| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
9. ගඞ්‌ගාපෙය්‍යාලවග්‌ගො
9. Gaṅgāpeyyālavaggo
1-12. ගඞ්‌ගානදීආදිසුත්‌තං
1-12. Gaṅgānadīādisuttaṃ
258-269. ‘‘සෙය්‍යථාපි, භික්‌ඛවෙ, ගඞ්‌ගා නදී පාචීනනින්‌නා පාචීනපොණා පාචීනපබ්‌භාරා; එවමෙව ඛො, භික්‌ඛවෙ, භික්‌ඛු සත්‌ත බොජ්‌ඣඞ්‌ගෙ භාවෙන්‌තො සත්‌ත බොජ්‌ඣඞ්‌ගෙ බහුලීකරොන්‌තො නිබ්‌බානනින්‌නො හොති නිබ්‌බානපොණො නිබ්‌බානපබ්‌භාරො. කථඤ්‌ච, භික්‌ඛවෙ, භික්‌ඛු සත්‌ත බොජ්‌ඣඞ්‌ගෙ භාවෙන්‌තො සත්‌ත බොජ්‌ඣඞ්‌ගෙ බහුලීකරොන්‌තො නිබ්‌බානනින්‌නො හොති නිබ්‌බානපොණො නිබ්‌බානපබ්‌භාරො? ඉධ, භික්‌ඛවෙ, භික්‌ඛු සතිසම්‌බොජ්‌ඣඞ්‌ගං භාවෙති…පෙ.… උපෙක්‌ඛාසම්‌බොජ්‌ඣඞ්‌ගං භාවෙති විවෙකනිස්‌සිතං විරාගනිස්‌සිතං නිරොධනිස්‌සිතං වොස්‌සග්‌ගපරිණාමිං…පෙ.… එවං ඛො, භික්‌ඛවෙ, භික්‌ඛු සත්‌ත බොජ්‌ඣඞ්‌ගෙ භාවෙන්‌තො සත්‌ත බොජ්‌ඣඞ්‌ගෙ බහුලීකරොන්‌තො නිබ්‌බානනින්‌නො හොති නිබ්‌බානපොණො නිබ්‌බානපබ්‌භාරො’’ති. (යාව එසනා පාළි විත්‌ථාරෙතබ්‌බා).
258-269. ‘‘Seyyathāpi, bhikkhave, gaṅgā nadī pācīnaninnā pācīnapoṇā pācīnapabbhārā; evameva kho, bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro. Kathañca, bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro? Idha, bhikkhave, bhikkhu satisambojjhaṅgaṃ bhāveti…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… evaṃ kho, bhikkhave, bhikkhu satta bojjhaṅge bhāvento satta bojjhaṅge bahulīkaronto nibbānaninno hoti nibbānapoṇo nibbānapabbhāro’’ti. (Yāva esanā pāḷi vitthāretabbā).
ගඞ්‌ගාපෙය්‍යාලවග්‌ගො නවමො.
Gaṅgāpeyyālavaggo navamo.
තස්‌සුද්‌දානං –
Tassuddānaṃ –
ඡ පාචීනතො නින්‌නා, ඡ නින්‌නා ච සමුද්‌දතො;
Cha pācīnato ninnā, cha ninnā ca samuddato;
ද්‌වෙතෙ ඡ ද්‌වාදස හොන්‌ති, වග්‌ගො තෙන පවුච්‌චතීති.
Dvete cha dvādasa honti, vaggo tena pavuccatīti.
