| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၄. ဧသနာဝဂ္ဂော
4. Esanāvaggo
၁-၁၀. ဧသနာဒိသုတ္တဒသကံ
1-10. Esanādisuttadasakaṃ
၆၈၅-၆၉၄. ‘‘တိသ္သော ဣမာ, ဘိက္ခဝေ, ဧသနာ။ ကတမာ တိသ္သော? ကာမေသနာ, ဘဝေသနာ, ဗ္ရဟ္မစရိယေသနာ – ဣမာ ခော, ဘိက္ခဝေ, တိသ္သော ဧသနာ။ ဣမာသံ ခော, ဘိက္ခဝေ, တိသ္သန္နံ ဧသနာနံ အဘိညာယ ပရိညာယ ပရိက္ခယာယ ပဟာနာယ စတ္တာရော သမ္မပ္ပဓာနာ ဘာဝေတဗ္ဗာ။ ကတမေ စတ္တာရော? ဣဓ, ဘိက္ခဝေ, ဘိက္ခု အနုပ္ပန္နာနံ။ပေ.။ ဥပ္ပန္နာနံ ကုသလာနံ ဓမ္မာနံ ဌိတိယာ အသမ္မောသာယ ဘိယ္ယောဘာဝာယ ဝေပုလ္လာယ ဘာဝနာယ ပာရိပူရိယာ ဆန္ဒံ ဇနေတိ ဝာယမတိ ဝီရိယံ အာရဘတိ စိတ္တံ ပဂ္ဂဏ္ဟာတိ ပဒဟတိ။ ဣမာသံ ခော, ဘိက္ခဝေ, တိသ္သန္နံ ဧသနာနံ အဘိညာယ ပရိညာယ ပရိက္ခယာယ ပဟာနာယ ဣမေ စတ္တာရော သမ္မပ္ပဓာနာ ဘာဝေတဗ္ဗာ’’တိ။ (ဝိတ္ထာရေတဗ္ဗံ)။ ဒသမံ။
685-694. ‘‘Tisso imā, bhikkhave, esanā. Katamā tisso? Kāmesanā, bhavesanā, brahmacariyesanā – imā kho, bhikkhave, tisso esanā. Imāsaṃ kho, bhikkhave, tissannaṃ esanānaṃ abhiññāya pariññāya parikkhayāya pahānāya cattāro sammappadhānā bhāvetabbā. Katame cattāro? Idha, bhikkhave, bhikkhu anuppannānaṃ…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Imāsaṃ kho, bhikkhave, tissannaṃ esanānaṃ abhiññāya pariññāya parikkhayāya pahānāya ime cattāro sammappadhānā bhāvetabbā’’ti. (Vitthāretabbaṃ). Dasamaṃ.
ဧသနာဝဂ္ဂော စတုတ္ထော။
Esanāvaggo catuttho.
တသ္သုဒ္ဒာနံ –
Tassuddānaṃ –
ဧသနာ ဝိဓာ အာသဝော၊ ဘဝော စ ဒုက္ခတာ တိသ္သော။
Esanā vidhā āsavo, bhavo ca dukkhatā tisso;
ခိလံ မလဉ္စ နီဃော စ၊ ဝေဒနာ တဏ္ဟာ တသိနာ စာတိ။
Khilaṃ malañca nīgho ca, vedanā taṇhā tasinā cāti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. သမ္မပ္ပဓာနသံယုတ္တဝဏ္ဏနာ • 5. Sammappadhānasaṃyuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅. သမ္မပ္ပဓာနသံယုတ္တဝဏ္ဏနာ • 5. Sammappadhānasaṃyuttavaṇṇanā
