| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੨੫-੨੮. ਪਟਿਸਮ੍ਭਿਦਾਞਾਣਨਿਦ੍ਦੇਸੋ
25-28. Paṭisambhidāñāṇaniddeso
੭੬. ਕਥਂ ਅਤ੍ਥਨਾਨਤ੍ਤੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਂ, ਧਮ੍ਮਨਾਨਤ੍ਤੇ ਪਞ੍ਞਾ ਧਮ੍ਮਪਟਿਸਮ੍ਭਿਦੇ ਞਾਣਂ, ਨਿਰੁਤ੍ਤਿਨਾਨਤ੍ਤੇ ਪਞ੍ਞਾ ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ, ਪਟਿਭਾਨਨਾਨਤ੍ਤੇ ਪਞ੍ਞਾ ਪਟਿਭਾਨਪਟਿਸਮ੍ਭਿਦੇ ਞਾਣਂ? ਸਦ੍ਧਿਨ੍ਦ੍ਰਿਯਂ ਧਮ੍ਮੋ, વੀਰਿਯਿਨ੍ਦ੍ਰਿਯਂ ਧਮ੍ਮੋ, ਸਤਿਨ੍ਦ੍ਰਿਯਂ ਧਮ੍ਮੋ, ਸਮਾਧਿਨ੍ਦ੍ਰਿਯਂ ਧਮ੍ਮੋ, ਪਞ੍ਞਿਨ੍ਦ੍ਰਿਯਂ ਧਮ੍ਮੋ। ਅਞ੍ਞੋ ਸਦ੍ਧਿਨ੍ਦ੍ਰਿਯਂ ਧਮ੍ਮੋ, ਅਞ੍ਞੋ વੀਰਿਯਿਨ੍ਦ੍ਰਿਯਂ ਧਮ੍ਮੋ, ਅਞ੍ਞੋ ਸਤਿਨ੍ਦ੍ਰਿਯਂ ਧਮ੍ਮੋ, ਅਞ੍ਞੋ ਸਮਾਧਿਨ੍ਦ੍ਰਿਯਂ ਧਮ੍ਮੋ, ਅਞ੍ਞੋ ਪਞ੍ਞਿਨ੍ਦ੍ਰਿਯਂ ਧਮ੍ਮੋ। ਯੇਨ ਞਾਣੇਨ ਇਮੇ ਨਾਨਾ ਧਮ੍ਮਾ ਞਾਤਾ, ਤੇਨੇવ ਞਾਣੇਨ ਇਮੇ ਨਾਨਾ ਧਮ੍ਮਾ ਪਟਿવਿਦਿਤਾਤਿ। ਤੇਨ વੁਚ੍ਚਤਿ – ‘‘ਧਮ੍ਮਨਾਨਤ੍ਤੇ ਪਞ੍ਞਾ ਧਮ੍ਮਪਟਿਸਮ੍ਭਿਦੇ ਞਾਣਂ’’।
76. Kathaṃ atthanānatte paññā atthapaṭisambhide ñāṇaṃ, dhammanānatte paññā dhammapaṭisambhide ñāṇaṃ, niruttinānatte paññā niruttipaṭisambhide ñāṇaṃ, paṭibhānanānatte paññā paṭibhānapaṭisambhide ñāṇaṃ? Saddhindriyaṃ dhammo, vīriyindriyaṃ dhammo, satindriyaṃ dhammo, samādhindriyaṃ dhammo, paññindriyaṃ dhammo. Añño saddhindriyaṃ dhammo, añño vīriyindriyaṃ dhammo, añño satindriyaṃ dhammo, añño samādhindriyaṃ dhammo, añño paññindriyaṃ dhammo. Yena ñāṇena ime nānā dhammā ñātā, teneva ñāṇena ime nānā dhammā paṭividitāti. Tena vuccati – ‘‘dhammanānatte paññā dhammapaṭisambhide ñāṇaṃ’’.
ਅਧਿਮੋਕ੍ਖਟ੍ਠੋ ਅਤ੍ਥੋ, ਪਗ੍ਗਹਟ੍ਠੋ ਅਤ੍ਥੋ, ਉਪਟ੍ਠਾਨਟ੍ਠੋ ਅਤ੍ਥੋ, ਅવਿਕ੍ਖੇਪਟ੍ਠੋ ਅਤ੍ਥੋ, ਦਸ੍ਸਨਟ੍ਠੋ ਅਤ੍ਥੋ। ਅਞ੍ਞੋ ਅਧਿਮੋਕ੍ਖਟ੍ਠੋ ਅਤ੍ਥੋ, ਅਞ੍ਞੋ ਪਗ੍ਗਹਟ੍ਠੋ ਅਤ੍ਥੋ, ਅਞ੍ਞੋ ਉਪਟ੍ਠਾਨਟ੍ਠੋ ਅਤ੍ਥੋ, ਅਞ੍ਞੋ ਅવਿਕ੍ਖੇਪਟ੍ਠੋ ਅਤ੍ਥੋ, ਅਞ੍ਞੋ ਦਸ੍ਸਨਟ੍ਠੋ ਅਤ੍ਥੋ। ਯੇਨ ਞਾਣੇਨ ਇਮੇ ਨਾਨਾ ਅਤ੍ਥਾ ਞਾਤਾ, ਤੇਨੇવ ਞਾਣੇਨ ਇਮੇ ਨਾਨਾ ਅਤ੍ਥਾ ਪਟਿવਿਦਿਤਾਤਿ। ਤੇਨ વੁਚ੍ਚਤਿ ‘‘ਅਤ੍ਥਨਾਨਤ੍ਤੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਂ’’।
Adhimokkhaṭṭho attho, paggahaṭṭho attho, upaṭṭhānaṭṭho attho, avikkhepaṭṭho attho, dassanaṭṭho attho. Añño adhimokkhaṭṭho attho, añño paggahaṭṭho attho, añño upaṭṭhānaṭṭho attho, añño avikkhepaṭṭho attho, añño dassanaṭṭho attho. Yena ñāṇena ime nānā atthā ñātā, teneva ñāṇena ime nānā atthā paṭividitāti. Tena vuccati ‘‘atthanānatte paññā atthapaṭisambhide ñāṇaṃ’’.
ਪਞ੍ਚ ਧਮ੍ਮੇ ਸਨ੍ਦਸ੍ਸੇਤੁਂ ਬ੍ਯਞ੍ਜਨਨਿਰੁਤ੍ਤਾਭਿਲਾਪਾ, ਪਞ੍ਚ ਅਤ੍ਥੇ ਸਨ੍ਦਸ੍ਸੇਤੁਂ ਬ੍ਯਞ੍ਜਨਨਿਰੁਤ੍ਤਾਭਿਲਾਪਾ। ਅਞ੍ਞਾ ਧਮ੍ਮਨਿਰੁਤ੍ਤਿਯੋ, ਅਞ੍ਞਾ ਅਤ੍ਥਨਿਰੁਤ੍ਤਿਯੋ। ਯੇਨ ਞਾਣੇਨ ਇਮਾ ਨਾਨਾ ਨਿਰੁਤ੍ਤਿਯੋ ਞਾਤਾ, ਤੇਨੇવ ਞਾਣੇਨ ਇਮਾ ਨਾਨਾ ਨਿਰੁਤ੍ਤਿਯੋ ਪਟਿવਿਦਿਤਾਤਿ। ਤੇਨ વੁਚ੍ਚਤਿ – ‘‘ਨਿਰੁਤ੍ਤਿਨਾਨਤ੍ਤੇ ਪਞ੍ਞਾ ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ’’।
Pañca dhamme sandassetuṃ byañjananiruttābhilāpā, pañca atthe sandassetuṃ byañjananiruttābhilāpā. Aññā dhammaniruttiyo, aññā atthaniruttiyo. Yena ñāṇena imā nānā niruttiyo ñātā, teneva ñāṇena imā nānā niruttiyo paṭividitāti. Tena vuccati – ‘‘niruttinānatte paññā niruttipaṭisambhide ñāṇaṃ’’.
ਪਞ੍ਚਸੁ ਧਮ੍ਮੇਸੁ ਞਾਣਾਨਿ, ਪਞ੍ਚਸੁ ਅਤ੍ਥੇਸੁ ਞਾਣਾਨਿ, ਦਸਸੁ ਨਿਰੁਤ੍ਤੀਸੁ ਞਾਣਾਨਿ। ਅਞ੍ਞਾਨਿ ਧਮ੍ਮੇਸੁ ਞਾਣਾਨਿ, ਅਞ੍ਞਾਨਿ ਅਤ੍ਥੇਸੁ ਞਾਣਾਨਿ, ਅਞ੍ਞਾਨਿ ਨਿਰੁਤ੍ਤੀਸੁ ਞਾਣਾਨਿ। ਯੇਨ ਞਾਣੇਨ ਇਮੇ ਨਾਨਾ ਞਾਣਾ ਞਾਤਾ, ਤੇਨੇવ ਞਾਣੇਨ ਇਮੇ ਨਾਨਾ ਞਾਣਾ ਪਟਿવਿਦਿਤਾਤਿ। ਤੇਨ વੁਚ੍ਚਤਿ – ‘‘ਪਟਿਭਾਨਨਾਨਤ੍ਤੇ ਪਞ੍ਞਾ ਪਟਿਭਾਨਪਟਿਸਮ੍ਭਿਦੇ ਞਾਣਂ’’।
Pañcasu dhammesu ñāṇāni, pañcasu atthesu ñāṇāni, dasasu niruttīsu ñāṇāni. Aññāni dhammesu ñāṇāni, aññāni atthesu ñāṇāni, aññāni niruttīsu ñāṇāni. Yena ñāṇena ime nānā ñāṇā ñātā, teneva ñāṇena ime nānā ñāṇā paṭividitāti. Tena vuccati – ‘‘paṭibhānanānatte paññā paṭibhānapaṭisambhide ñāṇaṃ’’.
੭੭. ਸਦ੍ਧਾਬਲਂ ਧਮ੍ਮੋ, વੀਰਿਯਬਲਂ ਧਮ੍ਮੋ, ਸਤਿਬਲਂ ਧਮ੍ਮੋ, ਸਮਾਧਿਬਲਂ ਧਮ੍ਮੋ, ਪਞ੍ਞਾਬਲਂ ਧਮ੍ਮੋ। ਅਞ੍ਞੋ ਸਦ੍ਧਾਬਲਂ ਧਮ੍ਮੋ, ਅਞ੍ਞੋ વੀਰਿਯਬਲਂ ਧਮ੍ਮੋ, ਅਞ੍ਞੋ ਸਤਿਬਲਂ ਧਮ੍ਮੋ, ਅਞ੍ਞੋ ਸਮਾਧਿਬਲਂ ਧਮ੍ਮੋ, ਅਞ੍ਞੋ ਪਞ੍ਞਾਬਲਂ ਧਮ੍ਮੋ। ਯੇਨ ਞਾਣੇਨ ਇਮੇ ਨਾਨਾ ਧਮ੍ਮਾ ਞਾਤਾ, ਤੇਨੇવ ਞਾਣੇਨ ਇਮੇ ਨਾਨਾ ਧਮ੍ਮਾ ਪਟਿવਿਦਿਤਾਤਿ। ਤੇਨ વੁਚ੍ਚਤਿ – ‘‘ਧਮ੍ਮਨਾਨਤ੍ਤੇ ਪਞ੍ਞਾ ਧਮ੍ਮਪਟਿਸਮ੍ਭਿਦੇ ਞਾਣਂ’’।
77. Saddhābalaṃ dhammo, vīriyabalaṃ dhammo, satibalaṃ dhammo, samādhibalaṃ dhammo, paññābalaṃ dhammo. Añño saddhābalaṃ dhammo, añño vīriyabalaṃ dhammo, añño satibalaṃ dhammo, añño samādhibalaṃ dhammo, añño paññābalaṃ dhammo. Yena ñāṇena ime nānā dhammā ñātā, teneva ñāṇena ime nānā dhammā paṭividitāti. Tena vuccati – ‘‘dhammanānatte paññā dhammapaṭisambhide ñāṇaṃ’’.
ਅਸ੍ਸਦ੍ਧਿਯੇ ਅਕਮ੍ਪਿਯਟ੍ਠੋ ਅਤ੍ਥੋ। ਕੋਸਜ੍ਜੇ ਅਕਮ੍ਪਿਯਟ੍ਠੋ ਅਤ੍ਥੋ। ਪਮਾਦੇ ਅਕਮ੍ਪਿਯਟ੍ਠੋ ਅਤ੍ਥੋ। ਉਦ੍ਧਚ੍ਚੇ ਅਕਮ੍ਪਿਯਟ੍ਠੋ ਅਤ੍ਥੋ। ਅવਿਜ੍ਜਾਯ ਅਕਮ੍ਪਿਯਟ੍ਠੋ ਅਤ੍ਥੋ। ਅਞ੍ਞੋ ਅਸ੍ਸਦ੍ਧਿਯੇ ਅਕਮ੍ਪਿਯਟ੍ਠੋ ਅਤ੍ਥੋ, ਅਞ੍ਞੋ ਕੋਸਜ੍ਜੇ ਅਕਮ੍ਪਿਯਟ੍ਠੋ ਅਤ੍ਥੋ, ਅਞ੍ਞੋ ਪਮਾਦੇ ਅਕਮ੍ਪਿਯਟ੍ਠੋ ਅਤ੍ਥੋ, ਅਞ੍ਞੋ ਉਦ੍ਧਚ੍ਚੇ ਅਕਮ੍ਪਿਯਟ੍ਠੋ ਅਤ੍ਥੋ, ਅਞ੍ਞੋ ਅવਿਜ੍ਜਾਯ ਅਕਮ੍ਪਿਯਟ੍ਠੋ ਅਤ੍ਥੋ। ਯੇਨ ਞਾਣੇਨ ਇਮੇ ਨਾਨਾ ਅਤ੍ਥਾ ਞਾਤਾ, ਤੇਨੇવ ਞਾਣੇਨ ਇਮੇ ਨਾਨਾ ਅਤ੍ਥਾ ਪਟਿવਿਦਿਤਾਤਿ। ਤੇਨ વੁਚ੍ਚਤਿ – ‘‘ਅਤ੍ਥਨਾਨਤ੍ਤੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਂ’’।
Assaddhiye akampiyaṭṭho attho. Kosajje akampiyaṭṭho attho. Pamāde akampiyaṭṭho attho. Uddhacce akampiyaṭṭho attho. Avijjāya akampiyaṭṭho attho. Añño assaddhiye akampiyaṭṭho attho, añño kosajje akampiyaṭṭho attho, añño pamāde akampiyaṭṭho attho, añño uddhacce akampiyaṭṭho attho, añño avijjāya akampiyaṭṭho attho. Yena ñāṇena ime nānā atthā ñātā, teneva ñāṇena ime nānā atthā paṭividitāti. Tena vuccati – ‘‘atthanānatte paññā atthapaṭisambhide ñāṇaṃ’’.
ਪਞ੍ਚ ਧਮ੍ਮੇ ਸਨ੍ਦਸ੍ਸੇਤੁਂ ਬ੍ਯਞ੍ਜਨਨਿਰੁਤ੍ਤਾਭਿਲਾਪਾ, ਪਞ੍ਚ ਅਤ੍ਥੇ ਸਨ੍ਦਸ੍ਸੇਤੁਂ ਬ੍ਯਞ੍ਜਨਨਿਰੁਤ੍ਤਾਭਿਲਾਪਾ। ਅਞ੍ਞਾ ਧਮ੍ਮਨਿਰੁਤ੍ਤਿਯੋ, ਅਞ੍ਞਾ ਅਤ੍ਥਨਿਰੁਤ੍ਤਿਯੋ। ਯੇਨ ਞਾਣੇਨ ਇਮਾ ਨਾਨਾ ਨਿਰੁਤ੍ਤਿਯੋ ਞਾਤਾ, ਤੇਨੇવ ਞਾਣੇਨ ਇਮਾ ਨਾਨਾ ਨਿਰੁਤ੍ਤਿਯੋ ਪਟਿવਿਦਿਤਾਤਿ। ਤੇਨ વੁਚ੍ਚਤਿ – ‘‘ਨਿਰੁਤ੍ਤਿਨਾਨਤ੍ਤੇ ਪਞ੍ਞਾ ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ’’।
Pañca dhamme sandassetuṃ byañjananiruttābhilāpā, pañca atthe sandassetuṃ byañjananiruttābhilāpā. Aññā dhammaniruttiyo, aññā atthaniruttiyo. Yena ñāṇena imā nānā niruttiyo ñātā, teneva ñāṇena imā nānā niruttiyo paṭividitāti. Tena vuccati – ‘‘niruttinānatte paññā niruttipaṭisambhide ñāṇaṃ’’.
ਸਤਿਸਮ੍ਬੋਜ੍ਝਙ੍ਗੋ ਧਮ੍ਮੋ, ਧਮ੍ਮવਿਚਯਸਮ੍ਬੋਜ੍ਝਙ੍ਗੋ ਧਮ੍ਮੋ, વੀਰਿਯਸਮ੍ਬੋਜ੍ਝਙ੍ਗੋ ਧਮ੍ਮੋ, ਪੀਤਿਸਮ੍ਬੋਜ੍ਝਙ੍ਗੋ ਧਮ੍ਮੋ, ਪਸ੍ਸਦ੍ਧਿਸਮ੍ਬੋਜ੍ਝਙ੍ਗੋ ਧਮ੍ਮੋ, ਸਮਾਧਿਸਮ੍ਬੋਜ੍ਝਙ੍ਗੋ ਧਮ੍ਮੋ, ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਧਮ੍ਮੋ। ਅਞ੍ਞੋ ਸਤਿਸਮ੍ਬੋਜ੍ਝਙ੍ਗੋ ਧਮ੍ਮੋ, ਅਞ੍ਞੋ ਧਮ੍ਮવਿਚਯਸਮ੍ਬੋਜ੍ਝਙ੍ਗੋ ਧਮ੍ਮੋ, ਅਞ੍ਞੋ વੀਰਿਯਸਮ੍ਬੋਜ੍ਝਙ੍ਗੋ ਧਮ੍ਮੋ, ਅਞ੍ਞੋ ਪੀਤਿਸਮ੍ਬੋਜ੍ਝਙ੍ਗੋ ਧਮ੍ਮੋ, ਅਞ੍ਞੋ ਪਸ੍ਸਦ੍ਧਿਸਮ੍ਬੋਜ੍ਝਙ੍ਗੋ ਧਮ੍ਮੋ, ਅਞ੍ਞੋ ਸਮਾਧਿਸਮ੍ਬੋਜ੍ਝਙ੍ਗੋ ਧਮ੍ਮੋ, ਅਞ੍ਞੋ ਉਪੇਕ੍ਖਾਸਮ੍ਬੋਜ੍ਝਙ੍ਗੋ ਧਮ੍ਮੋ। ਯੇਨ ਞਾਣੇਨ ਇਮੇ ਨਾਨਾ ਧਮ੍ਮਾ ਞਾਤਾ, ਤੇਨੇવ ਞਾਣੇਨ ਇਮੇ ਨਾਨਾ ਧਮ੍ਮਾ ਪਟਿવਿਦਿਤਾਤਿ। ਤੇਨ વੁਚ੍ਚਤਿ – ‘‘ਧਮ੍ਮਨਾਨਤ੍ਤੇ ਪਞ੍ਞਾ ਧਮ੍ਮਪਟਿਸਮ੍ਭਿਦੇ ਞਾਣਂ’’।
Satisambojjhaṅgo dhammo, dhammavicayasambojjhaṅgo dhammo, vīriyasambojjhaṅgo dhammo, pītisambojjhaṅgo dhammo, passaddhisambojjhaṅgo dhammo, samādhisambojjhaṅgo dhammo, upekkhāsambojjhaṅgo dhammo. Añño satisambojjhaṅgo dhammo, añño dhammavicayasambojjhaṅgo dhammo, añño vīriyasambojjhaṅgo dhammo, añño pītisambojjhaṅgo dhammo, añño passaddhisambojjhaṅgo dhammo, añño samādhisambojjhaṅgo dhammo, añño upekkhāsambojjhaṅgo dhammo. Yena ñāṇena ime nānā dhammā ñātā, teneva ñāṇena ime nānā dhammā paṭividitāti. Tena vuccati – ‘‘dhammanānatte paññā dhammapaṭisambhide ñāṇaṃ’’.
ਉਪਟ੍ਠਾਨਟ੍ਠੋ ਅਤ੍ਥੋ, ਪવਿਚਯਟ੍ਠੋ ਅਤ੍ਥੋ, ਪਗ੍ਗਹਟ੍ਠੋ ਅਤ੍ਥੋ, ਫਰਣਟ੍ਠੋ ਅਤ੍ਥੋ, ਉਪਸਮਟ੍ਠੋ ਅਤ੍ਥੋ, ਅવਿਕ੍ਖੇਪਟ੍ਠੋ ਅਤ੍ਥੋ, ਪਟਿਸਙ੍ਖਾਨਟ੍ਠੋ ਅਤ੍ਥੋ। ਅਞ੍ਞੋ ਉਪਟ੍ਠਾਨਟ੍ਠੋ ਅਤ੍ਥੋ, ਅਞ੍ਞੋ ਪવਿਚਯਟ੍ਠੋ ਅਤ੍ਥੋ, ਅਞ੍ਞੋ ਪਗ੍ਗਹਟ੍ਠੋ ਅਤ੍ਥੋ, ਅਞ੍ਞੋ ਫਰਣਟ੍ਠੋ ਅਤ੍ਥੋ, ਅਞ੍ਞੋ ਉਪਸਮਟ੍ਠੋ ਅਤ੍ਥੋ, ਅਞ੍ਞੋ ਅવਿਕ੍ਖੇਪਟ੍ਠੋ ਅਤ੍ਥੋ, ਅਞ੍ਞੋ ਪਟਿਸਙ੍ਖਾਨਟ੍ਠੋ ਅਤ੍ਥੋ। ਯੇਨ ਞਾਣੇਨ ਇਮੇ ਨਾਨਾ ਅਤ੍ਥਾ ਞਾਤਾ, ਤੇਨੇવ ਞਾਣੇਨ ਇਮੇ ਨਾਨਾ ਅਤ੍ਥਾ ਪਟਿવਿਦਿਤਾਤਿ। ਤੇਨ વੁਚ੍ਚਤਿ – ‘‘ਅਤ੍ਥਨਾਨਤ੍ਤੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਂ’’।
Upaṭṭhānaṭṭho attho, pavicayaṭṭho attho, paggahaṭṭho attho, pharaṇaṭṭho attho, upasamaṭṭho attho, avikkhepaṭṭho attho, paṭisaṅkhānaṭṭho attho. Añño upaṭṭhānaṭṭho attho, añño pavicayaṭṭho attho, añño paggahaṭṭho attho, añño pharaṇaṭṭho attho, añño upasamaṭṭho attho, añño avikkhepaṭṭho attho, añño paṭisaṅkhānaṭṭho attho. Yena ñāṇena ime nānā atthā ñātā, teneva ñāṇena ime nānā atthā paṭividitāti. Tena vuccati – ‘‘atthanānatte paññā atthapaṭisambhide ñāṇaṃ’’.
ਸਤ੍ਤ ਧਮ੍ਮੇ ਸਨ੍ਦਸ੍ਸੇਤੁਂ ਬ੍ਯਞ੍ਜਨਨਿਰੁਤ੍ਤਾਭਿਲਾਪਾ, ਸਤ੍ਤ ਅਤ੍ਥੇ ਸਨ੍ਦਸ੍ਸੇਤੁਂ ਬ੍ਯਞ੍ਜਨਨਿਰੁਤ੍ਤਾਭਿਲਾਪਾ। ਅਞ੍ਞਾ ਧਮ੍ਮਨਿਰੁਤ੍ਤਿਯੋ, ਅਞ੍ਞਾ ਅਤ੍ਥਨਿਰੁਤ੍ਤਿਯੋ। ਯੇਨ ਞਾਣੇਨ ਇਮਾ ਨਾਨਾ ਨਿਰੁਤ੍ਤਿਯੋ ਞਾਤਾ, ਤੇਨੇવ ਞਾਣੇਨ ਇਮਾ ਨਾਨਾ ਨਿਰੁਤ੍ਤਿਯੋ ਪਟਿવਿਦਿਤਾਤਿ। ਤੇਨ વੁਚ੍ਚਤਿ – ‘‘ਨਿਰੁਤ੍ਤਿਨਾਨਤ੍ਤੇ ਪਞ੍ਞਾ ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ’’।
Satta dhamme sandassetuṃ byañjananiruttābhilāpā, satta atthe sandassetuṃ byañjananiruttābhilāpā. Aññā dhammaniruttiyo, aññā atthaniruttiyo. Yena ñāṇena imā nānā niruttiyo ñātā, teneva ñāṇena imā nānā niruttiyo paṭividitāti. Tena vuccati – ‘‘niruttinānatte paññā niruttipaṭisambhide ñāṇaṃ’’.
ਸਤ੍ਤਸੁ ਧਮ੍ਮੇਸੁ ਞਾਣਾਨਿ, ਸਤ੍ਤਸੁ ਅਤ੍ਥੇਸੁ ਞਾਣਾਨਿ, ਚੁਦ੍ਦਸਸੁ ਨਿਰੁਤ੍ਤੀਸੁ ਞਾਣਾਨਿ। ਅਞ੍ਞਾਨਿ ਧਮ੍ਮੇਸੁ ਞਾਣਾਨਿ, ਅਞ੍ਞਾਨਿ ਅਤ੍ਥੇਸੁ ਞਾਣਾਨਿ, ਅਞ੍ਞਾਨਿ ਨਿਰੁਤ੍ਤੀਸੁ ਞਾਣਾਨਿ। ਯੇਨ ਞਾਣੇਨ ਇਮੇ ਨਾਨਾ ਞਾਣਾ ਞਾਤਾ, ਤੇਨੇવ ਞਾਣੇਨ ਇਮੇ ਨਾਨਾ ਞਾਣਾ ਪਟਿવਿਦਿਤਾਤਿ। ਤੇਨ વੁਚ੍ਚਤਿ – ‘‘ਪਟਿਭਾਨਨਾਨਤ੍ਤੇ ਪਞ੍ਞਾ ਪਟਿਭਾਨਪਟਿਸਮ੍ਭਿਦੇ ਞਾਣਂ’’।
Sattasu dhammesu ñāṇāni, sattasu atthesu ñāṇāni, cuddasasu niruttīsu ñāṇāni. Aññāni dhammesu ñāṇāni, aññāni atthesu ñāṇāni, aññāni niruttīsu ñāṇāni. Yena ñāṇena ime nānā ñāṇā ñātā, teneva ñāṇena ime nānā ñāṇā paṭividitāti. Tena vuccati – ‘‘paṭibhānanānatte paññā paṭibhānapaṭisambhide ñāṇaṃ’’.
ਸਮ੍ਮਾਦਿਟ੍ਠਿ ਧਮ੍ਮੋ, ਸਮ੍ਮਾਸਙ੍ਕਪ੍ਪੋ ਧਮ੍ਮੋ, ਸਮ੍ਮਾવਾਚਾ ਧਮ੍ਮੋ, ਸਮ੍ਮਾਕਮ੍ਮਨ੍ਤੋ ਧਮ੍ਮੋ, ਸਮ੍ਮਾਆਜੀવੋ ਧਮ੍ਮੋ, ਸਮ੍ਮਾવਾਯਾਮੋ ਧਮ੍ਮੋ, ਸਮ੍ਮਾਸਤਿ ਧਮ੍ਮੋ, ਸਮ੍ਮਾਸਮਾਧਿ ਧਮ੍ਮੋ। ਅਞ੍ਞੋ ਸਮ੍ਮਾਦਿਟ੍ਠਿ ਧਮ੍ਮੋ, ਅਞ੍ਞੋ ਸਮ੍ਮਾਸਙ੍ਕਪ੍ਪੋ ਧਮ੍ਮੋ, ਅਞ੍ਞੋ ਸਮ੍ਮਾવਾਚਾ ਧਮ੍ਮੋ, ਅਞ੍ਞੋ ਸਮ੍ਮਾਕਮ੍ਮਨ੍ਤੋ ਧਮ੍ਮੋ, ਅਞ੍ਞੋ ਸਮ੍ਮਾਆਜੀવੋ ਧਮ੍ਮੋ, ਅਞ੍ਞੋ ਸਮ੍ਮਾવਾਯਾਮੋ ਧਮ੍ਮੋ, ਅਞ੍ਞੋ ਸਮ੍ਮਾਸਤਿ ਧਮ੍ਮੋ, ਅਞ੍ਞੋ ਸਮ੍ਮਾਸਮਾਧਿ ਧਮ੍ਮੋ। ਯੇਨ ਞਾਣੇਨ ਇਮੇ ਨਾਨਾ ਧਮ੍ਮਾ ਞਾਤਾ, ਤੇਨੇવ ਞਾਣੇਨ ਇਮੇ ਨਾਨਾ ਧਮ੍ਮਾ ਪਟਿવਿਦਿਤਾਤਿ। ਤੇਨ વੁਚ੍ਚਤਿ – ‘‘ਧਮ੍ਮਨਾਨਤ੍ਤੇ ਪਞ੍ਞਾ ਧਮ੍ਮਪਟਿਸਮ੍ਭਿਦੇ ਞਾਣਂ’’।
Sammādiṭṭhi dhammo, sammāsaṅkappo dhammo, sammāvācā dhammo, sammākammanto dhammo, sammāājīvo dhammo, sammāvāyāmo dhammo, sammāsati dhammo, sammāsamādhi dhammo. Añño sammādiṭṭhi dhammo, añño sammāsaṅkappo dhammo, añño sammāvācā dhammo, añño sammākammanto dhammo, añño sammāājīvo dhammo, añño sammāvāyāmo dhammo, añño sammāsati dhammo, añño sammāsamādhi dhammo. Yena ñāṇena ime nānā dhammā ñātā, teneva ñāṇena ime nānā dhammā paṭividitāti. Tena vuccati – ‘‘dhammanānatte paññā dhammapaṭisambhide ñāṇaṃ’’.
ਦਸ੍ਸਨਟ੍ਠੋ ਅਤ੍ਥੋ, ਅਭਿਨਿਰੋਪਨਟ੍ਠੋ ਅਤ੍ਥੋ, ਪਰਿਗ੍ਗਹਟ੍ਠੋ ਅਤ੍ਥੋ, ਸਮੁਟ੍ਠਾਨਟ੍ਠੋ ਅਤ੍ਥੋ, વੋਦਾਨਟ੍ਠੋ ਅਤ੍ਥੋ, ਪਗ੍ਗਹਟ੍ਠੋ ਅਤ੍ਥੋ, ਉਪਟ੍ਠਾਨਟ੍ਠੋ ਅਤ੍ਥੋ, ਅવਿਕ੍ਖੇਪਟ੍ਠੋ ਅਤ੍ਥੋ। ਅਞ੍ਞੋ ਦਸ੍ਸਨਟ੍ਠੋ ਅਤ੍ਥੋ, ਅਞ੍ਞੋ ਅਭਿਨਿਰੋਪਨਟ੍ਠੋ ਅਤ੍ਥੋ, ਅਞ੍ਞੋ ਪਰਿਗ੍ਗਹਟ੍ਠੋ ਅਤ੍ਥੋ, ਅਞ੍ਞੋ ਸਮੁਟ੍ਠਾਨਟ੍ਠੋ ਅਤ੍ਥੋ, ਅਞ੍ਞੋ વੋਦਾਨਟ੍ਠੋ ਅਤ੍ਥੋ, ਅਞ੍ਞੋ ਪਗ੍ਗਹਟ੍ਠੋ ਅਤ੍ਥੋ, ਅਞ੍ਞੋ ਉਪਟ੍ਠਾਨਟ੍ਠੋ ਅਤ੍ਥੋ, ਅਞ੍ਞੋ ਅવਿਕ੍ਖੇਪਟ੍ਠੋ ਅਤ੍ਥੋ। ਯੇਨ ਞਾਣੇਨ ਇਮੇ ਨਾਨਾ ਅਤ੍ਥਾ ਞਾਤਾ ਤੇਨੇવ ਞਾਣੇਨ ਇਮੇ ਨਾਨਾ ਅਤ੍ਥਾ ਪਟਿવਿਦਿਤਾਤਿ। ਤੇਨ વੁਚ੍ਚਤਿ – ‘‘ਅਤ੍ਥਨਾਨਤ੍ਤੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਂ’’।
Dassanaṭṭho attho, abhiniropanaṭṭho attho, pariggahaṭṭho attho, samuṭṭhānaṭṭho attho, vodānaṭṭho attho, paggahaṭṭho attho, upaṭṭhānaṭṭho attho, avikkhepaṭṭho attho. Añño dassanaṭṭho attho, añño abhiniropanaṭṭho attho, añño pariggahaṭṭho attho, añño samuṭṭhānaṭṭho attho, añño vodānaṭṭho attho, añño paggahaṭṭho attho, añño upaṭṭhānaṭṭho attho, añño avikkhepaṭṭho attho. Yena ñāṇena ime nānā atthā ñātā teneva ñāṇena ime nānā atthā paṭividitāti. Tena vuccati – ‘‘atthanānatte paññā atthapaṭisambhide ñāṇaṃ’’.
ਅਟ੍ਠ ਧਮ੍ਮੇ ਸਨ੍ਦਸ੍ਸੇਤੁਂ ਬ੍ਯਞ੍ਜਨਨਿਰੁਤ੍ਤਾਭਿਲਾਪਾ, ਅਟ੍ਠ ਅਤ੍ਥੇ ਸਨ੍ਦਸ੍ਸੇਤੁਂ ਬ੍ਯਞ੍ਜਨਨਿਰੁਤ੍ਤਾਭਿਲਾਪਾ। ਅਞ੍ਞਾ ਧਮ੍ਮਨਿਰੁਤ੍ਤਿਯੋ, ਅਞ੍ਞਾ ਅਤ੍ਥਨਿਰੁਤ੍ਤਿਯੋ। ਯੇਨ ਞਾਣੇਨ ਇਮਾ ਨਾਨਾ ਨਿਰੁਤ੍ਤਿਯੋ ਞਾਤਾ , ਤੇਨੇવ ਞਾਣੇਨ ਇਮਾ ਨਾਨਾ ਨਿਰੁਤ੍ਤਿਯੋ ਪਟਿવਿਦਿਤਾਤਿ। ਤੇਨ વੁਚ੍ਚਤਿ – ‘‘ਨਿਰੁਤ੍ਤਿਨਾਨਤ੍ਤੇ ਪਞ੍ਞਾ ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ’’।
Aṭṭha dhamme sandassetuṃ byañjananiruttābhilāpā, aṭṭha atthe sandassetuṃ byañjananiruttābhilāpā. Aññā dhammaniruttiyo, aññā atthaniruttiyo. Yena ñāṇena imā nānā niruttiyo ñātā , teneva ñāṇena imā nānā niruttiyo paṭividitāti. Tena vuccati – ‘‘niruttinānatte paññā niruttipaṭisambhide ñāṇaṃ’’.
ਅਟ੍ਠਸੁ ਧਮ੍ਮੇਸੁ ਞਾਣਾਨਿ, ਅਟ੍ਠਸੁ ਅਤ੍ਥੇਸੁ ਞਾਣਾਨਿ ਸੋਲ਼ਸਸੁ ਨਿਰੁਤ੍ਤੀਸੁ ਞਾਣਾਨਿ। ਅਞ੍ਞਾਨਿ ਧਮ੍ਮੇਸੁ ਞਾਣਾਨਿ, ਅਞ੍ਞਾਨਿ ਅਤ੍ਥੇਸੁ ਞਾਣਾਨਿ, ਅਞ੍ਞਾਨਿ ਨਿਰੁਤ੍ਤੀਸੁ ਞਾਣਾਨਿ। ਯੇਨ ਞਾਣੇਨ ਇਮੇ ਨਾਨਾ ਞਾਣਾ ਞਾਤਾ, ਤੇਨੇવ ਞਾਣੇਨ ਇਮੇ ਨਾਨਾ ਞਾਣਾ ਪਟਿવਿਦਿਤਾਤਿ। ਤੇਨ વੁਚ੍ਚਤਿ – ‘‘ਪਟਿਭਾਨਨਾਨਤ੍ਤੇ ਪਞ੍ਞਾ ਪਟਿਭਾਨਪਟਿਸਮ੍ਭਿਦੇ ਞਾਣਂ’’। ਤਂ ਞਾਤਟ੍ਠੇਨ ਞਾਣਂ, ਪਜਾਨਨਟ੍ਠੇਨ ਪਞ੍ਞਾ। ਤੇਨ વੁਚ੍ਚਤਿ – ‘‘ਅਤ੍ਥਨਾਨਤ੍ਤੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਂ। ਧਮ੍ਮਨਾਨਤ੍ਤੇ ਪਞ੍ਞਾ ਧਮ੍ਮਪਟਿਸਮ੍ਭਿਦੇ ਞਾਣਂ। ਨਿਰੁਤ੍ਤਿਨਾਨਤ੍ਤੇ ਪਞ੍ਞਾ ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ। ਪਟਿਭਾਨਨਾਨਤ੍ਤੇ ਪਞ੍ਞਾ ਪਟਿਭਾਨਪਟਿਸਮ੍ਭਿਦੇ ਞਾਣਂ’’।
Aṭṭhasu dhammesu ñāṇāni, aṭṭhasu atthesu ñāṇāni soḷasasu niruttīsu ñāṇāni. Aññāni dhammesu ñāṇāni, aññāni atthesu ñāṇāni, aññāni niruttīsu ñāṇāni. Yena ñāṇena ime nānā ñāṇā ñātā, teneva ñāṇena ime nānā ñāṇā paṭividitāti. Tena vuccati – ‘‘paṭibhānanānatte paññā paṭibhānapaṭisambhide ñāṇaṃ’’. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘atthanānatte paññā atthapaṭisambhide ñāṇaṃ. Dhammanānatte paññā dhammapaṭisambhide ñāṇaṃ. Niruttinānatte paññā niruttipaṭisambhide ñāṇaṃ. Paṭibhānanānatte paññā paṭibhānapaṭisambhide ñāṇaṃ’’.
ਪਟਿਸਮ੍ਭਿਦਾਞਾਣਨਿਦ੍ਦੇਸੋ ਅਟ੍ਠવੀਸਤਿਮੋ।
Paṭisambhidāñāṇaniddeso aṭṭhavīsatimo.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੨੫-੨੮. ਪਟਿਸਮ੍ਭਿਦਾਞਾਣਨਿਦ੍ਦੇਸવਣ੍ਣਨਾ • 25-28. Paṭisambhidāñāṇaniddesavaṇṇanā
