| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
४. जातिधम्मवग्गो
4. Jātidhammavaggo
१-१०. जातिधम्मादिसुत्तदसकं
1-10. Jātidhammādisuttadasakaṃ
३३. सावत्थिनिदानं । तत्र खो…पे॰… ‘‘सब्बं, भिक्खवे, जातिधम्मं। किञ्च, भिक्खवे, सब्बं जातिधम्मं? चक्खु, भिक्खवे, जातिधम्मं। रूपा… चक्खुविञ्ञाणं… चक्खुसम्फस्सो जातिधम्मो। यम्पिदं चक्खुसम्फस्सपच्चया उप्पज्जति वेदयितं सुखं वा दुक्खं वा अदुक्खमसुखं वा तम्पि जातिधम्मं…पे॰… जिव्हा… रसा… जिव्हाविञ्ञाणं… जिव्हासम्फस्सो… यम्पिदं जिव्हासम्फस्सपच्चया उप्पज्जति वेदयितं सुखं वा दुक्खं वा अदुक्खमसुखं वा तम्पि जातिधम्मं। कायो…पे॰.. मनो जातिधम्मो, धम्मा जातिधम्मा, मनोविञ्ञाणं जातिधम्मं, मनोसम्फस्सो जातिधम्मो। यम्पिदं मनोसम्फस्सपच्चया उप्पज्जति वेदयितं सुखं वा दुक्खं वा अदुक्खमसुखं वा तम्पि जातिधम्मं। एवं पस्सं, भिक्खवे, सुतवा अरियसावको चक्खुस्मिम्पि निब्बिन्दति, रूपेसुपि… चक्खुविञ्ञाणेपि… चक्खुसम्फस्सेपि…पे॰… नापरं इत्थत्तायाति पजानाती’’ति। पठमं।
33. Sāvatthinidānaṃ . Tatra kho…pe… ‘‘sabbaṃ, bhikkhave, jātidhammaṃ. Kiñca, bhikkhave, sabbaṃ jātidhammaṃ? Cakkhu, bhikkhave, jātidhammaṃ. Rūpā… cakkhuviññāṇaṃ… cakkhusamphasso jātidhammo. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jātidhammaṃ…pe… jivhā… rasā… jivhāviññāṇaṃ… jivhāsamphasso… yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jātidhammaṃ. Kāyo…pe... mano jātidhammo, dhammā jātidhammā, manoviññāṇaṃ jātidhammaṃ, manosamphasso jātidhammo. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jātidhammaṃ. Evaṃ passaṃ, bhikkhave, sutavā ariyasāvako cakkhusmimpi nibbindati, rūpesupi… cakkhuviññāṇepi… cakkhusamphassepi…pe… nāparaṃ itthattāyāti pajānātī’’ti. Paṭhamaṃ.
३४. ‘‘सब्बं , भिक्खवे, जराधम्मं…पे॰… संखित्तं। दुतियं।
34. ‘‘Sabbaṃ , bhikkhave, jarādhammaṃ…pe… saṃkhittaṃ. Dutiyaṃ.
३५. ‘‘सब्बं, भिक्खवे, ब्याधिधम्मं…पे॰…। ततियं।
35. ‘‘Sabbaṃ, bhikkhave, byādhidhammaṃ…pe…. Tatiyaṃ.
३६. ‘‘सब्बं, भिक्खवे, मरणधम्मं…पे॰…। चतुत्थं।
36. ‘‘Sabbaṃ, bhikkhave, maraṇadhammaṃ…pe…. Catutthaṃ.
३७. ‘‘सब्बं, भिक्खवे, सोकधम्मं…पे॰…। पञ्चमं।
37. ‘‘Sabbaṃ, bhikkhave, sokadhammaṃ…pe…. Pañcamaṃ.
३८. ‘‘सब्बं, भिक्खवे, संकिलेसिकधम्मं…पे॰…। छट्ठं।
38. ‘‘Sabbaṃ, bhikkhave, saṃkilesikadhammaṃ…pe…. Chaṭṭhaṃ.
३९. ‘‘सब्बं , भिक्खवे, खयधम्मं…पे॰…। सत्तमं।
39. ‘‘Sabbaṃ , bhikkhave, khayadhammaṃ…pe…. Sattamaṃ.
४०. ‘‘सब्बं, भिक्खवे, वयधम्मं…पे॰…। अट्ठमं।
40. ‘‘Sabbaṃ, bhikkhave, vayadhammaṃ…pe…. Aṭṭhamaṃ.
४१. ‘‘सब्बं, भिक्खवे, समुदयधम्मं…पे॰…। नवमं।
41. ‘‘Sabbaṃ, bhikkhave, samudayadhammaṃ…pe…. Navamaṃ.
४२. ‘‘सब्बं, भिक्खवे, निरोधधम्मं…पे॰…। दसमं।
42. ‘‘Sabbaṃ, bhikkhave, nirodhadhammaṃ…pe…. Dasamaṃ.
जातिधम्मवग्गो चतुत्थो।
Jātidhammavaggo catuttho.
तस्सुद्दानं –
Tassuddānaṃ –
जातिजराब्याधिमरणं, सोको च संकिलेसिकं।
Jātijarābyādhimaraṇaṃ, soko ca saṃkilesikaṃ;
खयवयसमुदयं, निरोधधम्मेन ते दसाति॥
Khayavayasamudayaṃ, nirodhadhammena te dasāti.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ४. जातिधम्मवग्गवण्णना • 4. Jātidhammavaggavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ४. जातिधम्मवग्गवण्णना • 4. Jātidhammavaggavaṇṇanā
