| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
4. ජාතිධම්‌මවග්‌ගො
4. Jātidhammavaggo
1-10. ජාතිධම්‌මාදිසුත්‌තදසකං
1-10. Jātidhammādisuttadasakaṃ
33. සාවත්‌ථිනිදානං . තත්‍ර ඛො…පෙ.… ‘‘සබ්‌බං, භික්‌ඛවෙ, ජාතිධම්‌මං. කිඤ්‌ච, භික්‌ඛවෙ, සබ්‌බං ජාතිධම්‌මං? චක්‌ඛු, භික්‌ඛවෙ, ජාතිධම්‌මං. රූපා… චක්‌ඛුවිඤ්‌ඤාණං… චක්‌ඛුසම්‌ඵස්‌සො ජාතිධම්‌මො. යම්‌පිදං චක්‌ඛුසම්‌ඵස්‌සපච්‌චයා උප්‌පජ්‌ජති වෙදයිතං සුඛං වා දුක්‌ඛං වා අදුක්‌ඛමසුඛං වා තම්‌පි ජාතිධම්‌මං…පෙ.… ජිව්‌හා… රසා… ජිව්‌හාවිඤ්‌ඤාණං… ජිව්‌හාසම්‌ඵස්‌සො… යම්‌පිදං ජිව්‌හාසම්‌ඵස්‌සපච්‌චයා උප්‌පජ්‌ජති වෙදයිතං සුඛං වා දුක්‌ඛං වා අදුක්‌ඛමසුඛං වා තම්‌පි ජාතිධම්‌මං. කායො…පෙ... මනො ජාතිධම්‌මො, ධම්‌මා ජාතිධම්‌මා, මනොවිඤ්‌ඤාණං ජාතිධම්‌මං, මනොසම්‌ඵස්‌සො ජාතිධම්‌මො. යම්‌පිදං මනොසම්‌ඵස්‌සපච්‌චයා උප්‌පජ්‌ජති වෙදයිතං සුඛං වා දුක්‌ඛං වා අදුක්‌ඛමසුඛං වා තම්‌පි ජාතිධම්‌මං. එවං පස්‌සං, භික්‌ඛවෙ, සුතවා අරියසාවකො චක්‌ඛුස්‌මිම්‌පි නිබ්‌බින්‌දති, රූපෙසුපි… චක්‌ඛුවිඤ්‌ඤාණෙපි… චක්‌ඛුසම්‌ඵස්‌සෙපි…පෙ.… නාපරං ඉත්‌ථත්‌තායාති පජානාතී’’ති. පඨමං.
33. Sāvatthinidānaṃ . Tatra kho…pe… ‘‘sabbaṃ, bhikkhave, jātidhammaṃ. Kiñca, bhikkhave, sabbaṃ jātidhammaṃ? Cakkhu, bhikkhave, jātidhammaṃ. Rūpā… cakkhuviññāṇaṃ… cakkhusamphasso jātidhammo. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jātidhammaṃ…pe… jivhā… rasā… jivhāviññāṇaṃ… jivhāsamphasso… yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jātidhammaṃ. Kāyo…pe... mano jātidhammo, dhammā jātidhammā, manoviññāṇaṃ jātidhammaṃ, manosamphasso jātidhammo. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi jātidhammaṃ. Evaṃ passaṃ, bhikkhave, sutavā ariyasāvako cakkhusmimpi nibbindati, rūpesupi… cakkhuviññāṇepi… cakkhusamphassepi…pe… nāparaṃ itthattāyāti pajānātī’’ti. Paṭhamaṃ.
34. ‘‘සබ්‌බං , භික්‌ඛවෙ, ජරාධම්‌මං…පෙ.… සංඛිත්‌තං. දුතියං.
34. ‘‘Sabbaṃ , bhikkhave, jarādhammaṃ…pe… saṃkhittaṃ. Dutiyaṃ.
35. ‘‘සබ්‌බං, භික්‌ඛවෙ, බ්‍යාධිධම්‌මං…පෙ.…. තතියං.
35. ‘‘Sabbaṃ, bhikkhave, byādhidhammaṃ…pe…. Tatiyaṃ.
36. ‘‘සබ්‌බං, භික්‌ඛවෙ, මරණධම්‌මං…පෙ.…. චතුත්‌ථං.
36. ‘‘Sabbaṃ, bhikkhave, maraṇadhammaṃ…pe…. Catutthaṃ.
37. ‘‘සබ්‌බං, භික්‌ඛවෙ, සොකධම්‌මං…පෙ.…. පඤ්‌චමං.
37. ‘‘Sabbaṃ, bhikkhave, sokadhammaṃ…pe…. Pañcamaṃ.
38. ‘‘සබ්‌බං, භික්‌ඛවෙ, සංකිලෙසිකධම්‌මං…පෙ.…. ඡට්‌ඨං.
38. ‘‘Sabbaṃ, bhikkhave, saṃkilesikadhammaṃ…pe…. Chaṭṭhaṃ.
39. ‘‘සබ්‌බං , භික්‌ඛවෙ, ඛයධම්‌මං…පෙ.…. සත්‌තමං.
39. ‘‘Sabbaṃ , bhikkhave, khayadhammaṃ…pe…. Sattamaṃ.
40. ‘‘සබ්‌බං, භික්‌ඛවෙ, වයධම්‌මං…පෙ.…. අට්‌ඨමං.
40. ‘‘Sabbaṃ, bhikkhave, vayadhammaṃ…pe…. Aṭṭhamaṃ.
41. ‘‘සබ්‌බං, භික්‌ඛවෙ, සමුදයධම්‌මං…පෙ.…. නවමං.
41. ‘‘Sabbaṃ, bhikkhave, samudayadhammaṃ…pe…. Navamaṃ.
42. ‘‘සබ්‌බං, භික්‌ඛවෙ, නිරොධධම්‌මං…පෙ.…. දසමං.
42. ‘‘Sabbaṃ, bhikkhave, nirodhadhammaṃ…pe…. Dasamaṃ.
ජාතිධම්‌මවග්‌ගො චතුත්‌ථො.
Jātidhammavaggo catuttho.
තස්‌සුද්‌දානං –
Tassuddānaṃ –
ජාතිජරාබ්‍යාධිමරණං, සොකො ච සංකිලෙසිකං;
Jātijarābyādhimaraṇaṃ, soko ca saṃkilesikaṃ;
ඛයවයසමුදයං, නිරොධධම්‌මෙන තෙ දසාති.
Khayavayasamudayaṃ, nirodhadhammena te dasāti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 4. ජාතිධම්‌මවග්‌ගවණ්‌ණනා • 4. Jātidhammavaggavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. ජාතිධම්‌මවග්‌ගවණ්‌ණනා • 4. Jātidhammavaggavaṇṇanā
