| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৯. গঙ্গাপেয্যালৰগ্গো
9. Gaṅgāpeyyālavaggo
১-১২. গঙ্গানদীআদিসুত্তং
1-12. Gaṅgānadīādisuttaṃ
২৫৮-২৬৯. ‘‘সেয্যথাপি, ভিক্খৰে, গঙ্গা নদী পাচীননিন্না পাচীনপোণা পাচীনপব্ভারা; এৰমেৰ খো, ভিক্খৰে, ভিক্খু সত্ত বোজ্ঝঙ্গে ভাৰেন্তো সত্ত বোজ্ঝঙ্গে বহুলীকরোন্তো নিব্বাননিন্নো হোতি নিব্বানপোণো নিব্বানপব্ভারো। কথঞ্চ, ভিক্খৰে, ভিক্খু সত্ত বোজ্ঝঙ্গে ভাৰেন্তো সত্ত বোজ্ঝঙ্গে বহুলীকরোন্তো নিব্বাননিন্নো হোতি নিব্বানপোণো নিব্বানপব্ভারো? ইধ, ভিক্খৰে, ভিক্খু সতিসম্বোজ্ঝঙ্গং ভাৰেতি…পে॰… উপেক্খাসম্বোজ্ঝঙ্গং ভাৰেতি ৰিৰেকনিস্সিতং ৰিরাগনিস্সিতং নিরোধনিস্সিতং ৰোস্সগ্গপরিণামিং…পে॰… এৰং খো, ভিক্খৰে, ভিক্খু সত্ত বোজ্ঝঙ্গে ভাৰেন্তো সত্ত বোজ্ঝঙ্গে বহুলীকরোন্তো নিব্বাননিন্নো হোতি নিব্বানপোণো নিব্বানপব্ভারো’’তি। (যাৰ এসনা পাল়ি ৰিত্থারেতব্বা)।
258-269. ‘‘Seyyathāpi, bhikkhave, gaṅgā nadī pācīnaninnā pācīnapoṇā pācīnapabbhārā; evameva kho, bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro. Kathañca, bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro? Idha, bhikkhave, bhikkhu satisambojjhaṅgaṃ bhāveti…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro’’ti. (Yāva esanā pāḷi vitthāretabbā).
গঙ্গাপেয্যালৰগ্গো নৰমো।
Gaṅgāpeyyālavaggo navamo.
তস্সুদ্দানং –
Tassuddānaṃ –
ছ পাচীনতো নিন্না, ছ নিন্না চ সমুদ্দতো।
Cha pācīnato ninnā, cha ninnā ca samuddato;
দ্ৰেতে ছ দ্ৰাদস হোন্তি, ৰগ্গো তেন পৰুচ্চতীতি॥
Dvete cha dvādasa honti, vaggo tena pavuccatīti.
