| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๔. ชาติธมฺมวโคฺค
4. Jātidhammavaggo
๑-๑๐. ชาติธมฺมาทิสุตฺตทสกํ
1-10. Jātidhammādisuttadasakaṃ
๓๓. สาวตฺถินิทานํ ฯ ตตฺร โข…เป.… ‘‘สพฺพํ, ภิกฺขเว, ชาติธมฺมํฯ กิญฺจ, ภิกฺขเว, สพฺพํ ชาติธมฺมํ? จกฺขุ, ภิกฺขเว, ชาติธมฺมํฯ รูปา… จกฺขุวิญฺญาณํ… จกฺขุสมฺผโสฺส ชาติธโมฺมฯ ยมฺปิทํ จกฺขุสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ ชาติธมฺมํ…เป.… ชิวฺหา… รสา… ชิวฺหาวิญฺญาณํ… ชิวฺหาสมฺผโสฺส… ยมฺปิทํ ชิวฺหาสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ ชาติธมฺมํฯ กาโย…เป... มโน ชาติธโมฺม, ธมฺมา ชาติธมฺมา, มโนวิญฺญาณํ ชาติธมฺมํ, มโนสมฺผโสฺส ชาติธโมฺมฯ ยมฺปิทํ มโนสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ ชาติธมฺมํฯ เอวํ ปสฺสํ, ภิกฺขเว, สุตวา อริยสาวโก จกฺขุสฺมิมฺปิ นิพฺพินฺทติ, รูเปสุปิ… จกฺขุวิญฺญาเณปิ… จกฺขุสมฺผเสฺสปิ…เป.… นาปรํ อิตฺถตฺตายาติ ปชานาตี’’ติฯ ปฐมํฯ
33. Sāvatthinidānaṃ . Tatra kho…pe… ‘‘sabbaṃ, bhikkhave, jātidhammaṃ. Kiñca, bhikkhave, sabbaṃ jātidhammaṃ? Cakkhu, bhikkhave, jātidhammaṃ. Rūpā… cakkhuviññāṇaṃ… cakkhusamphasso jātidhammo. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jātidhammaṃ…pe… jivhā… rasā… jivhāviññāṇaṃ… jivhāsamphasso… yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jātidhammaṃ. Kāyo…pe... mano jātidhammo, dhammā jātidhammā, manoviññāṇaṃ jātidhammaṃ, manosamphasso jātidhammo. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jātidhammaṃ. Evaṃ passaṃ, bhikkhave, sutavā ariyasāvako cakkhusmimpi nibbindati, rūpesupi… cakkhuviññāṇepi… cakkhusamphassepi…pe… nāparaṃ itthattāyāti pajānātī’’ti. Paṭhamaṃ.
๓๔. ‘‘สพฺพํ , ภิกฺขเว, ชราธมฺมํ…เป.… สํขิตฺตํฯ ทุติยํฯ
34. ‘‘Sabbaṃ , bhikkhave, jarādhammaṃ…pe… saṃkhittaṃ. Dutiyaṃ.
๓๕. ‘‘สพฺพํ, ภิกฺขเว, พฺยาธิธมฺมํ…เป.…ฯ ตติยํฯ
35. ‘‘Sabbaṃ, bhikkhave, byādhidhammaṃ…pe…. Tatiyaṃ.
๓๖. ‘‘สพฺพํ, ภิกฺขเว, มรณธมฺมํ…เป.…ฯ จตุตฺถํฯ
36. ‘‘Sabbaṃ, bhikkhave, maraṇadhammaṃ…pe…. Catutthaṃ.
๓๗. ‘‘สพฺพํ, ภิกฺขเว, โสกธมฺมํ…เป.…ฯ ปญฺจมํฯ
37. ‘‘Sabbaṃ, bhikkhave, sokadhammaṃ…pe…. Pañcamaṃ.
๓๘. ‘‘สพฺพํ, ภิกฺขเว, สํกิเลสิกธมฺมํ…เป.…ฯ ฉฎฺฐํฯ
38. ‘‘Sabbaṃ, bhikkhave, saṃkilesikadhammaṃ…pe…. Chaṭṭhaṃ.
๓๙. ‘‘สพฺพํ , ภิกฺขเว, ขยธมฺมํ…เป.…ฯ สตฺตมํฯ
39. ‘‘Sabbaṃ , bhikkhave, khayadhammaṃ…pe…. Sattamaṃ.
๔๐. ‘‘สพฺพํ, ภิกฺขเว, วยธมฺมํ…เป.…ฯ อฎฺฐมํฯ
40. ‘‘Sabbaṃ, bhikkhave, vayadhammaṃ…pe…. Aṭṭhamaṃ.
๔๑. ‘‘สพฺพํ, ภิกฺขเว, สมุทยธมฺมํ…เป.…ฯ นวมํฯ
41. ‘‘Sabbaṃ, bhikkhave, samudayadhammaṃ…pe…. Navamaṃ.
๔๒. ‘‘สพฺพํ, ภิกฺขเว, นิโรธธมฺมํ…เป.…ฯ ทสมํฯ
42. ‘‘Sabbaṃ, bhikkhave, nirodhadhammaṃ…pe…. Dasamaṃ.
ชาติธมฺมวโคฺค จตุโตฺถฯ
Jātidhammavaggo catuttho.
ตสฺสุทฺทานํ –
Tassuddānaṃ –
ชาติชราพฺยาธิมรณํ, โสโก จ สํกิเลสิกํ;
Jātijarābyādhimaraṇaṃ, soko ca saṃkilesikaṃ;
ขยวยสมุทยํ, นิโรธธเมฺมน เต ทสาติฯ
Khayavayasamudayaṃ, nirodhadhammena te dasāti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๔. ชาติธมฺมวคฺควณฺณนา • 4. Jātidhammavaggavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๔. ชาติธมฺมวคฺควณฺณนา • 4. Jātidhammavaggavaṇṇanā
