| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༤. ཨེསནཱཝགྒོ
4. Esanāvaggo
༡-༡༠. ཨེསནཱདིསུཏྟདསཀཾ
1-10. Esanādisuttadasakaṃ
༦༨༥-༦༩༤. ‘‘ཏིསྶོ ཨིམཱ, བྷིཀྑཝེ, ཨེསནཱ། ཀཏམཱ ཏིསྶོ? ཀཱམེསནཱ, བྷཝེསནཱ, བྲཧྨཙརིཡེསནཱ – ཨིམཱ ཁོ, བྷིཀྑཝེ, ཏིསྶོ ཨེསནཱ། ཨིམཱསཾ ཁོ, བྷིཀྑཝེ, ཏིསྶནྣཾ ཨེསནཱནཾ ཨབྷིཉྙཱཡ པརིཉྙཱཡ པརིཀྑཡཱཡ པཧཱནཱཡ ཙཏྟཱརོ སམྨཔྤདྷཱནཱ བྷཱཝེཏབྦཱ། ཀཏམེ ཙཏྟཱརོ? ཨིདྷ, བྷིཀྑཝེ, བྷིཀྑུ ཨནུཔྤནྣཱནཾ…པེ॰… ཨུཔྤནྣཱནཾ ཀུསལཱནཾ དྷམྨཱནཾ ཋིཏིཡཱ ཨསམྨོསཱཡ བྷིཡྻོབྷཱཝཱཡ ཝེཔུལླཱཡ བྷཱཝནཱཡ པཱརིཔཱུརིཡཱ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི། ཨིམཱསཾ ཁོ, བྷིཀྑཝེ, ཏིསྶནྣཾ ཨེསནཱནཾ ཨབྷིཉྙཱཡ པརིཉྙཱཡ པརིཀྑཡཱཡ པཧཱནཱཡ ཨིམེ ཙཏྟཱརོ སམྨཔྤདྷཱནཱ བྷཱཝེཏབྦཱ’’ཏི། (ཝིཏྠཱརེཏབྦཾ)། དསམཾ།
685-694. ‘‘Tisso imā, bhikkhave, esanā. Katamā tisso? Kāmesanā, bhavesanā, brahmacariyesanā – imā kho, bhikkhave, tisso esanā. Imāsaṃ kho, bhikkhave, tissannaṃ esanānaṃ abhiññāya pariññāya parikkhayāya pahānāya cattāro sammappadhānā bhāvetabbā. Katame cattāro? Idha, bhikkhave, bhikkhu anuppannānaṃ…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Imāsaṃ kho, bhikkhave, tissannaṃ esanānaṃ abhiññāya pariññāya parikkhayāya pahānāya ime cattāro sammappadhānā bhāvetabbā’’ti. (Vitthāretabbaṃ). Dasamaṃ.
ཨེསནཱཝགྒོ ཙཏུཏྠོ།
Esanāvaggo catuttho.
ཏསྶུདྡཱནཾ –
Tassuddānaṃ –
ཨེསནཱ ཝིདྷཱ ཨཱསཝོ, བྷཝོ ཙ དུཀྑཏཱ ཏིསྶོ།
Esanā vidhā āsavo, bhavo ca dukkhatā tisso;
ཁིལཾ མལཉྩ ནཱིགྷོ ཙ, ཝེདནཱ ཏཎྷཱ ཏསིནཱ ཙཱཏི༎
Khilaṃ malañca nīgho ca, vedanā taṇhā tasinā cāti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༥. སམྨཔྤདྷཱནསཾཡུཏྟཝཎྞནཱ • 5. Sammappadhānasaṃyuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༥. སམྨཔྤདྷཱནསཾཡུཏྟཝཎྞནཱ • 5. Sammappadhānasaṃyuttavaṇṇanā
