| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
20-24. ஞாணபஞ்சகனித்³தே³ஸோ
20-24. Ñāṇapañcakaniddeso
75. கத²ங் அபி⁴ஞ்ஞாபஞ்ஞா ஞாதட்டே² ஞாணங், பரிஞ்ஞாபஞ்ஞா தீரணட்டே² ஞாணங், பஹானேபஞ்ஞா பரிச்சாக³ட்டே² ஞாணங், பா⁴வனா பஞ்ஞா ஏகரஸட்டே² ஞாணங், ஸச்சி²கிரியாபஞ்ஞா ப²ஸ்ஸனட்டே² ஞாணங்? யே யே த⁴ம்மா அபி⁴ஞ்ஞாதா ஹொந்தி, தே தே த⁴ம்மா ஞாதா ஹொந்தி. யே யே த⁴ம்மா பரிஞ்ஞாதா ஹொந்தி, தே தே த⁴ம்மா தீரிதா ஹொந்தி. யே யே த⁴ம்மா பஹீனா ஹொந்தி, தே தே த⁴ம்மா பரிச்சத்தா ஹொந்தி. யே யே த⁴ம்மா பா⁴விதா ஹொந்தி, தே தே த⁴ம்மா ஏகரஸா ஹொந்தி. யே யே த⁴ம்மா ஸச்சி²கதா ஹொந்தி, தே தே த⁴ம்மா ப²ஸ்ஸிதா ஹொந்தி. தங் ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘அபி⁴ஞ்ஞா பஞ்ஞா ஞாதட்டே² ஞாணங், பரிஞ்ஞா பஞ்ஞா தீரணட்டே² ஞாணங், பஹானே பஞ்ஞா பரிச்சாக³ட்டே² ஞாணங், பா⁴வனா பஞ்ஞா ஏகரஸட்டே² ஞாணங், ஸச்சி²கிரியா பஞ்ஞா பு²ஸனட்டே² ஞாணங்’’.
75. Kathaṃ abhiññāpaññā ñātaṭṭhe ñāṇaṃ, pariññāpaññā tīraṇaṭṭhe ñāṇaṃ, pahānepaññā pariccāgaṭṭhe ñāṇaṃ, bhāvanā paññā ekarasaṭṭhe ñāṇaṃ, sacchikiriyāpaññā phassanaṭṭhe ñāṇaṃ? Ye ye dhammā abhiññātā honti, te te dhammā ñātā honti. Ye ye dhammā pariññātā honti, te te dhammā tīritā honti. Ye ye dhammā pahīnā honti, te te dhammā pariccattā honti. Ye ye dhammā bhāvitā honti, te te dhammā ekarasā honti. Ye ye dhammā sacchikatā honti, te te dhammā phassitā honti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘abhiññā paññā ñātaṭṭhe ñāṇaṃ, pariññā paññā tīraṇaṭṭhe ñāṇaṃ, pahāne paññā pariccāgaṭṭhe ñāṇaṃ, bhāvanā paññā ekarasaṭṭhe ñāṇaṃ, sacchikiriyā paññā phusanaṭṭhe ñāṇaṃ’’.
ஞாணபஞ்சகனித்³தே³ஸோ சதுவீஸதிமோ.
Ñāṇapañcakaniddeso catuvīsatimo.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 20-24. ஞாணபஞ்சகனித்³தே³ஸவண்ணனா • 20-24. Ñāṇapañcakaniddesavaṇṇanā
