| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. து³தியக³மனவக்³கோ³
2. Dutiyagamanavaggo
1. வாதஸுத்தங்
1-17. Vātasuttaṃ
224. ஸாவத்தி²னிதா³னங் . ‘‘கிஸ்மிங் நு கோ², பி⁴க்க²வே, ஸதி, கிங் உபாதா³ய, கிங் அபி⁴னிவிஸ்ஸ ஏவங் தி³ட்டி² உப்பஜ்ஜதி – ‘ந வாதா வாயந்தி, ந நஜ்ஜோ ஸந்த³ந்தி, ந க³ப்³பி⁴னியோ விஜாயந்தி, ந சந்தி³மஸூரியா உதெ³ந்தி வா அபெந்தி வா, ஏஸிகட்டா²யிட்டி²தா’’’தி? ப⁴க³வங்மூலகா நோ, ப⁴ந்தே, த⁴ம்மா…பே॰… ‘‘ரூபே கோ², பி⁴க்க²வே, ஸதி, ரூபங் உபாதா³ய, ரூபங் அபி⁴னிவிஸ்ஸ ஏவங் தி³ட்டி² உப்பஜ்ஜதி – ‘ந வாதா வாயந்தி…பே॰… ஏஸிகட்டா²யிட்டி²தா’தி. வேத³னாய ஸதி…பே॰… ஸஞ்ஞாய ஸதி…பே॰… ஸங்கா²ரேஸு ஸதி… விஞ்ஞாணே ஸதி, விஞ்ஞாணங் உபாதா³ய, விஞ்ஞாணங் அபி⁴னிவிஸ்ஸ ஏவங் தி³ட்டி² உப்பஜ்ஜதி – ‘ந வாதா வாயந்தி…பே॰… ஏஸிகட்டா²யிட்டி²தா’’’தி.
224. Sāvatthinidānaṃ . ‘‘Kismiṃ nu kho, bhikkhave, sati, kiṃ upādāya, kiṃ abhinivissa evaṃ diṭṭhi uppajjati – ‘na vātā vāyanti, na najjo sandanti, na gabbhiniyo vijāyanti, na candimasūriyā udenti vā apenti vā, esikaṭṭhāyiṭṭhitā’’’ti? Bhagavaṃmūlakā no, bhante, dhammā…pe… ‘‘rūpe kho, bhikkhave, sati, rūpaṃ upādāya, rūpaṃ abhinivissa evaṃ diṭṭhi uppajjati – ‘na vātā vāyanti…pe… esikaṭṭhāyiṭṭhitā’ti. Vedanāya sati…pe… saññāya sati…pe… saṅkhāresu sati… viññāṇe sati, viññāṇaṃ upādāya, viññāṇaṃ abhinivissa evaṃ diṭṭhi uppajjati – ‘na vātā vāyanti…pe… esikaṭṭhāyiṭṭhitā’’’ti.
‘‘தங் கிங் மஞ்ஞத², பி⁴க்க²வே, ரூபங் நிச்சங் வா அனிச்சங் வா’’தி? ‘‘அனிச்சங் , ப⁴ந்தே’’…பே॰… விபரிணாமத⁴ம்மங், அபி நு தங் அனுபாதா³ய ஏவங் தி³ட்டி² உப்பஜ்ஜெய்ய – ந வாதா வாயந்தி…பே॰… ஏஸிகட்டா²யிட்டி²தா’’தி? ‘‘நோ ஹேதங், ப⁴ந்தே’’. ‘‘இதி கோ², பி⁴க்க²வே, து³க்கே² ஸதி, து³க்க²ங் உபாதா³ய, து³க்க²ங் அபி⁴னிவிஸ்ஸ ஏவங் தி³ட்டி² உப்பஜ்ஜதி – ‘ந வாதா வாயந்தி…பே॰… ஏஸிகட்டா²யிட்டி²தா’’’தி. ‘‘வேத³னா… ஸஞ்ஞா… ஸங்கா²ரா… விஞ்ஞாணங் நிச்சங் வா அனிச்சங் வா’’தி? ‘‘அனிச்சங், ப⁴ந்தே’’…பே॰… விபரிணாமத⁴ம்மங், அபி நு தங் அனுபாதா³ய ஏவங் தி³ட்டி² உப்பஜ்ஜெய்ய ‘ந வாதா வாயந்தி…பே॰… ஏஸிகட்டா²யிட்டி²தா’’’தி? ‘‘நோ ஹேதங், ப⁴ந்தே’’. ‘‘இதி கோ², பி⁴க்க²வே, து³க்கே² ஸதி, து³க்க²ங் உபாதா³ய, து³க்க²ங் அபி⁴னிவிஸ்ஸ ஏவங் தி³ட்டி² உப்பஜ்ஜெய்ய – ‘ந வாதா வாயந்தி, ந நஜ்ஜோ ஸந்த³ந்தி, ந க³ப்³பி⁴னியோ விஜாயந்தி, ந சந்தி³மஸூரியா உதெ³ந்தி வா அபெந்தி வா, ஏஸிகட்டா²யிட்டி²தா’’’தி. பட²மங்.
‘‘Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ , bhante’’…pe… vipariṇāmadhammaṃ, api nu taṃ anupādāya evaṃ diṭṭhi uppajjeyya – na vātā vāyanti…pe… esikaṭṭhāyiṭṭhitā’’ti? ‘‘No hetaṃ, bhante’’. ‘‘Iti kho, bhikkhave, dukkhe sati, dukkhaṃ upādāya, dukkhaṃ abhinivissa evaṃ diṭṭhi uppajjati – ‘na vātā vāyanti…pe… esikaṭṭhāyiṭṭhitā’’’ti. ‘‘Vedanā… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’…pe… vipariṇāmadhammaṃ, api nu taṃ anupādāya evaṃ diṭṭhi uppajjeyya ‘na vātā vāyanti…pe… esikaṭṭhāyiṭṭhitā’’’ti? ‘‘No hetaṃ, bhante’’. ‘‘Iti kho, bhikkhave, dukkhe sati, dukkhaṃ upādāya, dukkhaṃ abhinivissa evaṃ diṭṭhi uppajjeyya – ‘na vātā vāyanti, na najjo sandanti, na gabbhiniyo vijāyanti, na candimasūriyā udenti vā apenti vā, esikaṭṭhāyiṭṭhitā’’’ti. Paṭhamaṃ.
225-240. (புரிமவக்³கே³ விய அட்டா²ரஸ வெய்யாகரணானி வித்தா²ரேதப்³பா³னீதி .) ஸத்தரஸமங்.
225-240. (Purimavagge viya aṭṭhārasa veyyākaraṇāni vitthāretabbānīti .) Sattarasamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. து³தியக³மனாதி³வக்³க³வண்ணனா • 2. Dutiyagamanādivaggavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. து³தியக³மனாதி³வக்³க³வண்ணனா • 2. Dutiyagamanādivaggavaṇṇanā
