| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
২১-৫০. জলাবুজাদিদানূপকারসুত্তত্তিংসকং
21-50. Jalābujādidānūpakārasuttattiṃsakaṃ
৩৬২-৩৯১. সাৰত্থিনিদানং। একমন্তং নিসিন্নো খো সো ভিক্খু ভগৰন্তং এতদৰোচ – ‘‘কো নু খো, ভন্তে, হেতু, কো পচ্চযো, যেন মিধেকচ্চো কাযস্স ভেদা পরং মরণা জলাবুজানং নাগানং…পে॰… সংসেদজানং নাগানং…পে॰… ওপপাতিকানং নাগানং সহব্যতং উপপজ্জতী’’তি?
362-391. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā jalābujānaṃ nāgānaṃ…pe… saṃsedajānaṃ nāgānaṃ…pe… opapātikānaṃ nāgānaṃ sahabyataṃ upapajjatī’’ti?
‘‘ইধ, ভিক্খু, একচ্চো কাযেন দ্ৰযকারী হোতি, ৰাচায দ্ৰযকারী, মনসা দ্ৰযকারী। তস্স সুতং হোতি – ‘ওপপাতিকা নাগা দীঘাযুকা ৰণ্ণৰন্তো সুখবহুলা’তি। তস্স এৰং হোতি – ‘অহো ৰতাহং কাযস্স ভেদা পরং মরণা ওপপাতিকানং নাগানং সহব্যতং উপপজ্জেয্য’ন্তি। সো অন্নং দেতি…পে॰… পানং দেতি…পে॰… পদীপেয্যং দেতি। সো কাযস্স ভেদা পরং মরণা ওপপাতিকানং নাগানং সহব্যতং উপপজ্জতি। অযং খো, ভিক্খু, হেতু, অযং পচ্চযো, যেন মিধেকচ্চো কাযস্স ভেদা পরং মরণা ওপপাতিকানং নাগানং সহব্যতং উপপজ্জতী’’তি।
‘‘Idha, bhikkhu, ekacco kāyena dvayakārī hoti, vācāya dvayakārī, manasā dvayakārī. Tassa sutaṃ hoti – ‘opapātikā nāgā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā opapātikānaṃ nāgānaṃ sahabyataṃ upapajjeyya’nti. So annaṃ deti…pe… pānaṃ deti…pe… padīpeyyaṃ deti. So kāyassa bhedā paraṃ maraṇā opapātikānaṃ nāgānaṃ sahabyataṃ upapajjati. Ayaṃ kho, bhikkhu, hetu, ayaṃ paccayo, yena midhekacco kāyassa bhedā paraṃ maraṇā opapātikānaṃ nāgānaṃ sahabyataṃ upapajjatī’’ti.
(ইমিনা পেয্যালেন দস দস সুত্তন্তা কাতব্বা। এৰং চতূসু যোনীসু চত্তালীসং ৰেয্যাকরণা হোন্তি। পুরিমেহি পন দসহি সুত্তন্তেহি সহ হোন্তি পণ্ণাসসুত্তন্তাতি।)
(Iminā peyyālena dasa dasa suttantā kātabbā. Evaṃ catūsu yonīsu cattālīsaṃ veyyākaraṇā honti. Purimehi pana dasahi suttantehi saha honti paṇṇāsasuttantāti.)
নাগসংযুত্তং সমত্তং।
Nāgasaṃyuttaṃ samattaṃ.
তস্সুদ্দানং –
Tassuddānaṃ –
সুদ্ধিকং পণীততরং, চতুরো চ উপোসথা।
Suddhikaṃ paṇītataraṃ, caturo ca uposathā;
তস্স সুতং চতুরো চ, দানূপকারা চ তালীসং।
Tassa sutaṃ caturo ca, dānūpakārā ca tālīsaṃ;
পণ্ণাস পিণ্ডতো সুত্তা, নাগম্হি সুপ্পকাসিতাতি॥
Paṇṇāsa piṇḍato suttā, nāgamhi suppakāsitāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২-৫০. পণীততরসুত্তাদিৰণ্ণনা • 2-50. Paṇītatarasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২-৫০. পণীততরসুত্তাদিৰণ্ণনা • 2-50. Paṇītatarasuttādivaṇṇanā
