| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. огхаваг̇г̇о
10. Oghavaggo
1-10. огхаад̣̇исуд̇д̇ад̣̇асагам̣
1-10. Oghādisuttadasakaṃ
803-812. ‘‘бан̃жимаани , бхигкавз, уд̣̇д̇хамбхааг̇ияаани сам̣яож̇анаани. гад̇амаани бан̃жа? руубарааг̇о, аруубарааг̇о, маано, уд̣̇д̇хажжам̣ авиж̇ж̇аа – имаани ко, бхигкавз, бан̃жуд̣̇д̇хамбхааг̇ияаани сам̣яож̇анаани. имзсам̣ ко, бхигкавз, бан̃жаннам̣ уд̣̇д̇хамбхааг̇ияаанам̣ сам̣яож̇анаанам̣ абхин̃н̃ааяа барин̃н̃ааяа баригкаяааяа бахаанааяа бан̃жа б̣алаани бхаавзд̇аб̣б̣аани. гад̇амаани бан̃жа? ид̇ха, бхигкавз, бхигку сад̣̇д̇хааб̣алам̣ бхаавзд̇и…бз… бан̃н̃ааб̣алам̣ бхаавзд̇и рааг̇авинаяабарияосаанам̣ д̣̇осавинаяабарияосаанам̣ мохавинаяабарияосаанам̣. имзсам̣ ко, бхигкавз, бан̃жаннам̣ уд̣̇д̇хамбхааг̇ияаанам̣ сам̣яож̇анаанам̣ абхин̃н̃ааяа барин̃н̃ааяа баригкаяааяа бахаанааяа имаани бан̃жа б̣алаани бхаавзд̇аб̣б̣ааний’’д̇и. д̣̇асамам̣.
803-812. ‘‘Pañcimāni , bhikkhave, uddhambhāgiyāni saṃyojanāni. Katamāni pañca? Rūparāgo, arūparāgo, māno, uddhaccaṃ avijjā – imāni kho, bhikkhave, pañcuddhambhāgiyāni saṃyojanāni. Imesaṃ kho, bhikkhave, pañcannaṃ uddhambhāgiyānaṃ saṃyojanānaṃ abhiññāya pariññāya parikkhayāya pahānāya pañca balāni bhāvetabbāni. Katamāni pañca? Idha, bhikkhave, bhikkhu saddhābalaṃ bhāveti…pe… paññābalaṃ bhāveti rāgavinayapariyosānaṃ dosavinayapariyosānaṃ mohavinayapariyosānaṃ. Imesaṃ kho, bhikkhave, pañcannaṃ uddhambhāgiyānaṃ saṃyojanānaṃ abhiññāya pariññāya parikkhayāya pahānāya imāni pañca balāni bhāvetabbānī’’ti. Dasamaṃ.
огхаваг̇г̇о д̣̇асамо.
Oghavaggo dasamo.
д̇ассуд̣̇д̣̇аанам̣ –
Tassuddānaṃ –
огхо яог̇о убаад̣̇аанам̣, г̇ант̇аа анусаязна жа;
Ogho yogo upādānaṃ, ganthā anusayena ca;
гаамаг̇ун̣аа нийваран̣аа, канд̇хаа оруд̣̇д̇хамбхааг̇ияаад̇и.
Kāmaguṇā nīvaraṇā, khandhā oruddhambhāgiyāti.
б̣аласам̣яуд̇д̇ам̣ чадтам̣.
Balasaṃyuttaṃ chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. б̣аласам̣яуд̇д̇аван̣н̣анаа • 6. Balasaṃyuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. б̣аласам̣яуд̇д̇аван̣н̣анаа • 6. Balasaṃyuttavaṇṇanā
