| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
13. ගඞ්‌ගාපෙය්‍යාලවග්‌ගො
13. Gaṅgāpeyyālavaggo
1-12. පාචීනාදිසුත්‌තද්‌වාදසකං
1-12. Pācīnādisuttadvādasakaṃ
597-608. ‘‘සෙය්‍යථාපි , භික්‌ඛවෙ, ගඞ්‌ගා නදී පාචීනනින්‌නා පාචීනපොණා පාචීනපබ්‌භාරා; එවමෙව ඛො, භික්‌ඛවෙ, භික්‌ඛු පඤ්‌චින්‌ද්‍රියානි භාවෙන්‌තො පඤ්‌චින්‌ද්‍රියානි බහුලීකරොන්‌තො නිබ්‌බානනින්‌නො හොති නිබ්‌බානපොණො නිබ්‌බානපබ්‌භාරො. කථඤ්‌ච, භික්‌ඛවෙ, භික්‌ඛු පඤ්‌චින්‌ද්‍රියානි භාවෙන්‌තො පඤ්‌චින්‌ද්‍රියානි බහුලීකරොන්‌තො නිබ්‌බානනින්‌නො හොති නිබ්‌බානපොණො නිබ්‌බානපබ්‌භාරො? ඉධ, භික්‌ඛවෙ, භික්‌ඛු සද්‌ධින්‌ද්‍රියං භාවෙති රාගවිනයපරියොසානං දොසවිනයපරියොසානං මොහවිනයපරියොසානං…පෙ.… පඤ්‌ඤින්‌ද්‍රියං භාවෙති රාගවිනයපරියොසානං දොසවිනයපරියොසානං මොහවිනයපරියොසානං. එවං ඛො, භික්‌ඛවෙ, භික්‌ඛු පඤ්‌චින්‌ද්‍රියානි භාවෙන්‌තො පඤ්‌චින්‌ද්‍රියානි බහුලීකරොන්‌තො නිබ්‌බානනින්‌නො හොති නිබ්‌බානපොණො නිබ්‌බානපබ්‌භාරො’’ති. ද්‌වාදසමං.
597-608. ‘‘Seyyathāpi , bhikkhave, gaṅgā nadī pācīnaninnā pācīnapoṇā pācīnapabbhārā; evameva kho, bhikkhave, bhikkhu pañcindriyāni bhāvento pañcindriyāni bahulīkaronto nibbānaninno hoti nibbānapoṇo nibbānapabbhāro. Kathañca, bhikkhave, bhikkhu pañcindriyāni bhāvento pañcindriyāni bahulīkaronto nibbānaninno hoti nibbānapoṇo nibbānapabbhāro? Idha, bhikkhave, bhikkhu saddhindriyaṃ bhāveti rāgavinayapariyosānaṃ dosavinayapariyosānaṃ mohavinayapariyosānaṃ…pe… paññindriyaṃ bhāveti rāgavinayapariyosānaṃ dosavinayapariyosānaṃ mohavinayapariyosānaṃ. Evaṃ kho, bhikkhave, bhikkhu pañcindriyāni bhāvento pañcindriyāni bahulīkaronto nibbānaninno hoti nibbānapoṇo nibbānapabbhāro’’ti. Dvādasamaṃ.
ගඞ්‌ගාපෙය්‍යාලවග්‌ගො තෙරසමො.
Gaṅgāpeyyālavaggo terasamo.
තස්‌සුද්‌දානං –
Tassuddānaṃ –
ඡ පාචීනතො නින්‌නා, ඡ නින්‌නා ච සමුද්‌දතො;
Cha pācīnato ninnā, cha ninnā ca samuddato;
ද්‌වෙතෙ ඡ ද්‌වාදස හොන්‌ති, වග්‌ගො තෙන පවුච්‌චතීති.
Dvete cha dvādasa honti, vaggo tena pavuccatīti.
අප්‌පමාදවග්‌ග-බලකරණීයවග්‌ග-එසනාවග්‌ගා විත්‌ථාරෙතබ්‌බා.
Appamādavagga-balakaraṇīyavagga-esanāvaggā vitthāretabbā.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 7. බොධිපක්‌ඛියවග්‌ගො • 7. Bodhipakkhiyavaggo
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 7. බොධිපක්‌ඛියවග්‌ගවණ්‌ණනා • 7. Bodhipakkhiyavaggavaṇṇanā
