| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༥. ཨོགྷཝགྒོ
5. Oghavaggo
༡-༡༠. ཨོགྷཱདིསུཏྟདསཀཾ
1-10. Oghādisuttadasakaṃ
༦༩༥-༧༠༤. ‘‘པཉྩིམཱནི , བྷིཀྑཝེ, ཨུདྡྷམྦྷཱགིཡཱནི སཾཡོཛནཱནི། ཀཏམཱནི པཉྩ? རཱུཔརཱགོ, ཨརཱུཔརཱགོ, མཱནོ, ཨུདྡྷཙྩཾ, ཨཝིཛྫཱ – ཨིམཱནི ཁོ, བྷིཀྑཝེ, པཉྩུདྡྷམྦྷཱགིཡཱནི སཾཡོཛནཱནི། ཨིམེསཾ ཁོ, བྷིཀྑཝེ, པཉྩནྣཾ ཨུདྡྷམྦྷཱགིཡཱནཾ སཾཡོཛནཱནཾ ཨབྷིཉྙཱཡ པརིཉྙཱཡ པརིཀྑཡཱཡ པཧཱནཱཡ ཙཏྟཱརོ སམྨཔྤདྷཱནཱ བྷཱཝེཏབྦཱ། ཀཏམེ ཙཏྟཱརོ? ཨིདྷ, བྷིཀྑཝེ, བྷིཀྑུ ཨནུཔྤནྣཱནཾ…པེ॰… ཨུཔྤནྣཱནཾ ཀུསལཱནཾ དྷམྨཱནཾ ཋིཏིཡཱ ཨསམྨོསཱཡ བྷིཡྻོབྷཱཝཱཡ ཝེཔུལླཱཡ བྷཱཝནཱཡ པཱརིཔཱུརིཡཱ ཚནྡཾ ཛནེཏི ཝཱཡམཏི ཝཱིརིཡཾ ཨཱརབྷཏི ཙིཏྟཾ པགྒཎྷཱཏི པདཧཏི། ཨིམེསཾ ཁོ, བྷིཀྑཝེ, པཉྩནྣཾ ཨུདྡྷམྦྷཱགིཡཱནཾ སཾཡོཛནཱནཾ ཨབྷིཉྙཱཡ པརིཉྙཱཡ པརིཀྑཡཱཡ པཧཱནཱཡ ཨིམེ ཙཏྟཱརོ སམྨཔྤདྷཱནཱ བྷཱཝེཏབྦཱ’’ཏི། (ཝིཏྠཱརེཏབྦཱ)། དསམཾ།
695-704. ‘‘Pañcimāni , bhikkhave, uddhambhāgiyāni saṃyojanāni. Katamāni pañca? Rūparāgo, arūparāgo, māno, uddhaccaṃ, avijjā – imāni kho, bhikkhave, pañcuddhambhāgiyāni saṃyojanāni. Imesaṃ kho, bhikkhave, pañcannaṃ uddhambhāgiyānaṃ saṃyojanānaṃ abhiññāya pariññāya parikkhayāya pahānāya cattāro sammappadhānā bhāvetabbā. Katame cattāro? Idha, bhikkhave, bhikkhu anuppannānaṃ…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Imesaṃ kho, bhikkhave, pañcannaṃ uddhambhāgiyānaṃ saṃyojanānaṃ abhiññāya pariññāya parikkhayāya pahānāya ime cattāro sammappadhānā bhāvetabbā’’ti. (Vitthāretabbā). Dasamaṃ.
ཨོགྷཝགྒོ པཉྩམོ།
Oghavaggo pañcamo.
ཏསྶུདྡཱནཾ –
Tassuddānaṃ –
ཨོགྷོ ཡོགོ ཨུཔཱདཱནཾ, གནྠཱ ཨནུསཡེན ཙ།
Ogho yogo upādānaṃ, ganthā anusayena ca;
ཀཱམགུཎཱ ནཱིཝརཎཱ, ཁནྡྷཱ ཨོརུདྡྷམྦྷཱགིཡཱཏི༎
Kāmaguṇā nīvaraṇā, khandhā oruddhambhāgiyāti.
སམྨཔྤདྷཱནསཾཡུཏྟཾ པཉྩམཾ།
Sammappadhānasaṃyuttaṃ pañcamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༥. སམྨཔྤདྷཱནསཾཡུཏྟཝཎྞནཱ • 5. Sammappadhānasaṃyuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༥. སམྨཔྤདྷཱནསཾཡུཏྟཝཎྞནཱ • 5. Sammappadhānasaṃyuttavaṇṇanā
