| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੨੩-੧੧੨. ਸਾਰਗਨ੍ਧਾਦਿਦਾਨੂਪਕਾਰਸੁਤ੍ਤਨવੁਤਿਕਂ
23-112. Sāragandhādidānūpakārasuttanavutikaṃ
੪੬੦-੫੪੯. ਸਾવਤ੍ਥਿਨਿਦਾਨਂ । ਏਕਮਨ੍ਤਂ ਨਿਸਿਨ੍ਨੋ ਖੋ ਸੋ ਭਿਕ੍ਖੁ ਭਗવਨ੍ਤਂ ਏਤਦવੋਚ – ‘‘ਕੋ ਨੁ ਖੋ, ਭਨ੍ਤੇ, ਹੇਤੁ, ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਸਾਰਗਨ੍ਧੇ ਅਧਿવਤ੍ਥਾਨਂ ਦੇવਾਨਂ…ਪੇ॰… ਫੇਗ੍ਗੁਗਨ੍ਧੇ ਅਧਿવਤ੍ਥਾਨਂ ਦੇવਾਨਂ… ਤਚਗਨ੍ਧੇ ਅਧਿવਤ੍ਥਾਨਂ ਦੇવਾਨਂ … ਪਪਟਿਕਗਨ੍ਧੇ ਅਧਿવਤ੍ਥਾਨਂ ਦੇવਾਨਂ… ਪਤ੍ਤਗਨ੍ਧੇ ਅਧਿવਤ੍ਥਾਨਂ ਦੇવਾਨਂ… ਪੁਪ੍ਫਗਨ੍ਧੇ ਅਧਿવਤ੍ਥਾਨਂ ਦੇવਾਨਂ… ਫਲਗਨ੍ਧੇ ਅਧਿવਤ੍ਥਾਨਂ ਦੇવਾਨਂ… ਰਸਗਨ੍ਧੇ ਅਧਿવਤ੍ਥਾਨਂ ਦੇવਾਨਂ… ਗਨ੍ਧਗਨ੍ਧੇ ਅਧਿવਤ੍ਥਾਨਂ ਦੇવਾਨਂ ਸਹਬ੍ਯਤਂ ਉਪਪਜ੍ਜਤੀ’’ਤਿ? ‘‘ਇਧ, ਭਿਕ੍ਖੁ, ਏਕਚ੍ਚੋ ਕਾਯੇਨ ਸੁਚਰਿਤਂ ਚਰਤਿ, વਾਚਾਯ ਸੁਚਰਿਤਂ ਚਰਤਿ, ਮਨਸਾ ਸੁਚਰਿਤਂ ਚਰਤਿ। ਤਸ੍ਸ ਸੁਤਂ ਹੋਤਿ – ‘ਗਨ੍ਧਗਨ੍ਧੇ ਅਧਿવਤ੍ਥਾ ਦੇવਾ ਦੀਘਾਯੁਕਾ વਣ੍ਣવਨ੍ਤੋ ਸੁਖਬਹੁਲਾ’ਤਿ। ਤਸ੍ਸ ਏવਂ ਹੋਤਿ – ‘ਅਹੋ વਤਾਹਂ ਕਾਯਸ੍ਸ ਭੇਦਾ ਪਰਂ ਮਰਣਾ ਗਨ੍ਧਗਨ੍ਧੇ ਅਧਿવਤ੍ਥਾਨਂ ਦੇવਾਨਂ ਸਹਬ੍ਯਤਂ ਉਪਪਜ੍ਜੇਯ੍ਯ’ਨ੍ਤਿ। ਸੋ ਅਨ੍ਨਂ ਦੇਤਿ…ਪੇ॰… ਪਾਨਂ ਦੇਤਿ… વਤ੍ਥਂ ਦੇਤਿ… ਯਾਨਂ ਦੇਤਿ… ਮਾਲਂ ਦੇਤਿ… ਗਨ੍ਧਂ ਦੇਤਿ… વਿਲੇਪਨਂ ਦੇਤਿ… ਸੇਯ੍ਯਂ ਦੇਤਿ… ਆવਸਥਂ ਦੇਤਿ… ਪਦੀਪੇਯ੍ਯਂ ਦੇਤਿ। ਸੋ ਕਾਯਸ੍ਸ ਭੇਦਾ ਪਰਂ ਮਰਣਾ ਗਨ੍ਧਗਨ੍ਧੇ ਅਧਿવਤ੍ਥਾਨਂ ਦੇવਾਨਂ ਸਹਬ੍ਯਤਂ ਉਪਪਜ੍ਜਤਿ। ਅਯਂ ਖੋ, ਭਿਕ੍ਖੁ, ਹੇਤੁ, ਅਯਂ ਪਚ੍ਚਯੋ, ਯੇਨ ਮਿਧੇਕਚ੍ਚੋ ਕਾਯਸ੍ਸ ਭੇਦਾ ਪਰਂ ਮਰਣਾ ਗਨ੍ਧਗਨ੍ਧੇ ਅਧਿવਤ੍ਥਾਨਂ ਦੇવਾਨਂ ਸਹਬ੍ਯਤਂ ਉਪਪਜ੍ਜਤੀ’’ਤਿ। ਦ੍વਾਦਸਸਤਿਮਂ।
460-549. Sāvatthinidānaṃ . Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā sāragandhe adhivatthānaṃ devānaṃ…pe… pheggugandhe adhivatthānaṃ devānaṃ… tacagandhe adhivatthānaṃ devānaṃ … papaṭikagandhe adhivatthānaṃ devānaṃ… pattagandhe adhivatthānaṃ devānaṃ… pupphagandhe adhivatthānaṃ devānaṃ… phalagandhe adhivatthānaṃ devānaṃ… rasagandhe adhivatthānaṃ devānaṃ… gandhagandhe adhivatthānaṃ devānaṃ sahabyataṃ upapajjatī’’ti? ‘‘Idha, bhikkhu, ekacco kāyena sucaritaṃ carati, vācāya sucaritaṃ carati, manasā sucaritaṃ carati. Tassa sutaṃ hoti – ‘gandhagandhe adhivatthā devā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā gandhagandhe adhivatthānaṃ devānaṃ sahabyataṃ upapajjeyya’nti. So annaṃ deti…pe… pānaṃ deti… vatthaṃ deti… yānaṃ deti… mālaṃ deti… gandhaṃ deti… vilepanaṃ deti… seyyaṃ deti… āvasathaṃ deti… padīpeyyaṃ deti. So kāyassa bhedā paraṃ maraṇā gandhagandhe adhivatthānaṃ devānaṃ sahabyataṃ upapajjati. Ayaṃ kho, bhikkhu, hetu, ayaṃ paccayo, yena midhekacco kāyassa bhedā paraṃ maraṇā gandhagandhe adhivatthānaṃ devānaṃ sahabyataṃ upapajjatī’’ti. Dvādasasatimaṃ.
(ਏવਂ ਪਿਣ੍ਡਕੇਨ ਏਕਸਤਞ੍ਚ ਦ੍વਾਦਸ ਚ ਸੁਤ੍ਤਨ੍ਤਾ ਹੋਨ੍ਤਿ।)
(Evaṃ piṇḍakena ekasatañca dvādasa ca suttantā honti.)
ਗਨ੍ਧਬ੍ਬਕਾਯਸਂਯੁਤ੍ਤਂ ਸਮਤ੍ਤਂ।
Gandhabbakāyasaṃyuttaṃ samattaṃ.
ਤਸ੍ਸੁਦ੍ਦਾਨਂ –
Tassuddānaṃ –
ਸੁਦ੍ਧਿਕਞ੍ਚ ਸੁਚਰਿਤਂ, ਦਾਤਾ ਹਿ ਅਪਰੇ ਦਸ।
Suddhikañca sucaritaṃ, dātā hi apare dasa;
ਦਾਨੂਪਕਾਰਾ ਸਤਧਾ, ਗਨ੍ਧਬ੍ਬੇ ਸੁਪ੍ਪਕਾਸਿਤਾਤਿ॥
Dānūpakārā satadhā, gandhabbe suppakāsitāti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਗਨ੍ਧਬ੍ਬਕਾਯਸਂਯੁਤ੍ਤવਣ੍ਣਨਾ • 10. Gandhabbakāyasaṃyuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਗਨ੍ਧਬ੍ਬਕਾਯਸਂਯੁਤ੍ਤવਣ੍ਣਨਾ • 10. Gandhabbakāyasaṃyuttavaṇṇanā
