| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
28-34. වුට්‌ඨානමූලකකල්‌ලිතසුත්‌තාදිසත්‌තකං
28-34. Vuṭṭhānamūlakakallitasuttādisattakaṃ
689-695. සාවත්‌ථිනිදානං. ‘‘චත්‌තාරොමෙ, භික්‌ඛවෙ, ඣායී. කතමෙ චත්‌තාරො? ඉධ, භික්‌ඛවෙ, එකච්‌චො ඣායී සමාධිස්‌මිං වුට්‌ඨානකුසලො හොති, න සමාධිස්‌මිං කල්‌ලිතකුසලො… සමාධිස්‌මිං කල්‌ලිතකුසලො හොති, න සමාධිස්‌මිං වුට්‌ඨානකුසලො… නෙව සමාධිස්‌මිං වුට්‌ඨානකුසලො හොති, න ච සමාධිස්‌මිං කල්‌ලිතකුසලො… සමාධිස්‌මිං වුට්‌ඨානකුසලො ච හොති සමාධිස්‌මිං කල්‌ලිතකුසලො ච. තත්‍ර, භික්‌ඛවෙ, ය්‌වායං ඣායී…පෙ.… උත්‌තමො ච පවරො චා’’ති. අට්‌ඨවීසතිමං. (පුරිමමූලකානි විය යාව චතුත්‌තිංසතිමා වුට්‌ඨානමූලකසප්‌පායකාරීසුත්‌තා සත්‌ත සුත්‌තානි පූරෙතබ්‌බානි. වුට්‌ඨානමූලකං.)
689-695. Sāvatthinidānaṃ. ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ vuṭṭhānakusalo hoti, na samādhismiṃ kallitakusalo… samādhismiṃ kallitakusalo hoti, na samādhismiṃ vuṭṭhānakusalo… neva samādhismiṃ vuṭṭhānakusalo hoti, na ca samādhismiṃ kallitakusalo… samādhismiṃ vuṭṭhānakusalo ca hoti samādhismiṃ kallitakusalo ca. Tatra, bhikkhave, yvāyaṃ jhāyī…pe… uttamo ca pavaro cā’’ti. Aṭṭhavīsatimaṃ. (Purimamūlakāni viya yāva catuttiṃsatimā vuṭṭhānamūlakasappāyakārīsuttā satta suttāni pūretabbāni. Vuṭṭhānamūlakaṃ.)
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2-55. සමාධිමූලකඨිතිසුත්‌තාදිවණ්‌ණනා • 2-55. Samādhimūlakaṭhitisuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2-55. සමාධිමූලකඨිතිසුත්‌තාදිවණ්‌ණනා • 2-55. Samādhimūlakaṭhitisuttādivaṇṇanā
