| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
២. អប្បមាទវគ្គោ
2. Appamādavaggo
(អប្បមាទវគ្គោ សម្មប្បធានវសេន វិត្ថារេតព្ពោ)។
(Appamādavaggo sammappadhānavasena vitthāretabbo).
តស្សុទ្ទានំ –
Tassuddānaṃ –
តថាគតំ បទំ កូដំ, មូលំ សារេន វស្សិកំ;
Tathāgataṃ padaṃ kūṭaṃ, mūlaṃ sārena vassikaṃ;
រាជា ចន្ទិមសូរិយា, វត្ថេន ទសមំ បទន្តិ។
Rājā candimasūriyā, vatthena dasamaṃ padanti.
៣. ពលករណីយវគ្គោ
3. Balakaraṇīyavaggo
១-១២. ពលករណីយាទិសុត្តទ្វាទសកំ
1-12. Balakaraṇīyādisuttadvādasakaṃ
៦៧៣-៦៨៤. ‘‘សេយ្យថាបិ , ភិក្ខវេ, យេ កេចិ ពលករណីយា កម្មន្តា កយិរន្តិ, សព្ពេ តេ បថវិំ និស្សាយ បថវិយំ បតិដ្ឋាយ ឯវមេតេ ពលករណីយា កម្មន្តា កយិរន្តិ; ឯវមេវ ខោ, ភិក្ខវេ, ភិក្ខុ សីលំ និស្សាយ សីលេ បតិដ្ឋាយ ចត្តារោ សម្មប្បធានេ ភាវេតិ, ចត្តារោ សម្មប្បធានេ ពហុលីករោតិ។ កថញ្ច, ភិក្ខវេ, ភិក្ខុ សីលំ និស្សាយ សីលេ បតិដ្ឋាយ ចត្តារោ សម្មប្បធានេ ភាវេតិ, ចត្តារោ សម្មប្បធានេ ពហុលីករោតិ? ឥធ, ភិក្ខវេ, ភិក្ខុ អនុប្បន្នានំ បាបកានំ អកុសលានំ ធម្មានំ អនុប្បាទាយ ឆន្ទំ ជនេតិ វាយមតិ វីរិយំ អារភតិ ចិត្តំ បគ្គណ្ហាតិ បទហតិ…បេ.… ឧប្បន្នានំ កុសលានំ ធម្មានំ ឋិតិយា អសម្មោសាយ ភិយ្យោភាវាយ វេបុល្លាយ ភាវនាយ បារិបូរិយា ឆន្ទំ ជនេតិ វាយមតិ វីរិយំ អារភតិ ចិត្តំ បគ្គណ្ហាតិ បទហតិ។ ឯវំ ខោ, ភិក្ខវេ, ភិក្ខុ សីលំ និស្សាយ សីលេ បតិដ្ឋាយ ចត្តារោ សម្មប្បធានេ ភាវេតិ, ចត្តារោ សម្មប្បធានេ ពហុលីករោតី’’តិ។ (ឯវំ ពលករណីយវគ្គោ សម្មប្បធានវសេន វិត្ថារេតព្ពោ)។ ទ្វាទសមំ។
673-684. ‘‘Seyyathāpi , bhikkhave, ye keci balakaraṇīyā kammantā kayiranti, sabbe te pathaviṃ nissāya pathaviyaṃ patiṭṭhāya evamete balakaraṇīyā kammantā kayiranti; evameva kho, bhikkhave, bhikkhu sīlaṃ nissāya sīle patiṭṭhāya cattāro sammappadhāne bhāveti, cattāro sammappadhāne bahulīkaroti. Kathañca, bhikkhave, bhikkhu sīlaṃ nissāya sīle patiṭṭhāya cattāro sammappadhāne bhāveti, cattāro sammappadhāne bahulīkaroti? Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Evaṃ kho, bhikkhave, bhikkhu sīlaṃ nissāya sīle patiṭṭhāya cattāro sammappadhāne bhāveti, cattāro sammappadhāne bahulīkarotī’’ti. (Evaṃ balakaraṇīyavaggo sammappadhānavasena vitthāretabbo). Dvādasamaṃ.
ពលករណីយវគ្គោ តតិយោ។
Balakaraṇīyavaggo tatiyo.
តស្សុទ្ទានំ –
Tassuddānaṃ –
ពលំ ពីជញ្ច នាគោ ច, រុក្ខោ កុម្ភេន សូកិយា;
Balaṃ bījañca nāgo ca, rukkho kumbhena sūkiyā;
អាកាសេន ច ទ្វេ មេឃា, នាវា អាគន្តុកា នទីតិ។
Ākāsena ca dve meghā, nāvā āgantukā nadīti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៥. សម្មប្បធានសំយុត្តវណ្ណនា • 5. Sammappadhānasaṃyuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៥. សម្មប្បធានសំយុត្តវណ្ណនា • 5. Sammappadhānasaṃyuttavaṇṇanā
