| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
(18) 8. රාගපෙය්‍යාලං
(18) 8. Rāgapeyyālaṃ
184. ‘‘රාගස්‌ස , භික්‌ඛවෙ, අභිඤ්‌ඤාය තයො ධම්‌මා භාවෙතබ්‌බා. කතමෙ තයො? සුඤ්‌ඤතො සමාධි, අනිමිත්‌තො සමාධි, අප්‌පණිහිතො සමාධි – රාගස්‌ස, භික්‌ඛවෙ, අභිඤ්‌ඤාය ඉමෙ තයො ධම්‌මා භාවෙතබ්‌බා. ( ) 1
184. ‘‘Rāgassa , bhikkhave, abhiññāya tayo dhammā bhāvetabbā. Katame tayo? Suññato samādhi, animitto samādhi, appaṇihito samādhi – rāgassa, bhikkhave, abhiññāya ime tayo dhammā bhāvetabbā. ( ) 2
‘‘රාගස්‌ස , භික්‌ඛවෙ, පරිඤ්‌ඤාය…පෙ.… පරික්‌ඛයාය… පහානාය… ඛයාය… වයාය… විරාගාය… නිරොධාය… චාගාය… පටිනිස්‌සග්‌ගාය ඉමෙ තයො ධම්‌මා භාවෙතබ්‌බා.
‘‘Rāgassa , bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya ime tayo dhammā bhāvetabbā.
‘‘දොසස්‌ස… මොහස්‌ස… කොධස්‌ස… උපනාහස්‌ස… මක්‌ඛස්‌ස… පලාසස්‌ස… ඉස්‌සාය… මච්‌ඡරියස්‌ස… මායාය… සාඨෙය්‍යස්‌ස… ථම්‌භස්‌ස… සාරම්‌භස්‌ස… මානස්‌ස… අතිමානස්‌ස… මදස්‌ස… පමාදස්‌ස අභිඤ්‌ඤාය… පරිඤ්‌ඤාය… පරික්‌ඛයාය… පහානාය… ඛයාය… වයාය… විරාගාය… නිරොධාය… චාගාය… පටිනිස්‌සග්‌ගාය ඉමෙ තයො ධම්‌මා භාවෙතබ්‌බා’’ති.
‘‘Dosassa… mohassa… kodhassa… upanāhassa… makkhassa… palāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya… pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya ime tayo dhammā bhāvetabbā’’ti.
(ඉදමවොච භගවා. අත්‌තමනා තෙ භික්‌ඛූ භගවතො භාසිතං අභිනන්‌දුන්‌ති.) 3
(Idamavoca bhagavā. Attamanā te bhikkhū bhagavato bhāsitaṃ abhinandunti.) 4
රාගපෙය්‍යාලං නිට්‌ඨිතං.
Rāgapeyyālaṃ niṭṭhitaṃ.
තස්‌සුද්‌දානං –
Tassuddānaṃ –
මක්‌ඛපළාසඉස්‌සා ච, මච්‌ඡරිමායාසාඨෙය්‍යා.
Makkhapaḷāsaissā ca, maccharimāyāsāṭheyyā.
ථම්‌භසාරම්‌භමානඤ්‌ච, අතිමානමදස්‌ස ච;
Thambhasārambhamānañca, atimānamadassa ca;
පමාදා සත්‌තරස වුත්‌තා, රාගපෙය්‍යාලනිස්‌සිතා.
Pamādā sattarasa vuttā, rāgapeyyālanissitā.
එතෙ ඔපම්‌මයුත්‌තෙන, ආපාදෙන අභිඤ්‌ඤාය;
Ete opammayuttena, āpādena abhiññāya;
පරිඤ්‌ඤාය පරික්‌ඛයා, පහානක්‌ඛයබ්‌බයෙන;
Pariññāya parikkhayā, pahānakkhayabbayena;
විරාගනිරොධචාගං, පටිනිස්‌සග්‌ගෙ ඉමෙ දස.
Virāganirodhacāgaṃ, paṭinissagge ime dasa.
සුඤ්‌ඤතො අනිමිත්‌තො ච, අප්‌පණිහිතො ච තයො;
Suññato animitto ca, appaṇihito ca tayo;
සමාධිමූලකා පෙය්‍යාලෙසුපි වවත්‌ථිතා චාති.
Samādhimūlakā peyyālesupi vavatthitā cāti.
තිකනිපාතපාළි නිට්‌ඨිතා.
Tikanipātapāḷi niṭṭhitā.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 17-18. පෙය්‍යාලවග්‌ගාදිවණ්‌ණනා • 17-18. Peyyālavaggādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / පෙය්‍යාලවග්‌ගවණ්‌ණනා • Peyyālavaggavaṇṇanā
