| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. དུཏིཡགམནཝགྒོ
2. Dutiyagamanavaggo
༡. ཝཱཏསུཏྟཾ
1-17. Vātasuttaṃ
༢༢༤. སཱཝཏྠིནིདཱནཾ ། ‘‘ཀིསྨིཾ ནུ ཁོ, བྷིཀྑཝེ, སཏི, ཀིཾ ཨུཔཱདཱཡ, ཀིཾ ཨབྷིནིཝིསྶ ཨེཝཾ དིཊྛི ཨུཔྤཛྫཏི – ‘ན ཝཱཏཱ ཝཱཡནྟི, ན ནཛྫོ སནྡནྟི, ན གབྦྷིནིཡོ ཝིཛཱཡནྟི, ན ཙནྡིམསཱུརིཡཱ ཨུདེནྟི ཝཱ ཨཔེནྟི ཝཱ, ཨེསིཀཊྛཱཡིཊྛིཏཱ’’’ཏི? བྷགཝཾམཱུལཀཱ ནོ, བྷནྟེ, དྷམྨཱ…པེ॰… ‘‘རཱུཔེ ཁོ, བྷིཀྑཝེ, སཏི, རཱུཔཾ ཨུཔཱདཱཡ, རཱུཔཾ ཨབྷིནིཝིསྶ ཨེཝཾ དིཊྛི ཨུཔྤཛྫཏི – ‘ན ཝཱཏཱ ཝཱཡནྟི…པེ॰… ཨེསིཀཊྛཱཡིཊྛིཏཱ’ཏི། ཝེདནཱཡ སཏི…པེ॰… སཉྙཱཡ སཏི…པེ॰… སངྑཱརེསུ སཏི… ཝིཉྙཱཎེ སཏི, ཝིཉྙཱཎཾ ཨུཔཱདཱཡ, ཝིཉྙཱཎཾ ཨབྷིནིཝིསྶ ཨེཝཾ དིཊྛི ཨུཔྤཛྫཏི – ‘ན ཝཱཏཱ ཝཱཡནྟི…པེ॰… ཨེསིཀཊྛཱཡིཊྛིཏཱ’’’ཏི།
224. Sāvatthinidānaṃ . ‘‘Kismiṃ nu kho, bhikkhave, sati, kiṃ upādāya, kiṃ abhinivissa evaṃ diṭṭhi uppajjati – ‘na vātā vāyanti, na najjo sandanti, na gabbhiniyo vijāyanti, na candimasūriyā udenti vā apenti vā, esikaṭṭhāyiṭṭhitā’’’ti? Bhagavaṃmūlakā no, bhante, dhammā…pe… ‘‘rūpe kho, bhikkhave, sati, rūpaṃ upādāya, rūpaṃ abhinivissa evaṃ diṭṭhi uppajjati – ‘na vātā vāyanti…pe… esikaṭṭhāyiṭṭhitā’ti. Vedanāya sati…pe… saññāya sati…pe… saṅkhāresu sati… viññāṇe sati, viññāṇaṃ upādāya, viññāṇaṃ abhinivissa evaṃ diṭṭhi uppajjati – ‘na vātā vāyanti…pe… esikaṭṭhāyiṭṭhitā’’’ti.
‘‘ཏཾ ཀིཾ མཉྙཐ, བྷིཀྑཝེ, རཱུཔཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ , བྷནྟེ’’…པེ॰… ཝིཔརིཎཱམདྷམྨཾ, ཨཔི ནུ ཏཾ ཨནུཔཱདཱཡ ཨེཝཾ དིཊྛི ཨུཔྤཛྫེཡྻ – ན ཝཱཏཱ ཝཱཡནྟི…པེ॰… ཨེསིཀཊྛཱཡིཊྛིཏཱ’’ཏི? ‘‘ནོ ཧེཏཾ, བྷནྟེ’’། ‘‘ཨིཏི ཁོ, བྷིཀྑཝེ, དུཀྑེ སཏི, དུཀྑཾ ཨུཔཱདཱཡ, དུཀྑཾ ཨབྷིནིཝིསྶ ཨེཝཾ དིཊྛི ཨུཔྤཛྫཏི – ‘ན ཝཱཏཱ ཝཱཡནྟི…པེ॰… ཨེསིཀཊྛཱཡིཊྛིཏཱ’’’ཏི། ‘‘ཝེདནཱ… སཉྙཱ… སངྑཱརཱ… ཝིཉྙཱཎཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ, བྷནྟེ’’…པེ॰… ཝིཔརིཎཱམདྷམྨཾ, ཨཔི ནུ ཏཾ ཨནུཔཱདཱཡ ཨེཝཾ དིཊྛི ཨུཔྤཛྫེཡྻ ‘ན ཝཱཏཱ ཝཱཡནྟི…པེ॰… ཨེསིཀཊྛཱཡིཊྛིཏཱ’’’ཏི? ‘‘ནོ ཧེཏཾ, བྷནྟེ’’། ‘‘ཨིཏི ཁོ, བྷིཀྑཝེ, དུཀྑེ སཏི, དུཀྑཾ ཨུཔཱདཱཡ, དུཀྑཾ ཨབྷིནིཝིསྶ ཨེཝཾ དིཊྛི ཨུཔྤཛྫེཡྻ – ‘ན ཝཱཏཱ ཝཱཡནྟི, ན ནཛྫོ སནྡནྟི, ན གབྦྷིནིཡོ ཝིཛཱཡནྟི, ན ཙནྡིམསཱུརིཡཱ ཨུདེནྟི ཝཱ ཨཔེནྟི ཝཱ, ཨེསིཀཊྛཱཡིཊྛིཏཱ’’’ཏི། པཋམཾ།
‘‘Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ , bhante’’…pe… vipariṇāmadhammaṃ, api nu taṃ anupādāya evaṃ diṭṭhi uppajjeyya – na vātā vāyanti…pe… esikaṭṭhāyiṭṭhitā’’ti? ‘‘No hetaṃ, bhante’’. ‘‘Iti kho, bhikkhave, dukkhe sati, dukkhaṃ upādāya, dukkhaṃ abhinivissa evaṃ diṭṭhi uppajjati – ‘na vātā vāyanti…pe… esikaṭṭhāyiṭṭhitā’’’ti. ‘‘Vedanā… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’…pe… vipariṇāmadhammaṃ, api nu taṃ anupādāya evaṃ diṭṭhi uppajjeyya ‘na vātā vāyanti…pe… esikaṭṭhāyiṭṭhitā’’’ti? ‘‘No hetaṃ, bhante’’. ‘‘Iti kho, bhikkhave, dukkhe sati, dukkhaṃ upādāya, dukkhaṃ abhinivissa evaṃ diṭṭhi uppajjeyya – ‘na vātā vāyanti, na najjo sandanti, na gabbhiniyo vijāyanti, na candimasūriyā udenti vā apenti vā, esikaṭṭhāyiṭṭhitā’’’ti. Paṭhamaṃ.
༢༢༥-༢༤༠. (པུརིམཝགྒེ ཝིཡ ཨཊྛཱརས ཝེཡྻཱཀརཎཱནི ཝིཏྠཱརེཏབྦཱནཱིཏི །) སཏྟརསམཾ།
225-240. (Purimavagge viya aṭṭhārasa veyyākaraṇāni vitthāretabbānīti .) Sattarasamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. དུཏིཡགམནཱདིཝགྒཝཎྞནཱ • 2. Dutiyagamanādivaggavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢. དུཏིཡགམནཱདིཝགྒཝཎྞནཱ • 2. Dutiyagamanādivaggavaṇṇanā
