, রাগপেয্যালনিস্সিতা॥
Pamādā sattarasa vuttā, rāgapeyyālanissitā.
এতে ওপম্মযুত্তেন, আপাদেন অভিঞ্ঞায।
Ete opammayuttena, āpādena abhiññāya;
পরিঞ্ঞায পরিক্খযা, পহানক্খযব্বযেন।
Pariññāya parikkhayā, pahānakkhayabbayena;
ৰিরাগনিরোধচাগং, পটিনিস্সগ্গে ইমে দস॥
Virāganirodhacāgaṃ, paṭinissagge ime dasa.
সুঞ্ঞতো অনিমিত্তো চ, অপ্পণিহিতো চ তযো।
Suññato animitto ca, appaṇihito ca tayo;
সমাধিমূলকা পেয্যালেসুপি ৰৰত্থিতা চাতি॥
Samādhimūlakā peyyālesupi vavatthitā cāti.
তিকনিপাতপাল়ি নিট্ঠিতা।
Tikanipātapāḷi niṭṭhitā.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১৭-১৮. পেয্যালৰগ্গাদিৰণ্ণনা • 17-18. Peyyālavaggādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / পেয্যালৰগ্গৰণ্ণনা • Peyyālavaggavaṇṇanā
