| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๒. อปฺปมาทวโคฺค
2. Appamādavaggo
(อปฺปมาทวโคฺค สมฺมปฺปธานวเสน วิตฺถาเรตโพฺพ)ฯ
(Appamādavaggo sammappadhānavasena vitthāretabbo).
ตสฺสุทฺทานํ –
Tassuddānaṃ –
ตถาคตํ ปทํ กูฎํ, มูลํ สาเรน วสฺสิกํ;
Tathāgataṃ padaṃ kūṭaṃ, mūlaṃ sārena vassikaṃ;
ราชา จนฺทิมสูริยา, วเตฺถน ทสมํ ปทนฺติฯ
Rājā candimasūriyā, vatthena dasamaṃ padanti.
๓. พลกรณียวโคฺค
3. Balakaraṇīyavaggo
๑-๑๒. พลกรณียาทิสุตฺตทฺวาทสกํ
1-12. Balakaraṇīyādisuttadvādasakaṃ
๖๗๓-๖๘๔. ‘‘เสยฺยถาปิ , ภิกฺขเว, เย เกจิ พลกรณียา กมฺมนฺตา กยิรนฺติ, สเพฺพ เต ปถวิํ นิสฺสาย ปถวิยํ ปติฎฺฐาย เอวเมเต พลกรณียา กมฺมนฺตา กยิรนฺติ; เอวเมว โข, ภิกฺขเว, ภิกฺขุ สีลํ นิสฺสาย สีเล ปติฎฺฐาย จตฺตาโร สมฺมปฺปธาเน ภาเวติ, จตฺตาโร สมฺมปฺปธาเน พหุลีกโรติฯ กถญฺจ, ภิกฺขเว, ภิกฺขุ สีลํ นิสฺสาย สีเล ปติฎฺฐาย จตฺตาโร สมฺมปฺปธาเน ภาเวติ, จตฺตาโร สมฺมปฺปธาเน พหุลีกโรติ? อิธ, ภิกฺขเว, ภิกฺขุ อนุปฺปนฺนานํ ปาปกานํ อกุสลานํ ธมฺมานํ อนุปฺปาทาย ฉนฺทํ ชเนติ วายมติ วีริยํ อารภติ จิตฺตํ ปคฺคณฺหาติ ปทหติ…เป.… อุปฺปนฺนานํ กุสลานํ ธมฺมานํ ฐิติยา อสโมฺมสาย ภิโยฺยภาวาย เวปุลฺลาย ภาวนาย ปาริปูริยา ฉนฺทํ ชเนติ วายมติ วีริยํ อารภติ จิตฺตํ ปคฺคณฺหาติ ปทหติฯ เอวํ โข, ภิกฺขเว, ภิกฺขุ สีลํ นิสฺสาย สีเล ปติฎฺฐาย จตฺตาโร สมฺมปฺปธาเน ภาเวติ, จตฺตาโร สมฺมปฺปธาเน พหุลีกโรตี’’ติฯ (เอวํ พลกรณียวโคฺค สมฺมปฺปธานวเสน วิตฺถาเรตโพฺพ)ฯ ทฺวาทสมํฯ
673-684. ‘‘Seyyathāpi , bhikkhave, ye keci balakaraṇīyā kammantā kayiranti, sabbe te pathaviṃ nissāya pathaviyaṃ patiṭṭhāya evamete balakaraṇīyā kammantā kayiranti; evameva kho, bhikkhave, bhikkhu sīlaṃ nissāya sīle patiṭṭhāya cattāro sammappadhāne bhāveti, cattāro sammappadhāne bahulīkaroti. Kathañca, bhikkhave, bhikkhu sīlaṃ nissāya sīle patiṭṭhāya cattāro sammappadhāne bhāveti, cattāro sammappadhāne bahulīkaroti? Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Evaṃ kho, bhikkhave, bhikkhu sīlaṃ nissāya sīle patiṭṭhāya cattāro sammappadhāne bhāveti, cattāro sammappadhāne bahulīkarotī’’ti. (Evaṃ balakaraṇīyavaggo sammappadhānavasena vitthāretabbo). Dvādasamaṃ.
พลกรณียวโคฺค ตติโยฯ
Balakaraṇīyavaggo tatiyo.
ตสฺสุทฺทานํ –
Tassuddānaṃ –
พลํ พีชญฺจ นาโค จ, รุโกฺข กุเมฺภน สูกิยา;
Balaṃ bījañca nāgo ca, rukkho kumbhena sūkiyā;
อากาเสน จ เทฺว เมฆา, นาวา อาคนฺตุกา นทีติฯ
Ākāsena ca dve meghā, nāvā āgantukā nadīti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๕. สมฺมปฺปธานสํยุตฺตวณฺณนา • 5. Sammappadhānasaṃyuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๕. สมฺมปฺปธานสํยุตฺตวณฺณนา • 5. Sammappadhānasaṃyuttavaṇṇanā
