| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
२. अप्पमादवग्गो
2. Appamādavaggo
(अप्पमादवग्गो सम्मप्पधानवसेन वित्थारेतब्बो)।
(Appamādavaggo sammappadhānavasena vitthāretabbo).
तस्सुद्दानं –
Tassuddānaṃ –
तथागतं पदं कूटं, मूलं सारेन वस्सिकं।
Tathāgataṃ padaṃ kūṭaṃ, mūlaṃ sārena vassikaṃ;
राजा चन्दिमसूरिया, वत्थेन दसमं पदन्ति॥
Rājā candimasūriyā, vatthena dasamaṃ padanti.
३. बलकरणीयवग्गो
3. Balakaraṇīyavaggo
१-१२. बलकरणीयादिसुत्तद्वादसकं
1-12. Balakaraṇīyādisuttadvādasakaṃ
६७३-६८४. ‘‘सेय्यथापि , भिक्खवे, ये केचि बलकरणीया कम्मन्ता कयिरन्ति, सब्बे ते पथविं निस्साय पथवियं पतिट्ठाय एवमेते बलकरणीया कम्मन्ता कयिरन्ति; एवमेव खो, भिक्खवे, भिक्खु सीलं निस्साय सीले पतिट्ठाय चत्तारो सम्मप्पधाने भावेति, चत्तारो सम्मप्पधाने बहुलीकरोति। कथञ्च, भिक्खवे, भिक्खु सीलं निस्साय सीले पतिट्ठाय चत्तारो सम्मप्पधाने भावेति, चत्तारो सम्मप्पधाने बहुलीकरोति? इध, भिक्खवे, भिक्खु अनुप्पन्नानं पापकानं अकुसलानं धम्मानं अनुप्पादाय छन्दं जनेति वायमति वीरियं आरभति चित्तं पग्गण्हाति पदहति…पे॰… उप्पन्नानं कुसलानं धम्मानं ठितिया असम्मोसाय भिय्योभावाय वेपुल्लाय भावनाय पारिपूरिया छन्दं जनेति वायमति वीरियं आरभति चित्तं पग्गण्हाति पदहति। एवं खो, भिक्खवे, भिक्खु सीलं निस्साय सीले पतिट्ठाय चत्तारो सम्मप्पधाने भावेति, चत्तारो सम्मप्पधाने बहुलीकरोती’’ति। (एवं बलकरणीयवग्गो सम्मप्पधानवसेन वित्थारेतब्बो)। द्वादसमं।
673-684. ‘‘Seyyathāpi , bhikkhave, ye keci balakaraṇīyā kammantā kayiranti, sabbe te pathaviṃ nissāya pathaviyaṃ patiṭṭhāya evamete balakaraṇīyā kammantā kayiranti; evameva kho, bhikkhave, bhikkhu sīlaṃ nissāya sīle patiṭṭhāya cattāro sammappadhāne bhāveti, cattāro sammappadhāne bahulīkaroti. Kathañca, bhikkhave, bhikkhu sīlaṃ nissāya sīle patiṭṭhāya cattāro sammappadhāne bhāveti, cattāro sammappadhāne bahulīkaroti? Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Evaṃ kho, bhikkhave, bhikkhu sīlaṃ nissāya sīle patiṭṭhāya cattāro sammappadhāne bhāveti, cattāro sammappadhāne bahulīkarotī’’ti. (Evaṃ balakaraṇīyavaggo sammappadhānavasena vitthāretabbo). Dvādasamaṃ.
बलकरणीयवग्गो ततियो।
Balakaraṇīyavaggo tatiyo.
तस्सुद्दानं –
Tassuddānaṃ –
बलं बीजञ्च नागो च, रुक्खो कुम्भेन सूकिया।
Balaṃ bījañca nāgo ca, rukkho kumbhena sūkiyā;
आकासेन च द्वे मेघा, नावा आगन्तुका नदीति॥
Ākāsena ca dve meghā, nāvā āgantukā nadīti.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ५. सम्मप्पधानसंयुत्तवण्णना • 5. Sammappadhānasaṃyuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ५. सम्मप्पधानसंयुत्तवण्णना • 5. Sammappadhānasaṃyuttavaṇṇanā
