| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2. දුතියගමනවග්‌ගො
2. Dutiyagamanavaggo
1. වාතසුත්‌තං
1-17. Vātasuttaṃ
224. සාවත්‌ථිනිදානං . ‘‘කිස්‌මිං නු ඛො, භික්‌ඛවෙ, සති, කිං උපාදාය, කිං අභිනිවිස්‌ස එවං දිට්‌ඨි උප්‌පජ්‌ජති – ‘න වාතා වායන්‌ති, න නජ්‌ජො සන්‌දන්‌ති, න ගබ්‌භිනියො විජායන්‌ති, න චන්‌දිමසූරියා උදෙන්‌ති වා අපෙන්‌ති වා, එසිකට්‌ඨායිට්‌ඨිතා’’’ති? භගවංමූලකා නො, භන්‌තෙ, ධම්‌මා…පෙ.… ‘‘රූපෙ ඛො, භික්‌ඛවෙ, සති, රූපං උපාදාය, රූපං අභිනිවිස්‌ස එවං දිට්‌ඨි උප්‌පජ්‌ජති – ‘න වාතා වායන්‌ති…පෙ.… එසිකට්‌ඨායිට්‌ඨිතා’ති. වෙදනාය සති…පෙ.… සඤ්‌ඤාය සති…පෙ.… සඞ්‌ඛාරෙසු සති… විඤ්‌ඤාණෙ සති, විඤ්‌ඤාණං උපාදාය, විඤ්‌ඤාණං අභිනිවිස්‌ස එවං දිට්‌ඨි උප්‌පජ්‌ජති – ‘න වාතා වායන්‌ති…පෙ.… එසිකට්‌ඨායිට්‌ඨිතා’’’ති.
224. Sāvatthinidānaṃ . ‘‘Kismiṃ nu kho, bhikkhave, sati, kiṃ upādāya, kiṃ abhinivissa evaṃ diṭṭhi uppajjati – ‘na vātā vāyanti, na najjo sandanti, na gabbhiniyo vijāyanti, na candimasūriyā udenti vā apenti vā, esikaṭṭhāyiṭṭhitā’’’ti? Bhagavaṃmūlakā no, bhante, dhammā…pe… ‘‘rūpe kho, bhikkhave, sati, rūpaṃ upādāya, rūpaṃ abhinivissa evaṃ diṭṭhi uppajjati – ‘na vātā vāyanti…pe… esikaṭṭhāyiṭṭhitā’ti. Vedanāya sati…pe… saññāya sati…pe… saṅkhāresu sati… viññāṇe sati, viññāṇaṃ upādāya, viññāṇaṃ abhinivissa evaṃ diṭṭhi uppajjati – ‘na vātā vāyanti…pe… esikaṭṭhāyiṭṭhitā’’’ti.
‘‘තං කිං මඤ්‌ඤථ, භික්‌ඛවෙ, රූපං නිච්‌චං වා අනිච්‌චං වා’’ති? ‘‘අනිච්‌චං , භන්‌තෙ’’…පෙ.… විපරිණාමධම්‌මං, අපි නු තං අනුපාදාය එවං දිට්‌ඨි උප්‌පජ්‌ජෙය්‍ය – න වාතා වායන්‌ති…පෙ.… එසිකට්‌ඨායිට්‌ඨිතා’’ති? ‘‘නො හෙතං, භන්‌තෙ’’. ‘‘ඉති ඛො, භික්‌ඛවෙ, දුක්‌ඛෙ සති, දුක්‌ඛං උපාදාය, දුක්‌ඛං අභිනිවිස්‌ස එවං දිට්‌ඨි උප්‌පජ්‌ජති – ‘න වාතා වායන්‌ති…පෙ.… එසිකට්‌ඨායිට්‌ඨිතා’’’ති. ‘‘වෙදනා… සඤ්‌ඤා… සඞ්‌ඛාරා… විඤ්‌ඤාණං නිච්‌චං වා අනිච්‌චං වා’’ති? ‘‘අනිච්‌චං, භන්‌තෙ’’…පෙ.… විපරිණාමධම්‌මං, අපි නු තං අනුපාදාය එවං දිට්‌ඨි උප්‌පජ්‌ජෙය්‍ය ‘න වාතා වායන්‌ති…පෙ.… එසිකට්‌ඨායිට්‌ඨිතා’’’ති? ‘‘නො හෙතං, භන්‌තෙ’’. ‘‘ඉති ඛො, භික්‌ඛවෙ, දුක්‌ඛෙ සති, දුක්‌ඛං උපාදාය, දුක්‌ඛං අභිනිවිස්‌ස එවං දිට්‌ඨි උප්‌පජ්‌ජෙය්‍ය – ‘න වාතා වායන්‌ති, න නජ්‌ජො සන්‌දන්‌ති, න ගබ්‌භිනියො විජායන්‌ති, න චන්‌දිමසූරියා උදෙන්‌ති වා අපෙන්‌ති වා, එසිකට්‌ඨායිට්‌ඨිතා’’’ති. පඨමං.
‘‘Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ , bhante’’…pe… vipariṇāmadhammaṃ, api nu taṃ anupādāya evaṃ diṭṭhi uppajjeyya – na vātā vāyanti…pe… esikaṭṭhāyiṭṭhitā’’ti? ‘‘No hetaṃ, bhante’’. ‘‘Iti kho, bhikkhave, dukkhe sati, dukkhaṃ upādāya, dukkhaṃ abhinivissa evaṃ diṭṭhi uppajjati – ‘na vātā vāyanti…pe… esikaṭṭhāyiṭṭhitā’’’ti. ‘‘Vedanā… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’…pe… vipariṇāmadhammaṃ, api nu taṃ anupādāya evaṃ diṭṭhi uppajjeyya ‘na vātā vāyanti…pe… esikaṭṭhāyiṭṭhitā’’’ti? ‘‘No hetaṃ, bhante’’. ‘‘Iti kho, bhikkhave, dukkhe sati, dukkhaṃ upādāya, dukkhaṃ abhinivissa evaṃ diṭṭhi uppajjeyya – ‘na vātā vāyanti, na najjo sandanti, na gabbhiniyo vijāyanti, na candimasūriyā udenti vā apenti vā, esikaṭṭhāyiṭṭhitā’’’ti. Paṭhamaṃ.
225-240. (පුරිමවග්‌ගෙ විය අට්‌ඨාරස වෙය්‍යාකරණානි විත්‌ථාරෙතබ්‌බානීති .) සත්‌තරසමං.
225-240. (Purimavagge viya aṭṭhārasa veyyākaraṇāni vitthāretabbānīti .) Sattarasamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2. දුතියගමනාදිවග්‌ගවණ්‌ණනා • 2. Dutiyagamanādivaggavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2. දුතියගමනාදිවග්‌ගවණ්‌ණනා • 2. Dutiyagamanādivaggavaṇṇanā
