| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. ཏཏིཡགམནཝགྒོ
3. Tatiyagamanavaggo
༡. ནཝཱཏསུཏྟཾ
1-25. Navātasuttaṃ
༢༥༠. སཱཝཏྠིནིདཱནཾ ། ‘‘ཀིསྨིཾ ནུ ཁོ, བྷིཀྑཝེ, སཏི, ཀིཾ ཨུཔཱདཱཡ, ཀིཾ ཨབྷིནིཝིསྶ ཨེཝཾ དིཊྛི ཨུཔྤཛྫཏི – ‘ན ཝཱཏཱ ཝཱཡནྟི, ན ནཛྫོ སནྡནྟི, ན གབྦྷིནིཡོ ཝིཛཱཡནྟི, ན ཙནྡིམསཱུརིཡཱ ཨུདེནྟི ཝཱ ཨཔེནྟི ཝཱ ཨེསིཀཊྛཱཡིཊྛིཏཱ’’’ཏི? བྷགཝཾམཱུལཀཱ ནོ, བྷནྟེ, དྷམྨཱ…པེ॰…།
250. Sāvatthinidānaṃ . ‘‘Kismiṃ nu kho, bhikkhave, sati, kiṃ upādāya, kiṃ abhinivissa evaṃ diṭṭhi uppajjati – ‘na vātā vāyanti, na najjo sandanti, na gabbhiniyo vijāyanti, na candimasūriyā udenti vā apenti vā esikaṭṭhāyiṭṭhitā’’’ti? Bhagavaṃmūlakā no, bhante, dhammā…pe….
‘‘རཱུཔེ ཁོ, བྷིཀྑཝེ, སཏི, རཱུཔཾ ཨུཔཱདཱཡ, རཱུཔཾ ཨབྷིནིཝིསྶ ཨེཝཾ དིཊྛི ཨུཔྤཛྫཏི – ན ཝཱཏཱ ཝཱཡནྟི…པེ॰… ཝེདནཱཡ སཏི… སཉྙཱཡ སཏི… སངྑཱརེསུ སཏི… ཝིཉྙཱཎེ སཏི, ཝིཉྙཱཎཾ ཨུཔཱདཱཡ, ཝིཉྙཱཎཾ ཨབྷིནིཝིསྶ ཨེཝཾ དིཊྛི ཨུཔྤཛྫཏི – ‘ན ཝཱཏཱ ཝཱཡནྟི…པེ॰… ཨེསིཀཊྛཱཡིཊྛིཏཱ’’’ཏི།
‘‘Rūpe kho, bhikkhave, sati, rūpaṃ upādāya, rūpaṃ abhinivissa evaṃ diṭṭhi uppajjati – na vātā vāyanti…pe… vedanāya sati… saññāya sati… saṅkhāresu sati… viññāṇe sati, viññāṇaṃ upādāya, viññāṇaṃ abhinivissa evaṃ diṭṭhi uppajjati – ‘na vātā vāyanti…pe… esikaṭṭhāyiṭṭhitā’’’ti.
‘‘ཏཾ ཀིཾ མཉྙཐ, བྷིཀྑཝེ, རཱུཔཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ, བྷནྟེ’’…པེ॰… ཝིཔརིཎཱམདྷམྨཾ, ཨཔི ནུ ཏཾ ཨནུཔཱདཱཡ ཨེཝཾ དིཊྛི ཨུཔྤཛྫེཡྻ – ‘ན ཝཱཏཱ ཝཱཡནྟི…པེ॰… ཨེསིཀཊྛཱཡིཊྛིཏཱ’’’ཏི? ‘‘ནོ ཧེཏཾ, བྷནྟེ’’། ‘‘ཨིཏི ཁོ, བྷིཀྑཝེ, ཡདནིཙྩཾ ཏཾ དུཀྑཾ། ཏསྨིཾ སཏི, ཏདུཔཱདཱཡ, ཨེཝཾ དིཊྛི ཨུཔྤཛྫཏི – ‘ན ཝཱཏཱ ཝཱཡནྟི, ན ནཛྫོ སནྡནྟི, ན གབྦྷིནིཡོ ཝིཛཱཡནྟི, ན ཙནྡིམསཱུརིཡཱ ཨུདེནྟི ཝཱ ཨཔེནྟི ཝཱ ཨེསིཀཊྛཱཡིཊྛིཏཱ’’’ཏི། ‘‘ཝེདནཱ… སཉྙཱ… སངྑཱརཱ… ཝིཉྙཱཎཾ ནིཙྩཾ ཝཱ ཨནིཙྩཾ ཝཱ’’ཏི? ‘‘ཨནིཙྩཾ , བྷནྟེ’’…པེ॰… ཝིཔརིཎཱམདྷམྨཾ, ཨཔི ནུ ཏཾ ཨནུཔཱདཱཡ ཨེཝཾ དིཊྛི ཨུཔྤཛྫེཡྻ – ‘ན ཝཱཏཱ ཝཱཡནྟི…པེ॰… ཨེསིཀཊྛཱཡིཊྛིཏཱ’’’ཏི? ‘‘ནོ ཧེཏཾ, བྷནྟེ’’། ‘‘ཨིཏི ཁོ, བྷིཀྑཝེ, ཡདནིཙྩཾ ཏཾ དུཀྑཾ། ཏསྨིཾ སཏི, ཏདུཔཱདཱཡ ཨེཝཾ དིཊྛི ཨུཔྤཛྫཏི – ‘ན ཝཱཏཱ ཝཱཡནྟི…པེ॰… ཨེསིཀཊྛཱཡིཊྛིཏཱ’’’ཏི། པཋམཾ།
‘‘Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ, bhante’’…pe… vipariṇāmadhammaṃ, api nu taṃ anupādāya evaṃ diṭṭhi uppajjeyya – ‘na vātā vāyanti…pe… esikaṭṭhāyiṭṭhitā’’’ti? ‘‘No hetaṃ, bhante’’. ‘‘Iti kho, bhikkhave, yadaniccaṃ taṃ dukkhaṃ. Tasmiṃ sati, tadupādāya, evaṃ diṭṭhi uppajjati – ‘na vātā vāyanti, na najjo sandanti, na gabbhiniyo vijāyanti, na candimasūriyā udenti vā apenti vā esikaṭṭhāyiṭṭhitā’’’ti. ‘‘Vedanā… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ , bhante’’…pe… vipariṇāmadhammaṃ, api nu taṃ anupādāya evaṃ diṭṭhi uppajjeyya – ‘na vātā vāyanti…pe… esikaṭṭhāyiṭṭhitā’’’ti? ‘‘No hetaṃ, bhante’’. ‘‘Iti kho, bhikkhave, yadaniccaṃ taṃ dukkhaṃ. Tasmiṃ sati, tadupādāya evaṃ diṭṭhi uppajjati – ‘na vātā vāyanti…pe… esikaṭṭhāyiṭṭhitā’’’ti. Paṭhamaṃ.
༢༥༡-༢༧༤. (དུཏིཡཝགྒེ ཝིཡ ཙཏུཝཱིསཏི སུཏྟཱནི པཱུརེཏབྦཱནི།) པཉྩཝཱིསཏིམཾ།
251-274. (Dutiyavagge viya catuvīsati suttāni pūretabbāni.) Pañcavīsatimaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. དུཏིཡགམནཱདིཝགྒཝཎྞནཱ • 2. Dutiyagamanādivaggavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢. དུཏིཡགམནཱདིཝགྒཝཎྞནཱ • 2. Dutiyagamanādivaggavaṇṇanā
