| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
6. ගඞ්‌ගාපෙය්‍යාලවග්‌ගො
6. Gaṅgāpeyyālavaggo
1-12. ගඞ්‌ගානදීආදිසුත්‌තද්‌වාදසකං
1-12. Gaṅgānadīādisuttadvādasakaṃ
417-428. ‘‘සෙය්‍යථාපි , භික්‌ඛවෙ, ගඞ්‌ගා නදී පාචීනනින්‌නා පාචීනපොණා පාචීනපබ්‌භාරා; එවමෙව ඛො, භික්‌ඛවෙ, භික්‌ඛු චත්‌තාරො සතිපට්‌ඨානෙ භාවෙන්‌තො චත්‌තාරො සතිපට්‌ඨානෙ බහුලීකරොන්‌තො නිබ්‌බානනින්‌නො හොති නිබ්‌බානපොණො නිබ්‌බානපබ්‌භාරො.
417-428. ‘‘Seyyathāpi , bhikkhave, gaṅgā nadī pācīnaninnā pācīnapoṇā pācīnapabbhārā; evameva kho, bhikkhave, bhikkhu cattāro satipaṭṭhāne bhāvento cattāro satipaṭṭhāne bahulīkaronto nibbānaninno hoti nibbānapoṇo nibbānapabbhāro.
‘‘කථඤ්‌ච, භික්‌ඛවෙ, භික්‌ඛු චත්‌තාරො සතිපට්‌ඨානෙ භාවෙන්‌තො චත්‌තාරො සතිපට්‌ඨානෙ බහුලීකරොන්‌තො නිබ්‌බානනින්‌නො හොති නිබ්‌බානපොණො නිබ්‌බානපබ්‌භාරො? ඉධ, භික්‌ඛවෙ, භික්‌ඛු කායෙ කායානුපස්‌සී විහරති ආතාපී සම්‌පජානො සතිමා, විනෙය්‍ය ලොකෙ අභිජ්‌ඣාදොමනස්‌සං; වෙදනාසු …පෙ.… චිත්‌තෙ …පෙ.… ධම්‌මෙසු ධම්‌මානුපස්‌සී විහරති ආතාපී සම්‌පජානො සතිමා, විනෙය්‍ය ලොකෙ අභිජ්‌ඣාදොමනස්‌සං. එවං ඛො, භික්‌ඛවෙ, භික්‌ඛු චත්‌තාරො සතිපට්‌ඨානෙ භාවෙන්‌තො චත්‌තාරො සතිපට්‌ඨානෙ බහුලීකරොන්‌තො නිබ්‌බානනින්‌නො හොති නිබ්‌බානපොණො නිබ්‌බානපබ්‌භාරො’’ති විත්‌ථාරෙතබ්‌බං.
‘‘Kathañca, bhikkhave, bhikkhu cattāro satipaṭṭhāne bhāvento cattāro satipaṭṭhāne bahulīkaronto nibbānaninno hoti nibbānapoṇo nibbānapabbhāro? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu …pe… citte …pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Evaṃ kho, bhikkhave, bhikkhu cattāro satipaṭṭhāne bhāvento cattāro satipaṭṭhāne bahulīkaronto nibbānaninno hoti nibbānapoṇo nibbānapabbhāro’’ti vitthāretabbaṃ.
ගඞ්‌ගාපෙය්‍යාලවග්‌ගො ඡට්‌ඨො.
Gaṅgāpeyyālavaggo chaṭṭho.
තස්‌සුද්‌දානං –
Tassuddānaṃ –
ඡ පාචීනතො නින්‌නා, ඡ නින්‌නා ච සමුද්‌දතො;
Cha pācīnato ninnā, cha ninnā ca samuddato;
එතෙ ද්‌වෙ ඡ ද්‌වාදස හොන්‌ති, වග්‌ගො තෙන පවුච්‌චතීති.
Ete dve cha dvādasa honti, vaggo tena pavuccatīti.
