| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2-7. සංයොජනප්‌පහානාදිසුත්‌තඡක්‌කං
2-7. Saṃyojanappahānādisuttachakkaṃ
42-47. ‘‘සචෙ වො, භික්‌ඛවෙ, අඤ්‌ඤතිත්‌ථියා පරිබ්‌බාජකා එවං පුච්‌ඡෙය්‍යුං – ‘කිමත්‌ථියං, ආවුසො, සමණෙ ගොතමෙ බ්‍රහ්‌මචරියං වුස්‌සතී’ති, එවං පුට්‌ඨා තුම්‌හෙ, භික්‌ඛවෙ, තෙසං අඤ්‌ඤතිත්‌ථියානං පරිබ්‌බාජකානං එවං බ්‍යාකරෙය්‍යාථ – ‘සංයොජනප්‌පහානත්‌ථං ඛො, ආවුසො, භගවති බ්‍රහ්‌මචරියං වුස්‌සතී’ති…පෙ.… ‘අනුසයසමුග්‌ඝාතනත්‌ථං ඛො, ආවුසො, භගවති බ්‍රහ්‌මචරියං වුස්‌සතී’ති…පෙ.… ‘අද්‌ධානපරිඤ්‌ඤත්‌ථං ඛො, ආවුසො, භගවති බ්‍රහ්‌මචරියං වුස්‌සතී’ති…පෙ.… ‘ආසවානං ඛයත්‌ථං ඛො, ආවුසො, භගවති බ්‍රහ්‌මචරියං වුස්‌සතී’ති…පෙ.… ‘විජ්‌ජාවිමුත්‌තිඵලසච්‌ඡිකිරියත්‌ථං ඛො, ආවුසො, භගවති බ්‍රහ්‌මචරියං වුස්‌සතී’ති…පෙ.… ‘ඤාණදස්‌සනත්‌ථං ඛො, ආවුසො, භගවති බ්‍රහ්‌මචරියං වුස්‌සතී’ති…පෙ.…. සත්‌තමං.
42-47. ‘‘Sace vo, bhikkhave, aññatitthiyā paribbājakā evaṃ puccheyyuṃ – ‘kimatthiyaṃ, āvuso, samaṇe gotame brahmacariyaṃ vussatī’ti, evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyātha – ‘saṃyojanappahānatthaṃ kho, āvuso, bhagavati brahmacariyaṃ vussatī’ti…pe… ‘anusayasamugghātanatthaṃ kho, āvuso, bhagavati brahmacariyaṃ vussatī’ti…pe… ‘addhānapariññatthaṃ kho, āvuso, bhagavati brahmacariyaṃ vussatī’ti…pe… ‘āsavānaṃ khayatthaṃ kho, āvuso, bhagavati brahmacariyaṃ vussatī’ti…pe… ‘vijjāvimuttiphalasacchikiriyatthaṃ kho, āvuso, bhagavati brahmacariyaṃ vussatī’ti…pe… ‘ñāṇadassanatthaṃ kho, āvuso, bhagavati brahmacariyaṃ vussatī’ti…pe…. Sattamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 5. අඤ්‌ඤතිත්‌ථියපෙය්‍යාලවග්‌ගවණ්‌ණනා • 5. Aññatitthiyapeyyālavaggavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 5. අඤ්‌ඤතිත්‌ථියපෙය්‍යාලවග්‌ගවණ්‌ණනා • 5. Aññatitthiyapeyyālavaggavaṇṇanā
