| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༢-༧. བྷིཀྑུནཱིསུཏྟཱདིཚཀྐཾ
2-7. Bhikkhunīsuttādichakkaṃ
༢༨༧-༢༩༢. ‘‘པཉྩཧི, བྷིཀྑཝེ, དྷམྨེཧི སམནྣཱགཏཱ བྷིཀྑུནཱི…པེ॰… སིཀྑམཱནཱ… སཱམཎེརོ… སཱམཎེརཱི… ཨུཔཱསཀོ… ཨུཔཱསིཀཱ ཡཐཱབྷཏཾ ནིཀྑིཏྟཱ ཨེཝཾ ནིརཡེ། ཀཏམེཧི པཉྩཧི? པཱཎཱཏིཔཱཏིནཱི ཧོཏི, ཨདིནྣཱདཱཡིནཱི ཧོཏི, ཀཱམེསུམིཙྪཱཙཱརིནཱི ཧོཏི, མུསཱཝཱདིནཱི ཧོཏི, སུརཱམེརཡམཛྫཔམཱདཊྛཱཡིནཱི ཧོཏི། ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏཱ ཨུཔཱསིཀཱ ཡཐཱབྷཏཾ ནིཀྑིཏྟཱ ཨེཝཾ ནིརཡེ།
287-292. ‘‘Pañcahi, bhikkhave, dhammehi samannāgatā bhikkhunī…pe… sikkhamānā… sāmaṇero… sāmaṇerī… upāsako… upāsikā yathābhataṃ nikkhittā evaṃ niraye. Katamehi pañcahi? Pāṇātipātinī hoti, adinnādāyinī hoti, kāmesumicchācārinī hoti, musāvādinī hoti, surāmerayamajjapamādaṭṭhāyinī hoti. Imehi kho, bhikkhave, pañcahi dhammehi samannāgatā upāsikā yathābhataṃ nikkhittā evaṃ niraye.
‘‘པཉྩཧི, བྷིཀྑཝེ, དྷམྨེཧི སམནྣཱགཏཱ ཨུཔཱསིཀཱ ཡཐཱབྷཏཾ ནིཀྑིཏྟཱ ཨེཝཾ སགྒེ། ཀཏམེཧི པཉྩཧི? པཱཎཱཏིཔཱཏཱ པཊིཝིརཏཱ ཧོཏི, ཨདིནྣཱདཱནཱ པཊིཝིརཏཱ ཧོཏི, ཀཱམེསུམིཙྪཱཙཱརཱ པཊིཝིརཏཱ ཧོཏི, མུསཱཝཱདཱ པཊིཝིརཏཱ ཧོཏི, སུརཱམེརཡམཛྫཔམཱདཊྛཱནཱ པཊིཝིརཏཱ ཧོཏི། ཨིམེཧི ཁོ, བྷིཀྑཝེ, པཉྩཧི དྷམྨེཧི སམནྣཱགཏཱ ཨུཔཱསིཀཱ ཡཐཱབྷཏཾ ནིཀྑིཏྟཱ ཨེཝཾ སགྒེ’’ཏི། སཏྟམཾ།
‘‘Pañcahi, bhikkhave, dhammehi samannāgatā upāsikā yathābhataṃ nikkhittā evaṃ sagge. Katamehi pañcahi? Pāṇātipātā paṭiviratā hoti, adinnādānā paṭiviratā hoti, kāmesumicchācārā paṭiviratā hoti, musāvādā paṭiviratā hoti, surāmerayamajjapamādaṭṭhānā paṭiviratā hoti. Imehi kho, bhikkhave, pañcahi dhammehi samannāgatā upāsikā yathābhataṃ nikkhittā evaṃ sagge’’ti. Sattamaṃ.
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. པཋམདཱིགྷཙཱརིཀསུཏྟཱདིཝཎྞནཱ • 1-10. Paṭhamadīghacārikasuttādivaṇṇanā
