Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya

    (๑๘) ๘. ราคเปยฺยาลํ

    (18) 8. Rāgapeyyālaṃ

    ๑๘๔. ‘‘ราคสฺส , ภิกฺขเว, อภิญฺญาย ตโย ธมฺมา ภาเวตพฺพาฯ กตเม ตโย? สุญฺญโต สมาธิ, อนิมิโตฺต สมาธิ, อปฺปณิหิโต สมาธิ – ราคสฺส, ภิกฺขเว, อภิญฺญาย อิเม ตโย ธมฺมา ภาเวตพฺพาฯ ( ) 1

    184. ‘‘Rāgassa , bhikkhave, abhiññāya tayo dhammā bhāvetabbā. Katame tayo? Suññato samādhi, animitto samādhi, appaṇihito samādhi – rāgassa, bhikkhave, abhiññāya ime tayo dhammā bhāvetabbā. ( ) 2

    ‘‘ราคสฺส , ภิกฺขเว, ปริญฺญาย…เป.… ปริกฺขยาย… ปหานาย… ขยาย… วยาย… วิราคาย… นิโรธาย… จาคาย… ปฎินิสฺสคฺคาย อิเม ตโย ธมฺมา ภาเวตพฺพาฯ

    ‘‘Rāgassa , bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya ime tayo dhammā bhāvetabbā.

    ‘‘โทสสฺส… โมหสฺส… โกธสฺส… อุปนาหสฺส… มกฺขสฺส… ปลาสสฺส… อิสฺสาย… มจฺฉริยสฺส… มายาย… สาเฐยฺยสฺส… ถมฺภสฺส… สารมฺภสฺส… มานสฺส… อติมานสฺส… มทสฺส… ปมาทสฺส อภิญฺญาย… ปริญฺญาย… ปริกฺขยาย… ปหานาย… ขยาย… วยาย… วิราคาย… นิโรธาย… จาคาย… ปฎินิสฺสคฺคาย อิเม ตโย ธมฺมา ภาเวตพฺพา’’ติฯ

    ‘‘Dosassa… mohassa… kodhassa… upanāhassa… makkhassa… palāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya… pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya ime tayo dhammā bhāvetabbā’’ti.

    (อิทมโวจ ภควาฯ อตฺตมนา เต ภิกฺขู ภควโต ภาสิตํ อภินนฺทุนฺติฯ) 3

    (Idamavoca bhagavā. Attamanā te bhikkhū bhagavato bhāsitaṃ abhinandunti.) 4

    ราคเปยฺยาลํ นิฎฺฐิตํฯ

    Rāgapeyyālaṃ niṭṭhitaṃ.

    ตสฺสุทฺทานํ –

    Tassuddānaṃ –

    5 ราคํ โทสญฺจ โมหญฺจ, โกธูปนาหปญฺจมํ;

    6 Rāgaṃ dosañca mohañca, kodhūpanāhapañcamaṃ;

    มกฺขปฬาสอิสฺสา จ, มจฺฉริมายาสาเฐยฺยาฯ

    Makkhapaḷāsaissā ca, maccharimāyāsāṭheyyā.

    ถมฺภสารมฺภมานญฺจ, อติมานมทสฺส จ;

    Thambhasārambhamānañca, atimānamadassa ca;

    ปมาทา สตฺตรส วุตฺตา, ราคเปยฺยาลนิสฺสิตาฯ

    Pamādā sattarasa vuttā, rāgapeyyālanissitā.

    เอเต โอปมฺมยุเตฺตน, อาปาเทน อภิญฺญาย;

    Ete opammayuttena, āpādena abhiññāya;

    ปริญฺญาย ปริกฺขยา, ปหานกฺขยพฺพเยน;

    Pariññāya parikkhayā, pahānakkhayabbayena;

    วิราคนิโรธจาคํ, ปฎินิสฺสเคฺค อิเม ทสฯ

    Virāganirodhacāgaṃ, paṭinissagge ime dasa.

    สุญฺญโต อนิมิโตฺต จ, อปฺปณิหิโต จ ตโย;

    Suññato animitto ca, appaṇihito ca tayo;

    สมาธิมูลกา เปยฺยาเลสุปิ ววตฺถิตา จาติฯ

    Samādhimūlakā peyyālesupi vavatthitā cāti.

    ติกนิปาตปาฬิ นิฎฺฐิตาฯ

    Tikanipātapāḷi niṭṭhitā.




    Next: ๑. อนุพุทฺธสุตฺตํ • 1. Anubuddhasuttaṃ




    Footnotes:
    1. (ราคสฺส ภิกฺขเว อภิญฺญาย ตโย ธมฺมา ภาเวตพฺพาฯ กตเม ตโย? สวิตกฺกสวิจาโร สมาธิ, อวิตกฺกวิจารมโตฺต สมาธิ, อวิตกฺกอวิจาโร สมาธิฯ ราคสฺส ภิกฺขเว อภิญฺญาย อิเม ตโย ธมฺมา ภาเวตพฺพาฯ) เอตฺถนฺตเร ปาโฐ กตฺถจิ ทิสฺสติ, อฎฺฐกถายํ ปสฺสิตโพฺพ
    2. (rāgassa bhikkhave abhiññāya tayo dhammā bhāvetabbā. katame tayo? savitakkasavicāro samādhi, avitakkavicāramatto samādhi, avitakkaavicāro samādhi. rāgassa bhikkhave abhiññāya ime tayo dhammā bhāvetabbā.) etthantare pāṭho katthaci dissati, aṭṭhakathāyaṃ passitabbo
    3. ( ) เอตฺถนฺตเร ปาโฐ สฺยา. กํ. ก. โปตฺถเกสุ น ทิสฺสติ
    4. ( ) etthantare pāṭho syā. kaṃ. ka. potthakesu na dissati
    5. อิมา อุทฺทานคาถาโย สี. สฺยา. กํ. ปี. โปตฺถเกสุ น ทิสฺสนฺติ
    6. imā uddānagāthāyo sī. syā. kaṃ. pī. potthakesu na dissanti



    Related texts:



    อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑๗-๑๘. เปยฺยาลวคฺคาทิวณฺณนา • 17-18. Peyyālavaggādivaṇṇanā

    ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / เปยฺยาลวคฺควณฺณนา • Peyyālavaggavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact