| Library / Tipiṭaka / তিপিটক • Tipiṭaka / পটিসম্ভিদামগ্গপাল়ি • Paṭisambhidāmaggapāḷi |
২০-২৪. ঞাণপঞ্চকনিদ্দেসো
20-24. Ñāṇapañcakaniddeso
৭৫. কথং অভিঞ্ঞাপঞ্ঞা ঞাতট্ঠে ঞাণং, পরিঞ্ঞাপঞ্ঞা তীরণট্ঠে ঞাণং, পহানেপঞ্ঞা পরিচ্চাগট্ঠে ঞাণং, ভাৰনা পঞ্ঞা একরসট্ঠে ঞাণং, সচ্ছিকিরিযাপঞ্ঞা ফস্সনট্ঠে ঞাণং? যে যে ধম্মা অভিঞ্ঞাতা হোন্তি, তে তে ধম্মা ঞাতা হোন্তি। যে যে ধম্মা পরিঞ্ঞাতা হোন্তি, তে তে ধম্মা তীরিতা হোন্তি। যে যে ধম্মা পহীনা হোন্তি, তে তে ধম্মা পরিচ্চত্তা হোন্তি। যে যে ধম্মা ভাৰিতা হোন্তি, তে তে ধম্মা একরসা হোন্তি। যে যে ধম্মা সচ্ছিকতা হোন্তি, তে তে ধম্মা ফস্সিতা হোন্তি। তং ঞাতট্ঠেন ঞাণং, পজাননট্ঠেন পঞ্ঞা। তেন ৰুচ্চতি – ‘‘অভিঞ্ঞা পঞ্ঞা ঞাতট্ঠে ঞাণং, পরিঞ্ঞা পঞ্ঞা তীরণট্ঠে ঞাণং, পহানে পঞ্ঞা পরিচ্চাগট্ঠে ঞাণং, ভাৰনা পঞ্ঞা একরসট্ঠে ঞাণং, সচ্ছিকিরিযা পঞ্ঞা ফুসনট্ঠে ঞাণং’’।
75. Kathaṃ abhiññāpaññā ñātaṭṭhe ñāṇaṃ, pariññāpaññā tīraṇaṭṭhe ñāṇaṃ, pahānepaññā pariccāgaṭṭhe ñāṇaṃ, bhāvanā paññā ekarasaṭṭhe ñāṇaṃ, sacchikiriyāpaññā phassanaṭṭhe ñāṇaṃ? Ye ye dhammā abhiññātā honti, te te dhammā ñātā honti. Ye ye dhammā pariññātā honti, te te dhammā tīritā honti. Ye ye dhammā pahīnā honti, te te dhammā pariccattā honti. Ye ye dhammā bhāvitā honti, te te dhammā ekarasā honti. Ye ye dhammā sacchikatā honti, te te dhammā phassitā honti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘abhiññā paññā ñātaṭṭhe ñāṇaṃ, pariññā paññā tīraṇaṭṭhe ñāṇaṃ, pahāne paññā pariccāgaṭṭhe ñāṇaṃ, bhāvanā paññā ekarasaṭṭhe ñāṇaṃ, sacchikiriyā paññā phusanaṭṭhe ñāṇaṃ’’.
ঞাণপঞ্চকনিদ্দেসো চতুৰীসতিমো।
Ñāṇapañcakaniddeso catuvīsatimo.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā / ২০-২৪. ঞাণপঞ্চকনিদ্দেসৰণ্ণনা • 20-24. Ñāṇapañcakaniddesavaṇṇanā
