| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. огхаваг̇г̇о
5. Oghavaggo
1-10. огхаад̣̇исуд̇д̇ам̣
1-10. Oghādisuttaṃ
967-976. ‘‘бан̃жимаани, бхигкавз, уд̣̇д̇хамбхааг̇ияаани сам̣яож̇анаани. гад̇амаани бан̃жа? руубарааг̇о, аруубарааг̇о, маано, уд̣̇д̇хажжам̣, авиж̇ж̇аа – имаани ко, бхигкавз, бан̃жуд̣̇д̇хамбхааг̇ияаани сам̣яож̇анаани. имзсам̣ ко, бхигкавз, бан̃жаннам̣ уд̣̇д̇хамбхааг̇ияаанам̣ сам̣яож̇анаанам̣ абхин̃н̃ааяа барин̃н̃ааяа баригкаяааяа бахаанааяа жад̇д̇ааро жхаанаа бхаавзд̇аб̣б̣аа. гад̇амз жад̇д̇ааро? ид̇ха, бхигкавз, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣…бз… д̇ад̇ияам̣ жхаанам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и. имзсам̣ ко, бхигкавз, бан̃жаннам̣ уд̣̇д̇хамбхааг̇ияаанам̣ сам̣яож̇анаанам̣ абхин̃н̃ааяа барин̃н̃ааяа баригкаяааяа бахаанааяа имз жад̇д̇ааро жхаанаа бхаавзд̇аб̣б̣аа’’д̇и вид̇т̇аарзд̇аб̣б̣ам̣. д̣̇асамам̣. (яат̇аа маг̇г̇асам̣яуд̇д̇ам̣ д̇ат̇аа вид̇т̇аарзд̇аб̣б̣ам̣).
967-976. ‘‘Pañcimāni, bhikkhave, uddhambhāgiyāni saṃyojanāni. Katamāni pañca? Rūparāgo, arūparāgo, māno, uddhaccaṃ, avijjā – imāni kho, bhikkhave, pañcuddhambhāgiyāni saṃyojanāni. Imesaṃ kho, bhikkhave, pañcannaṃ uddhambhāgiyānaṃ saṃyojanānaṃ abhiññāya pariññāya parikkhayāya pahānāya cattāro jhānā bhāvetabbā. Katame cattāro? Idha, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ upasampajja viharati. Imesaṃ kho, bhikkhave, pañcannaṃ uddhambhāgiyānaṃ saṃyojanānaṃ abhiññāya pariññāya parikkhayāya pahānāya ime cattāro jhānā bhāvetabbā’’ti vitthāretabbaṃ. Dasamaṃ. (Yathā maggasaṃyuttaṃ tathā vitthāretabbaṃ).
огхаваг̇г̇о бан̃жамо.
Oghavaggo pañcamo.
д̇ассуд̣̇д̣̇аанам̣ –
Tassuddānaṃ –
огхо яог̇о убаад̣̇аанам̣, г̇ант̇аа анусаязна жа;
Ogho yogo upādānaṃ, ganthā anusayena ca;
гаамаг̇ун̣аа нийваран̣аа, канд̇хаа оруд̣̇д̇хамбхааг̇ияаад̇и.
Kāmaguṇā nīvaraṇā, khandhā oruddhambhāgiyāti.
жхаанасам̣яуд̇д̇ам̣ навамам̣.
Jhānasaṃyuttaṃ navamaṃ.
