| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
২. অপ্পমাদৰগ্গো
2. Appamādavaggo
(অপ্পমাদৰগ্গো সম্মপ্পধানৰসেন ৰিত্থারেতব্বো)।
(Appamādavaggo sammappadhānavasena vitthāretabbo).
তস্সুদ্দানং –
Tassuddānaṃ –
তথাগতং পদং কূটং, মূলং সারেন ৰস্সিকং।
Tathāgataṃ padaṃ kūṭaṃ, mūlaṃ sārena vassikaṃ;
রাজা চন্দিমসূরিযা, ৰত্থেন দসমং পদন্তি॥
Rājā candimasūriyā, vatthena dasamaṃ padanti.
৩. বলকরণীযৰগ্গো
3. Balakaraṇīyavaggo
১-১২. বলকরণীযাদিসুত্তদ্ৰাদসকং
1-12. Balakaraṇīyādisuttadvādasakaṃ
৬৭৩-৬৮৪. ‘‘সেয্যথাপি , ভিক্খৰে, যে কেচি বলকরণীযা কম্মন্তা কযিরন্তি, সব্বে তে পথৰিং নিস্সায পথৰিযং পতিট্ঠায এৰমেতে বলকরণীযা কম্মন্তা কযিরন্তি; এৰমেৰ খো, ভিক্খৰে, ভিক্খু সীলং নিস্সায সীলে পতিট্ঠায চত্তারো সম্মপ্পধানে ভাৰেতি, চত্তারো সম্মপ্পধানে বহুলীকরোতি। কথঞ্চ, ভিক্খৰে, ভিক্খু সীলং নিস্সায সীলে পতিট্ঠায চত্তারো সম্মপ্পধানে ভাৰেতি, চত্তারো সম্মপ্পধানে বহুলীকরোতি? ইধ, ভিক্খৰে, ভিক্খু অনুপ্পন্নানং পাপকানং অকুসলানং ধম্মানং অনুপ্পাদায ছন্দং জনেতি ৰাযমতি ৰীরিযং আরভতি চিত্তং পগ্গণ্হাতি পদহতি…পে॰… উপ্পন্নানং কুসলানং ধম্মানং ঠিতিযা অসম্মোসায ভিয্যোভাৰায ৰেপুল্লায ভাৰনায পারিপূরিযা ছন্দং জনেতি ৰাযমতি ৰীরিযং আরভতি চিত্তং পগ্গণ্হাতি পদহতি। এৰং খো, ভিক্খৰে, ভিক্খু সীলং নিস্সায সীলে পতিট্ঠায চত্তারো সম্মপ্পধানে ভাৰেতি, চত্তারো সম্মপ্পধানে বহুলীকরোতী’’তি। (এৰং বলকরণীযৰগ্গো সম্মপ্পধানৰসেন ৰিত্থারেতব্বো)। দ্ৰাদসমং।
673-684. ‘‘Seyyathāpi , bhikkhave, ye keci balakaraṇīyā kammantā kayiranti, sabbe te pathaviṃ nissāya pathaviyaṃ patiṭṭhāya evamete balakaraṇīyā kammantā kayiranti; evameva kho, bhikkhave, bhikkhu sīlaṃ nissāya sīle patiṭṭhāya cattāro sammappadhāne bhāveti, cattāro sammappadhāne bahulīkaroti. Kathañca, bhikkhave, bhikkhu sīlaṃ nissāya sīle patiṭṭhāya cattāro sammappadhāne bhāveti, cattāro sammappadhāne bahulīkaroti? Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Evaṃ kho, bhikkhave, bhikkhu sīlaṃ nissāya sīle patiṭṭhāya cattāro sammappadhāne bhāveti, cattāro sammappadhāne bahulīkarotī’’ti. (Evaṃ balakaraṇīyavaggo sammappadhānavasena vitthāretabbo). Dvādasamaṃ.
বলকরণীযৰগ্গো ততিযো।
Balakaraṇīyavaggo tatiyo.
তস্সুদ্দানং –
Tassuddānaṃ –
বলং বীজঞ্চ নাগো চ, রুক্খো কুম্ভেন সূকিযা।
Balaṃ bījañca nāgo ca, rukkho kumbhena sūkiyā;
আকাসেন চ দ্ৰে মেঘা, নাৰা আগন্তুকা নদীতি॥
Ākāsena ca dve meghā, nāvā āgantukā nadīti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. সম্মপ্পধানসংযুত্তৰণ্ণনা • 5. Sammappadhānasaṃyuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৫. সম্মপ্পধানসংযুত্তৰণ্ণনা • 5. Sammappadhānasaṃyuttavaṇṇanā
