| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៤. ជាតិធម្មវគ្គោ
4. Jātidhammavaggo
១-១០. ជាតិធម្មាទិសុត្តទសកំ
1-10. Jātidhammādisuttadasakaṃ
៣៣. សាវត្ថិនិទានំ ។ តត្រ ខោ…បេ.… ‘‘សព្ពំ, ភិក្ខវេ, ជាតិធម្មំ។ កិញ្ច, ភិក្ខវេ, សព្ពំ ជាតិធម្មំ? ចក្ខុ, ភិក្ខវេ, ជាតិធម្មំ។ រូបា… ចក្ខុវិញ្ញាណំ… ចក្ខុសម្ផស្សោ ជាតិធម្មោ។ យម្បិទំ ចក្ខុសម្ផស្សបច្ចយា ឧប្បជ្ជតិ វេទយិតំ សុខំ វា ទុក្ខំ វា អទុក្ខមសុខំ វា តម្បិ ជាតិធម្មំ…បេ.… ជិវ្ហា… រសា… ជិវ្ហាវិញ្ញាណំ… ជិវ្ហាសម្ផស្សោ… យម្បិទំ ជិវ្ហាសម្ផស្សបច្ចយា ឧប្បជ្ជតិ វេទយិតំ សុខំ វា ទុក្ខំ វា អទុក្ខមសុខំ វា តម្បិ ជាតិធម្មំ។ កាយោ…បេ... មនោ ជាតិធម្មោ, ធម្មា ជាតិធម្មា, មនោវិញ្ញាណំ ជាតិធម្មំ, មនោសម្ផស្សោ ជាតិធម្មោ។ យម្បិទំ មនោសម្ផស្សបច្ចយា ឧប្បជ្ជតិ វេទយិតំ សុខំ វា ទុក្ខំ វា អទុក្ខមសុខំ វា តម្បិ ជាតិធម្មំ។ ឯវំ បស្សំ, ភិក្ខវេ, សុតវា អរិយសាវកោ ចក្ខុស្មិម្បិ និព្ពិន្ទតិ, រូបេសុបិ… ចក្ខុវិញ្ញាណេបិ… ចក្ខុសម្ផស្សេបិ…បេ.… នាបរំ ឥត្ថត្តាយាតិ បជានាតី’’តិ។ បឋមំ។
33. Sāvatthinidānaṃ . Tatra kho…pe… ‘‘sabbaṃ, bhikkhave, jātidhammaṃ. Kiñca, bhikkhave, sabbaṃ jātidhammaṃ? Cakkhu, bhikkhave, jātidhammaṃ. Rūpā… cakkhuviññāṇaṃ… cakkhusamphasso jātidhammo. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jātidhammaṃ…pe… jivhā… rasā… jivhāviññāṇaṃ… jivhāsamphasso… yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jātidhammaṃ. Kāyo…pe... mano jātidhammo, dhammā jātidhammā, manoviññāṇaṃ jātidhammaṃ, manosamphasso jātidhammo. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jātidhammaṃ. Evaṃ passaṃ, bhikkhave, sutavā ariyasāvako cakkhusmimpi nibbindati, rūpesupi… cakkhuviññāṇepi… cakkhusamphassepi…pe… nāparaṃ itthattāyāti pajānātī’’ti. Paṭhamaṃ.
៣៤. ‘‘សព្ពំ , ភិក្ខវេ, ជរាធម្មំ…បេ.… សំខិត្តំ។ ទុតិយំ។
34. ‘‘Sabbaṃ , bhikkhave, jarādhammaṃ…pe… saṃkhittaṃ. Dutiyaṃ.
៣៥. ‘‘សព្ពំ, ភិក្ខវេ, ព្យាធិធម្មំ…បេ.…។ តតិយំ។
35. ‘‘Sabbaṃ, bhikkhave, byādhidhammaṃ…pe…. Tatiyaṃ.
៣៦. ‘‘សព្ពំ, ភិក្ខវេ, មរណធម្មំ…បេ.…។ ចតុត្ថំ។
36. ‘‘Sabbaṃ, bhikkhave, maraṇadhammaṃ…pe…. Catutthaṃ.
៣៧. ‘‘សព្ពំ, ភិក្ខវេ, សោកធម្មំ…បេ.…។ បញ្ចមំ។
37. ‘‘Sabbaṃ, bhikkhave, sokadhammaṃ…pe…. Pañcamaṃ.
៣៨. ‘‘សព្ពំ, ភិក្ខវេ, សំកិលេសិកធម្មំ…បេ.…។ ឆដ្ឋំ។
38. ‘‘Sabbaṃ, bhikkhave, saṃkilesikadhammaṃ…pe…. Chaṭṭhaṃ.
៣៩. ‘‘សព្ពំ , ភិក្ខវេ, ខយធម្មំ…បេ.…។ សត្តមំ។
39. ‘‘Sabbaṃ , bhikkhave, khayadhammaṃ…pe…. Sattamaṃ.
៤០. ‘‘សព្ពំ, ភិក្ខវេ, វយធម្មំ…បេ.…។ អដ្ឋមំ។
40. ‘‘Sabbaṃ, bhikkhave, vayadhammaṃ…pe…. Aṭṭhamaṃ.
៤១. ‘‘សព្ពំ, ភិក្ខវេ, សមុទយធម្មំ…បេ.…។ នវមំ។
41. ‘‘Sabbaṃ, bhikkhave, samudayadhammaṃ…pe…. Navamaṃ.
៤២. ‘‘សព្ពំ, ភិក្ខវេ, និរោធធម្មំ…បេ.…។ ទសមំ។
42. ‘‘Sabbaṃ, bhikkhave, nirodhadhammaṃ…pe…. Dasamaṃ.
ជាតិធម្មវគ្គោ ចតុត្ថោ។
Jātidhammavaggo catuttho.
តស្សុទ្ទានំ –
Tassuddānaṃ –
ជាតិជរាព្យាធិមរណំ, សោកោ ច សំកិលេសិកំ;
Jātijarābyādhimaraṇaṃ, soko ca saṃkilesikaṃ;
ខយវយសមុទយំ, និរោធធម្មេន តេ ទសាតិ។
Khayavayasamudayaṃ, nirodhadhammena te dasāti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៤. ជាតិធម្មវគ្គវណ្ណនា • 4. Jātidhammavaggavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៤. ជាតិធម្មវគ្គវណ្ណនា • 4. Jātidhammavaggavaṇṇanā
