| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
21-50. ж̇алааб̣уж̇аад̣̇ид̣̇аануубагаарасуд̇д̇ад̇д̇им̣сагам̣
21-50. Jalābujādidānūpakārasuttattiṃsakaṃ
362-391. саавад̇т̇инид̣̇аанам̣. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘го ну ко, бханд̇з, хзд̇у, го бажжаяо, язна мид̇хзгажжо гааяасса бхзд̣̇аа барам̣ маран̣аа ж̇алааб̣уж̇аанам̣ нааг̇аанам̣…бз… сам̣сзд̣̇аж̇аанам̣ нааг̇аанам̣…бз… обабаад̇игаанам̣ нааг̇аанам̣ сахаб̣яад̇ам̣ убабаж̇ж̇ад̇ий’’д̇и?
362-391. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā jalābujānaṃ nāgānaṃ…pe… saṃsedajānaṃ nāgānaṃ…pe… opapātikānaṃ nāgānaṃ sahabyataṃ upapajjatī’’ti?
‘‘ид̇ха, бхигку, згажжо гааязна д̣̇ваяагаарий ход̇и, ваажааяа д̣̇ваяагаарий, манасаа д̣̇ваяагаарий. д̇асса суд̇ам̣ ход̇и – ‘обабаад̇игаа нааг̇аа д̣̇ийгхааяугаа ван̣н̣аванд̇о сукаб̣ахулаа’д̇и. д̇асса звам̣ ход̇и – ‘ахо вад̇аахам̣ гааяасса бхзд̣̇аа барам̣ маран̣аа обабаад̇игаанам̣ нааг̇аанам̣ сахаб̣яад̇ам̣ убабаж̇ж̇зяяа’нд̇и. со аннам̣ д̣̇зд̇и…бз… баанам̣ д̣̇зд̇и…бз… бад̣̇ийбзяяам̣ д̣̇зд̇и. со гааяасса бхзд̣̇аа барам̣ маран̣аа обабаад̇игаанам̣ нааг̇аанам̣ сахаб̣яад̇ам̣ убабаж̇ж̇ад̇и. аяам̣ ко, бхигку, хзд̇у, аяам̣ бажжаяо, язна мид̇хзгажжо гааяасса бхзд̣̇аа барам̣ маран̣аа обабаад̇игаанам̣ нааг̇аанам̣ сахаб̣яад̇ам̣ убабаж̇ж̇ад̇ий’’д̇и.
‘‘Idha, bhikkhu, ekacco kāyena dvayakārī hoti, vācāya dvayakārī, manasā dvayakārī. Tassa sutaṃ hoti – ‘opapātikā nāgā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā opapātikānaṃ nāgānaṃ sahabyataṃ upapajjeyya’nti. So annaṃ deti…pe… pānaṃ deti…pe… padīpeyyaṃ deti. So kāyassa bhedā paraṃ maraṇā opapātikānaṃ nāgānaṃ sahabyataṃ upapajjati. Ayaṃ kho, bhikkhu, hetu, ayaṃ paccayo, yena midhekacco kāyassa bhedā paraṃ maraṇā opapātikānaṃ nāgānaṃ sahabyataṃ upapajjatī’’ti.
(иминаа бзяяаалзна д̣̇аса д̣̇аса суд̇д̇анд̇аа гаад̇аб̣б̣аа. звам̣ жад̇уусу яонийсу жад̇д̇аалийсам̣ взяяаагаран̣аа хонд̇и. буримзхи бана д̣̇асахи суд̇д̇анд̇зхи саха хонд̇и бан̣н̣аасасуд̇д̇анд̇аад̇и.)
(Iminā peyyālena dasa dasa suttantā kātabbā. Evaṃ catūsu yonīsu cattālīsaṃ veyyākaraṇā honti. Purimehi pana dasahi suttantehi saha honti paṇṇāsasuttantāti.)
нааг̇асам̣яуд̇д̇ам̣ самад̇д̇ам̣.
Nāgasaṃyuttaṃ samattaṃ.
д̇ассуд̣̇д̣̇аанам̣ –
Tassuddānaṃ –
суд̣̇д̇хигам̣ бан̣ийд̇ад̇арам̣, жад̇уро жа убосат̇аа;
Suddhikaṃ paṇītataraṃ, caturo ca uposathā;
д̇асса суд̇ам̣ жад̇уро жа, д̣̇аануубагаараа жа д̇аалийсам̣;
Tassa sutaṃ caturo ca, dānūpakārā ca tālīsaṃ;
бан̣н̣ааса бин̣д̣ад̇о суд̇д̇аа, нааг̇амхи суббагаасид̇аад̇и.
Paṇṇāsa piṇḍato suttā, nāgamhi suppakāsitāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-50. бан̣ийд̇ад̇арасуд̇д̇аад̣̇иван̣н̣анаа • 2-50. Paṇītatarasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2-50. бан̣ийд̇ад̇арасуд̇д̇аад̣̇иван̣н̣анаа • 2-50. Paṇītatarasuttādivaṇṇanā
