| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๒. อปฺปมาทวโคฺค
2. Appamādavaggo
อปฺปมาทวโคฺค วิตฺถาเรตโพฺพฯ
Appamādavaggo vitthāretabbo.
ตสฺสุทฺทานํ –
Tassuddānaṃ –
ตถาคตํ ปทํ กูฎํ, มูลํ สาเรน วสฺสิกํ;
Tathāgataṃ padaṃ kūṭaṃ, mūlaṃ sārena vassikaṃ;
ราชา จนฺทิมสูริยา, วเตฺถน ทสมํ ปทนฺติฯ
Rājā candimasūriyā, vatthena dasamaṃ padanti.
พลกรณียวโคฺค วิตฺถาเรตโพฺพฯ
Balakaraṇīyavaggo vitthāretabbo.
ตสฺสุทฺทานํ –
Tassuddānaṃ –
พลํ พีชญฺจ นาโค จ, รุโกฺข กุเมฺภน สูกิยา;
Balaṃ bījañca nāgo ca, rukkho kumbhena sūkiyā;
อากาเสน จ เทฺว เมฆา, นาวา อาคนฺตุกา นทีติฯ
Ākāsena ca dve meghā, nāvā āgantukā nadīti.
เอสนาวโคฺค วิตฺถาเรตโพฺพฯ
Esanāvaggo vitthāretabbo.
ตสฺสุทฺทานํ –
Tassuddānaṃ –
เอสนา วิธา อาสโว, ภโว จ ทุกฺขตา ติโสฺส;
Esanā vidhā āsavo, bhavo ca dukkhatā tisso;
ขิลํ มลญฺจ นีโฆ จ, เวทนา ตณฺหา ตสินา จาติฯ
Khilaṃ malañca nīgho ca, vedanā taṇhā tasinā cāti.
๕. โอฆวโคฺค
5. Oghavaggo
๑-๑๐. โอฆาทิสุตฺตทสกํ
1-10. Oghādisuttadasakaṃ
๗๔๙-๗๕๘. ‘‘ปญฺจิมานิ , ภิกฺขเว, อุทฺธมฺภาคิยานิ สํโยชนานิฯ กตมานิ ปญฺจ? รูปราโค, อรูปราโค, มาโน, อุทฺธจฺจํ, อวิชฺชา – อิมานิ โข, ภิกฺขเว, ปญฺจุทฺธมฺภาคิยานิ สํโยชนานิฯ อิเมสํ โข, ภิกฺขเว, ปญฺจนฺนํ อุทฺธมฺภาคิยานํ สํโยชนานํ อภิญฺญาย ปริญฺญาย ปริกฺขยาย ปหานาย ปญฺจ พลานิ ภาเวตพฺพานิฯ กตมานิ ปญฺจ? อิธ, ภิกฺขเว, ภิกฺขุ, สทฺธาพลํ ภาเวติ วิเวกนิสฺสิตํ วิราคนิสฺสิตํ นิโรธนิสฺสิตํ โวสฺสคฺคปริณามิํ, วีริยพลํ…เป.… สติพลํ…เป.… สมาธิพลํ…เป.… ปญฺญาพลํ ภาเวติ วิเวกนิสฺสิตํ วิราคนิสฺสิตํ นิโรธนิสฺสิตํ โวสฺสคฺคปริณามิํฯ อิเมสํ โข, ภิกฺขเว, ปญฺจนฺนํ อุทฺธมฺภาคิยานํ สํโยชนานํ อภิญฺญาย ปริญฺญาย ปริกฺขยาย ปหานาย อิมานิ ปญฺจ พลานิ ภาเวตพฺพานี’’ติฯ (เอวํ วิตฺถาเรตพฺพา)ฯ ทสมํฯ
749-758. ‘‘Pañcimāni , bhikkhave, uddhambhāgiyāni saṃyojanāni. Katamāni pañca? Rūparāgo, arūparāgo, māno, uddhaccaṃ, avijjā – imāni kho, bhikkhave, pañcuddhambhāgiyāni saṃyojanāni. Imesaṃ kho, bhikkhave, pañcannaṃ uddhambhāgiyānaṃ saṃyojanānaṃ abhiññāya pariññāya parikkhayāya pahānāya pañca balāni bhāvetabbāni. Katamāni pañca? Idha, bhikkhave, bhikkhu, saddhābalaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ, vīriyabalaṃ…pe… satibalaṃ…pe… samādhibalaṃ…pe… paññābalaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Imesaṃ kho, bhikkhave, pañcannaṃ uddhambhāgiyānaṃ saṃyojanānaṃ abhiññāya pariññāya parikkhayāya pahānāya imāni pañca balāni bhāvetabbānī’’ti. (Evaṃ vitthāretabbā). Dasamaṃ.
โอฆวโคฺค ปญฺจโมฯ
Oghavaggo pañcamo.
ตสฺสุทฺทานํ –
Tassuddānaṃ –
โอโฆ โยโค อุปาทานํ, คนฺถา อนุสเยน จ;
Ogho yogo upādānaṃ, ganthā anusayena ca;
กามคุณา นีวรณา, ขนฺธา โอรุทฺธมฺภาคิยาติฯ
Kāmaguṇā nīvaraṇā, khandhā oruddhambhāgiyāti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๖. พลสํยุตฺตวณฺณนา • 6. Balasaṃyuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๖. พลสํยุตฺตวณฺณนา • 6. Balasaṃyuttavaṇṇanā
