| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. саб̣б̣аанижжаваг̇г̇о
5. Sabbaaniccavaggo
1-9. анижжаад̣̇исуд̇д̇анавагам̣
1-9. Aniccādisuttanavakaṃ
43. саавад̇т̇инид̣̇аанам̣ . д̇ад̇ра ко…бз… ‘‘саб̣б̣ам̣, бхигкавз, анижжам̣. гин̃жа, бхигкавз, саб̣б̣ам̣ анижжам̣? жагку, бхигкавз, анижжам̣, руубаа анижжаа, жагкувин̃н̃аан̣ам̣ анижжам̣, жагкусампассо анижжо. яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби анижжам̣…бз… ж̇ивхаа анижжаа, расаа анижжаа, ж̇ивхаавин̃н̃аан̣ам̣ анижжам̣, ж̇ивхаасампассо анижжо. яамбид̣̇ам̣ ж̇ивхаасампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби анижжам̣. гааяо анижжо…бз… мано анижжо, д̇хаммаа анижжаа, мановин̃н̃аан̣ам̣ анижжам̣, маносампассо анижжо. яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби анижжам̣. звам̣ бассам̣, бхигкавз, суд̇аваа арияасааваго жагкусмимби ниб̣б̣инд̣̇ад̇и, руубзсуби ниб̣б̣инд̣̇ад̇и, жагкувин̃н̃аан̣зби ниб̣б̣инд̣̇ад̇и, жагкусампассзби ниб̣б̣инд̣̇ад̇и. яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇асмимби ниб̣б̣инд̣̇ад̇и…бз… манасмимби ниб̣б̣инд̣̇ад̇и, д̇хаммзсуби ниб̣б̣инд̣̇ад̇и, мановин̃н̃аан̣зби ниб̣б̣инд̣̇ад̇и, маносампассзби ниб̣б̣инд̣̇ад̇и, яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇асмимби ниб̣б̣инд̣̇ад̇и. ниб̣б̣инд̣̇ам̣ вираж̇ж̇ад̇и; вирааг̇аа вимужжад̇и; вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и. батамам̣.
43. Sāvatthinidānaṃ . Tatra kho…pe… ‘‘sabbaṃ, bhikkhave, aniccaṃ. Kiñca, bhikkhave, sabbaṃ aniccaṃ? Cakkhu, bhikkhave, aniccaṃ, rūpā aniccā, cakkhuviññāṇaṃ aniccaṃ, cakkhusamphasso anicco. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ…pe… jivhā aniccā, rasā aniccā, jivhāviññāṇaṃ aniccaṃ, jivhāsamphasso anicco. Yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ. Kāyo anicco…pe… mano anicco, dhammā aniccā, manoviññāṇaṃ aniccaṃ, manosamphasso anicco. Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ. Evaṃ passaṃ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati. Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi nibbindati…pe… manasmimpi nibbindati, dhammesupi nibbindati, manoviññāṇepi nibbindati, manosamphassepi nibbindati, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi nibbindati. Nibbindaṃ virajjati; virāgā vimuccati; vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Paṭhamaṃ.
44. ‘‘саб̣б̣ам̣ , бхигкавз, д̣̇угкам̣…бз…. д̣̇уд̇ияам̣.
44. ‘‘Sabbaṃ , bhikkhave, dukkhaṃ…pe…. Dutiyaṃ.
45. ‘‘саб̣б̣ам̣, бхигкавз, анад̇д̇аа…бз…. д̇ад̇ияам̣.
45. ‘‘Sabbaṃ, bhikkhave, anattā…pe…. Tatiyaṃ.
46. ‘‘саб̣б̣ам̣ , бхигкавз, абхин̃н̃зяяам̣…бз… . жад̇уд̇т̇ам̣.
46. ‘‘Sabbaṃ , bhikkhave, abhiññeyyaṃ…pe… . Catutthaṃ.
47. ‘‘саб̣б̣ам̣, бхигкавз, барин̃н̃зяяам̣…бз…. бан̃жамам̣.
47. ‘‘Sabbaṃ, bhikkhave, pariññeyyaṃ…pe…. Pañcamaṃ.
48. ‘‘саб̣б̣ам̣, бхигкавз, бахаад̇аб̣б̣ам̣…бз…. чадтам̣.
48. ‘‘Sabbaṃ, bhikkhave, pahātabbaṃ…pe…. Chaṭṭhaṃ.
49. ‘‘саб̣б̣ам̣, бхигкавз, сажчигаад̇аб̣б̣ам̣…бз… . сад̇д̇амам̣.
49. ‘‘Sabbaṃ, bhikkhave, sacchikātabbaṃ…pe… . Sattamaṃ.
50. ‘‘саб̣б̣ам̣, бхигкавз, абхин̃н̃аабарин̃н̃зяяам̣…бз…. адтамам̣.
50. ‘‘Sabbaṃ, bhikkhave, abhiññāpariññeyyaṃ…pe…. Aṭṭhamaṃ.
51. ‘‘саб̣б̣ам̣ , бхигкавз, убад̣̇д̣̇уд̇ам̣…бз…. навамам̣.
51. ‘‘Sabbaṃ , bhikkhave, upaddutaṃ…pe…. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. саб̣б̣аанижжаваг̇г̇аван̣н̣анаа • 5. Sabbaaniccavaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. саб̣б̣аанижжаваг̇г̇аван̣н̣анаа • 5. Sabbaaniccavaggavaṇṇanā
