| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
(१८) ८. रागपेय्यालं
(18) 8. Rāgapeyyālaṃ
१८४. ‘‘रागस्स , भिक्खवे, अभिञ्ञाय तयो धम्मा भावेतब्बा। कतमे तयो? सुञ्ञतो समाधि, अनिमित्तो समाधि, अप्पणिहितो समाधि – रागस्स, भिक्खवे, अभिञ्ञाय इमे तयो धम्मा भावेतब्बा। ( ) 1
184. ‘‘Rāgassa , bhikkhave, abhiññāya tayo dhammā bhāvetabbā. Katame tayo? Suññato samādhi, animitto samādhi, appaṇihito samādhi – rāgassa, bhikkhave, abhiññāya ime tayo dhammā bhāvetabbā. ( ) 2
‘‘रागस्स , भिक्खवे, परिञ्ञाय…पे॰… परिक्खयाय… पहानाय… खयाय… वयाय… विरागाय… निरोधाय… चागाय… पटिनिस्सग्गाय इमे तयो धम्मा भावेतब्बा।
‘‘Rāgassa , bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya ime tayo dhammā bhāvetabbā.
‘‘दोसस्स… मोहस्स… कोधस्स… उपनाहस्स… मक्खस्स… पलासस्स… इस्साय… मच्छरियस्स… मायाय… साठेय्यस्स… थम्भस्स… सारम्भस्स… मानस्स… अतिमानस्स… मदस्स… पमादस्स अभिञ्ञाय… परिञ्ञाय… परिक्खयाय… पहानाय… खयाय… वयाय… विरागाय… निरोधाय… चागाय… पटिनिस्सग्गाय इमे तयो धम्मा भावेतब्बा’’ति।
‘‘Dosassa… mohassa… kodhassa… upanāhassa… makkhassa… palāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya… pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya ime tayo dhammā bhāvetabbā’’ti.
(इदमवोच भगवा। अत्तमना ते भिक्खू भगवतो भासितं अभिनन्दुन्ति।) 3
(Idamavoca bhagavā. Attamanā te bhikkhū bhagavato bhāsitaṃ abhinandunti.) 4
रागपेय्यालं निट्ठितं।
Rāgapeyyālaṃ niṭṭhitaṃ.
तस्सुद्दानं –
Tassuddānaṃ –
मक्खपळासइस्सा च, मच्छरिमायासाठेय्या॥
Makkhapaḷāsaissā ca, maccharimāyāsāṭheyyā.
थम्भसारम्भमानञ्च, अतिमानमदस्स च।
Thambhasārambhamānañca, atimānamadassa ca;
पमादा सत्तरस वुत्ता, रागपेय्यालनिस्सिता॥
Pamādā sattarasa vuttā, rāgapeyyālanissitā.
एते ओपम्मयुत्तेन, आपादेन अभिञ्ञाय।
Ete opammayuttena, āpādena abhiññāya;
परिञ्ञाय परिक्खया, पहानक्खयब्बयेन।
Pariññāya parikkhayā, pahānakkhayabbayena;
विरागनिरोधचागं, पटिनिस्सग्गे इमे दस॥
Virāganirodhacāgaṃ, paṭinissagge ime dasa.
सुञ्ञतो अनिमित्तो च, अप्पणिहितो च तयो।
Suññato animitto ca, appaṇihito ca tayo;
समाधिमूलका पेय्यालेसुपि ववत्थिता चाति॥
Samādhimūlakā peyyālesupi vavatthitā cāti.
तिकनिपातपाळि निट्ठिता।
Tikanipātapāḷi niṭṭhitā.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / १७-१८. पेय्यालवग्गादिवण्णना • 17-18. Peyyālavaggādivaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / पेय्यालवग्गवण्णना • Peyyālavaggavaṇṇanā
