| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
4. එසනාවග්‌ගො
4. Esanāvaggo
1-10. එසනාදිසුත්‌තදසකං
1-10. Esanādisuttadasakaṃ
685-694. ‘‘තිස්‌සො ඉමා, භික්‌ඛවෙ, එසනා. කතමා තිස්‌සො? කාමෙසනා, භවෙසනා, බ්‍රහ්‌මචරියෙසනා – ඉමා ඛො, භික්‌ඛවෙ, තිස්‌සො එසනා. ඉමාසං ඛො, භික්‌ඛවෙ, තිස්‌සන්‌නං එසනානං අභිඤ්‌ඤාය පරිඤ්‌ඤාය පරික්‌ඛයාය පහානාය චත්‌තාරො සම්‌මප්‌පධානා භාවෙතබ්‌බා. කතමෙ චත්‌තාරො? ඉධ, භික්‌ඛවෙ, භික්‌ඛු අනුප්‌පන්‌නානං…පෙ.… උප්‌පන්‌නානං කුසලානං ධම්‌මානං ඨිතියා අසම්‌මොසාය භිය්‍යොභාවාය වෙපුල්‌ලාය භාවනාය පාරිපූරියා ඡන්‌දං ජනෙති වායමති වීරියං ආරභති චිත්‌තං පග්‌ගණ්‌හාති පදහති. ඉමාසං ඛො, භික්‌ඛවෙ, තිස්‌සන්‌නං එසනානං අභිඤ්‌ඤාය පරිඤ්‌ඤාය පරික්‌ඛයාය පහානාය ඉමෙ චත්‌තාරො සම්‌මප්‌පධානා භාවෙතබ්‌බා’’ති. (විත්‌ථාරෙතබ්‌බං). දසමං.
685-694. ‘‘Tisso imā, bhikkhave, esanā. Katamā tisso? Kāmesanā, bhavesanā, brahmacariyesanā – imā kho, bhikkhave, tisso esanā. Imāsaṃ kho, bhikkhave, tissannaṃ esanānaṃ abhiññāya pariññāya parikkhayāya pahānāya cattāro sammappadhānā bhāvetabbā. Katame cattāro? Idha, bhikkhave, bhikkhu anuppannānaṃ…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Imāsaṃ kho, bhikkhave, tissannaṃ esanānaṃ abhiññāya pariññāya parikkhayāya pahānāya ime cattāro sammappadhānā bhāvetabbā’’ti. (Vitthāretabbaṃ). Dasamaṃ.
එසනාවග්‌ගො චතුත්‌ථො.
Esanāvaggo catuttho.
තස්‌සුද්‌දානං –
Tassuddānaṃ –
එසනා විධා ආසවො, භවො ච දුක්‌ඛතා තිස්‌සො;
Esanā vidhā āsavo, bhavo ca dukkhatā tisso;
ඛිලං මලඤ්‌ච නීඝො ච, වෙදනා තණ්‌හා තසිනා චාති.
Khilaṃ malañca nīgho ca, vedanā taṇhā tasinā cāti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 5. සම්‌මප්‌පධානසංයුත්‌තවණ්‌ණනා • 5. Sammappadhānasaṃyuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 5. සම්‌මප්‌පධානසංයුත්‌තවණ්‌ණනා • 5. Sammappadhānasaṃyuttavaṇṇanā
