| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
23-112. ஸாரக³ந்தா⁴தி³தா³னூபகாரஸுத்தனவுதிகங்
23-112. Sāragandhādidānūpakārasuttanavutikaṃ
460-549. ஸாவத்தி²னிதா³னங் . ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச – ‘‘கோ நு கோ², ப⁴ந்தே, ஹேது, கோ பச்சயோ, யேன மிதே⁴கச்சோ காயஸ்ஸ பே⁴தா³ பரங் மரணா ஸாரக³ந்தே⁴ அதி⁴வத்தா²னங் தே³வானங்…பே॰… பெ²க்³கு³க³ந்தே⁴ அதி⁴வத்தா²னங் தே³வானங்… தசக³ந்தே⁴ அதி⁴வத்தா²னங் தே³வானங் … பபடிகக³ந்தே⁴ அதி⁴வத்தா²னங் தே³வானங்… பத்தக³ந்தே⁴ அதி⁴வத்தா²னங் தே³வானங்… புப்ப²க³ந்தே⁴ அதி⁴வத்தா²னங் தே³வானங்… ப²லக³ந்தே⁴ அதி⁴வத்தா²னங் தே³வானங்… ரஸக³ந்தே⁴ அதி⁴வத்தா²னங் தே³வானங்… க³ந்த⁴க³ந்தே⁴ அதி⁴வத்தா²னங் தே³வானங் ஸஹப்³யதங் உபபஜ்ஜதீ’’தி? ‘‘இத⁴, பி⁴க்கு², ஏகச்சோ காயேன ஸுசரிதங் சரதி, வாசாய ஸுசரிதங் சரதி, மனஸா ஸுசரிதங் சரதி. தஸ்ஸ ஸுதங் ஹோதி – ‘க³ந்த⁴க³ந்தே⁴ அதி⁴வத்தா² தே³வா தீ³கா⁴யுகா வண்ணவந்தோ ஸுக²ப³ஹுலா’தி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா க³ந்த⁴க³ந்தே⁴ அதி⁴வத்தா²னங் தே³வானங் ஸஹப்³யதங் உபபஜ்ஜெய்ய’ந்தி. ஸோ அன்னங் தே³தி…பே॰… பானங் தே³தி… வத்த²ங் தே³தி… யானங் தே³தி… மாலங் தே³தி… க³ந்த⁴ங் தே³தி… விலேபனங் தே³தி… ஸெய்யங் தே³தி… ஆவஸத²ங் தே³தி… பதீ³பெய்யங் தே³தி. ஸோ காயஸ்ஸ பே⁴தா³ பரங் மரணா க³ந்த⁴க³ந்தே⁴ அதி⁴வத்தா²னங் தே³வானங் ஸஹப்³யதங் உபபஜ்ஜதி. அயங் கோ², பி⁴க்கு², ஹேது, அயங் பச்சயோ, யேன மிதே⁴கச்சோ காயஸ்ஸ பே⁴தா³ பரங் மரணா க³ந்த⁴க³ந்தே⁴ அதி⁴வத்தா²னங் தே³வானங் ஸஹப்³யதங் உபபஜ்ஜதீ’’தி. த்³வாத³ஸஸதிமங்.
460-549. Sāvatthinidānaṃ . Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā sāragandhe adhivatthānaṃ devānaṃ…pe… pheggugandhe adhivatthānaṃ devānaṃ… tacagandhe adhivatthānaṃ devānaṃ … papaṭikagandhe adhivatthānaṃ devānaṃ… pattagandhe adhivatthānaṃ devānaṃ… pupphagandhe adhivatthānaṃ devānaṃ… phalagandhe adhivatthānaṃ devānaṃ… rasagandhe adhivatthānaṃ devānaṃ… gandhagandhe adhivatthānaṃ devānaṃ sahabyataṃ upapajjatī’’ti? ‘‘Idha, bhikkhu, ekacco kāyena sucaritaṃ carati, vācāya sucaritaṃ carati, manasā sucaritaṃ carati. Tassa sutaṃ hoti – ‘gandhagandhe adhivatthā devā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā gandhagandhe adhivatthānaṃ devānaṃ sahabyataṃ upapajjeyya’nti. So annaṃ deti…pe… pānaṃ deti… vatthaṃ deti… yānaṃ deti… mālaṃ deti… gandhaṃ deti… vilepanaṃ deti… seyyaṃ deti… āvasathaṃ deti… padīpeyyaṃ deti. So kāyassa bhedā paraṃ maraṇā gandhagandhe adhivatthānaṃ devānaṃ sahabyataṃ upapajjati. Ayaṃ kho, bhikkhu, hetu, ayaṃ paccayo, yena midhekacco kāyassa bhedā paraṃ maraṇā gandhagandhe adhivatthānaṃ devānaṃ sahabyataṃ upapajjatī’’ti. Dvādasasatimaṃ.
(ஏவங் பிண்ட³கேன ஏகஸதஞ்ச த்³வாத³ஸ ச ஸுத்தந்தா ஹொந்தி.)
(Evaṃ piṇḍakena ekasatañca dvādasa ca suttantā honti.)
க³ந்த⁴ப்³ப³காயஸங்யுத்தங் ஸமத்தங்.
Gandhabbakāyasaṃyuttaṃ samattaṃ.
தஸ்ஸுத்³தா³னங் –
Tassuddānaṃ –
ஸுத்³தி⁴கஞ்ச ஸுசரிதங், தா³தா ஹி அபரே த³ஸ;
Suddhikañca sucaritaṃ, dātā hi apare dasa;
தா³னூபகாரா ஸததா⁴, க³ந்த⁴ப்³பே³ ஸுப்பகாஸிதாதி.
Dānūpakārā satadhā, gandhabbe suppakāsitāti.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. க³ந்த⁴ப்³ப³காயஸங்யுத்தவண்ணனா • 10. Gandhabbakāyasaṃyuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 10. க³ந்த⁴ப்³ப³காயஸங்யுத்தவண்ணனா • 10. Gandhabbakāyasaṃyuttavaṇṇanā
