| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2-6. д̣̇уд̇ияаад̣̇ибаажийнаниннасуд̇д̇абан̃жагам̣
2-6. Dutiyādipācīnaninnasuttapañcakaṃ
128-132. ‘‘сзяяат̇ааби , бхигкавз, яамунаа над̣̇ий баажийнаниннаа баажийнабон̣аа баажийнабаб̣бхаараа; звамзва ко, бхигкавз, бхигку…бз… сзяяат̇ааби, бхигкавз, ажиравад̇ий над̣̇ий баажийнаниннаа баажийнабон̣аа баажийнабаб̣бхаараа; звамзва ко, бхигкавз, бхигку…бз… сзяяат̇ааби, бхигкавз, сарабхуу над̣̇ий баажийнаниннаа баажийнабон̣аа баажийнабаб̣бхаараа; звамзва ко, бхигкавз, бхигку…бз… сзяяат̇ааби, бхигкавз, махий над̣̇ий баажийнаниннаа баажийнабон̣аа баажийнабаб̣бхаараа; звамзва ко, бхигкавз, бхигку…бз… сзяяат̇ааби, бхигкавз, яаа гаажимаа махаанад̣̇ияо, сзяяат̇ид̣̇ам̣ – г̇ан̇г̇аа, яамунаа, ажиравад̇ий, сарабхуу, махий, саб̣б̣аа д̇аа баажийнаниннаа баажийнабон̣аа баажийнабаб̣бхаараа; звамзва ко, бхигкавз, бхигку арияам̣ адтан̇г̇игам̣ маг̇г̇ам̣ бхаавзнд̇о арияам̣ адтан̇г̇игам̣ маг̇г̇ам̣ б̣ахулийгаронд̇о ниб̣б̣аананинно ход̇и ниб̣б̣аанабон̣о ниб̣б̣аанабаб̣бхааро. гат̇ан̃жа, бхигкавз, бхигку арияам̣ адтан̇г̇игам̣ маг̇г̇ам̣ бхаавзнд̇о арияам̣ адтан̇г̇игам̣ маг̇г̇ам̣ б̣ахулийгаронд̇о ниб̣б̣аананинно ход̇и ниб̣б̣аанабон̣о ниб̣б̣аанабаб̣бхааро? ид̇ха, бхигкавз, бхигку саммаад̣̇идтим̣ бхаавзд̇и ниб̣б̣аананиннам̣ ниб̣б̣аанабон̣ам̣ ниб̣б̣аанабаб̣бхаарам̣…бз… саммаасамаад̇хим̣ бхаавзд̇и ниб̣б̣аананиннам̣ ниб̣б̣аанабон̣ам̣ ниб̣б̣аанабаб̣бхаарам̣. звам̣ ко, бхигкавз, бхигку арияам̣ адтан̇г̇игам̣ маг̇г̇ам̣ бхаавзнд̇о арияам̣ адтан̇г̇игам̣ маг̇г̇ам̣ б̣ахулийгаронд̇о ниб̣б̣аананинно ход̇и ниб̣б̣аанабон̣о ниб̣б̣аанабаб̣бхааро’’д̇и. чадтам̣.
128-132. ‘‘Seyyathāpi , bhikkhave, yamunā nadī pācīnaninnā pācīnapoṇā pācīnapabbhārā; evameva kho, bhikkhave, bhikkhu…pe… seyyathāpi, bhikkhave, aciravatī nadī pācīnaninnā pācīnapoṇā pācīnapabbhārā; evameva kho, bhikkhave, bhikkhu…pe… seyyathāpi, bhikkhave, sarabhū nadī pācīnaninnā pācīnapoṇā pācīnapabbhārā; evameva kho, bhikkhave, bhikkhu…pe… seyyathāpi, bhikkhave, mahī nadī pācīnaninnā pācīnapoṇā pācīnapabbhārā; evameva kho, bhikkhave, bhikkhu…pe… seyyathāpi, bhikkhave, yā kācimā mahānadiyo, seyyathidaṃ – gaṅgā, yamunā, aciravatī, sarabhū, mahī, sabbā tā pācīnaninnā pācīnapoṇā pācīnapabbhārā; evameva kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro. Kathañca, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro? Idha, bhikkhave, bhikkhu sammādiṭṭhiṃ bhāveti nibbānaninnaṃ nibbānapoṇaṃ nibbānapabbhāraṃ…pe… sammāsamādhiṃ bhāveti nibbānaninnaṃ nibbānapoṇaṃ nibbānapabbhāraṃ. Evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. згад̇хаммабзяяаалаваг̇г̇аад̣̇иван̣н̣анаа • 7. Ekadhammapeyyālavaggādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. згад̇хаммабзяяаалаваг̇г̇аад̣̇иван̣н̣анаа • 7. Ekadhammapeyyālavaggādivaṇṇanā
