| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2-6. දුතියාදිසමුද්‌දනින්‌නසුත්‌තපඤ්‌චකං
2-6. Dutiyādisamuddaninnasuttapañcakaṃ
110. ‘‘සෙය්‍යථාපි, භික්‌ඛවෙ, යමුනා නදී සමුද්‌දනින්‌නා සමුද්‌දපොණා සමුද්‌දපබ්‌භාරා; එවමෙව ඛො, භික්‌ඛවෙ, භික්‌ඛු…පෙ.… දුතියං.
110. ‘‘Seyyathāpi, bhikkhave, yamunā nadī samuddaninnā samuddapoṇā samuddapabbhārā; evameva kho, bhikkhave, bhikkhu…pe… dutiyaṃ.
111. ‘‘සෙය්‍යථාපි, භික්‌ඛවෙ, අචිරවතී නදී සමුද්‌දනින්‌නා සමුද්‌දපොණා සමුද්‌දපබ්‌භාරා; එවමෙව ඛො, භික්‌ඛවෙ, භික්‌ඛු…පෙ.… තතියං.
111. ‘‘Seyyathāpi, bhikkhave, aciravatī nadī samuddaninnā samuddapoṇā samuddapabbhārā; evameva kho, bhikkhave, bhikkhu…pe… tatiyaṃ.
112. ‘‘සෙය්‍යථාපි , භික්‌ඛවෙ, සරභූ නදී සමුද්‌දනින්‌නා සමුද්‌දපොණා සමුද්‌දපබ්‌භාරා; එවමෙව ඛො, භික්‌ඛවෙ, භික්‌ඛු…පෙ.… චතුත්‌ථං.
112. ‘‘Seyyathāpi , bhikkhave, sarabhū nadī samuddaninnā samuddapoṇā samuddapabbhārā; evameva kho, bhikkhave, bhikkhu…pe… catutthaṃ.
113. ‘‘සෙය්‍යථාපි, භික්‌ඛවෙ, මහී නදී සමුද්‌දනින්‌නා සමුද්‌දපොණා සමුද්‌දපබ්‌භාරා; එවමෙව ඛො, භික්‌ඛවෙ, භික්‌ඛු…පෙ.… පඤ්‌චමං.
113. ‘‘Seyyathāpi, bhikkhave, mahī nadī samuddaninnā samuddapoṇā samuddapabbhārā; evameva kho, bhikkhave, bhikkhu…pe… pañcamaṃ.
114. ‘‘සෙය්‍යථාපි, භික්‌ඛවෙ, යා කාචිමා මහානදියො, සෙය්‍යථිදං – ගඞ්‌ගා, යමුනා, අචිරවතී, සරභූ, මහී, සබ්‌බා තා සමුද්‌දනින්‌නා සමුද්‌දපොණා සමුද්‌දපබ්‌භාරා; එවමෙව ඛො, භික්‌ඛවෙ, භික්‌ඛු අරියං අට්‌ඨඞ්‌ගිකං මග්‌ගං භාවෙන්‌තො අරියං අට්‌ඨඞ්‌ගිකං මග්‌ගං බහුලීකරොන්‌තො නිබ්‌බානනින්‌නො හොති නිබ්‌බානපොණො නිබ්‌බානපබ්‌භාරො. කථඤ්‌ච, භික්‌ඛවෙ, භික්‌ඛු අරියං අට්‌ඨඞ්‌ගිකං මග්‌ගං භාවෙන්‌තො අරියං අට්‌ඨඞ්‌ගිකං මග්‌ගං බහුලීකරොන්‌තො නිබ්‌බානනින්‌නො හොති නිබ්‌බානපොණො නිබ්‌බානපබ්‌භාරො? ඉධ, භික්‌ඛවෙ, භික්‌ඛු සම්‌මාදිට්‌ඨිං භාවෙති රාගවිනයපරියොසානං දොසවිනයපරියොසානං මොහවිනයපරියොසානං…පෙ.… සම්‌මාසමාධිං භාවෙති රාගවිනයපරියොසානං දොසවිනයපරියොසානං මොහවිනයපරියොසානං. එවං ඛො, භික්‌ඛවෙ, භික්‌ඛු අරියං අට්‌ඨඞ්‌ගිකං මග්‌ගං භාවෙන්‌තො අරියං අට්‌ඨඞ්‌ගිකං මග්‌ගං බහුලීකරොන්‌තො නිබ්‌බානනින්‌නො හොති නිබ්‌බානපොණො නිබ්‌බානපබ්‌භාරො’’ති. ඡට්‌ඨං.
114. ‘‘Seyyathāpi, bhikkhave, yā kācimā mahānadiyo, seyyathidaṃ – gaṅgā, yamunā, aciravatī, sarabhū, mahī, sabbā tā samuddaninnā samuddapoṇā samuddapabbhārā; evameva kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro. Kathañca, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro? Idha, bhikkhave, bhikkhu sammādiṭṭhiṃ bhāveti rāgavinayapariyosānaṃ dosavinayapariyosānaṃ mohavinayapariyosānaṃ…pe… sammāsamādhiṃ bhāveti rāgavinayapariyosānaṃ dosavinayapariyosānaṃ mohavinayapariyosānaṃ. Evaṃ kho, bhikkhave, bhikkhu ariyaṃ aṭṭhaṅgikaṃ maggaṃ bhāvento ariyaṃ aṭṭhaṅgikaṃ maggaṃ bahulīkaronto nibbānaninno hoti nibbānapoṇo nibbānapabbhāro’’ti. Chaṭṭhaṃ.
(රාගවිනයද්‌වාදසකී දුතියකී සමුද්‌දනින්‌නන්‌ති).
(Rāgavinayadvādasakī dutiyakī samuddaninnanti).
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 7. එකධම්‌මපෙය්‍යාලවග්‌ගාදිවණ්‌ණනා • 7. Ekadhammapeyyālavaggādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 7. එකධම්‌මපෙය්‍යාලවග්‌ගාදිවණ්‌ණනා • 7. Ekadhammapeyyālavaggādivaṇṇanā
