| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೩-೧೦. ಆನನ್ದತ್ಥೇರಅಪದಾನಂ
3-10. Ānandattheraapadānaṃ
೬೪೪.
644.
‘‘ಆರಾಮದ್ವಾರಾ ನಿಕ್ಖಮ್ಮ, ಪದುಮುತ್ತರೋ ಮಹಾಮುನಿ।
‘‘Ārāmadvārā nikkhamma, padumuttaro mahāmuni;
ವಸ್ಸೇನ್ತೋ ಅಮತಂ ವುಟ್ಠಿಂ, ನಿಬ್ಬಾಪೇಸಿ ಮಹಾಜನಂ॥
Vassento amataṃ vuṭṭhiṃ, nibbāpesi mahājanaṃ.
೬೪೫.
645.
‘‘ಸತಸಹಸ್ಸಂ ತೇ ಧೀರಾ, ಛಳಭಿಞ್ಞಾ ಮಹಿದ್ಧಿಕಾ।
‘‘Satasahassaṃ te dhīrā, chaḷabhiññā mahiddhikā;
೬೪೬.
646.
‘‘ಹತ್ಥಿಕ್ಖನ್ಧಗತೋ ಆಸಿಂ, ಸೇತಚ್ಛತ್ತಂ ವರುತ್ತಮಂ।
‘‘Hatthikkhandhagato āsiṃ, setacchattaṃ varuttamaṃ;
ಸುಚಾರುರೂಪಂ ದಿಸ್ವಾನ, ವಿತ್ತಿ ಮೇ ಉದಪಜ್ಜಥ॥
Sucārurūpaṃ disvāna, vitti me udapajjatha.
೬೪೭.
647.
‘‘ಓರುಯ್ಹ ಹತ್ಥಿಖನ್ಧಮ್ಹಾ, ಉಪಗಚ್ಛಿಂ ನರಾಸಭಂ।
‘‘Oruyha hatthikhandhamhā, upagacchiṃ narāsabhaṃ;
ರತನಾಮಯಛತ್ತಂ ಮೇ, ಬುದ್ಧಸೇಟ್ಠಸ್ಸ ಧಾರಯಿಂ॥
Ratanāmayachattaṃ me, buddhaseṭṭhassa dhārayiṃ.
೬೪೮.
648.
‘‘ಮಮ ಸಙ್ಕಪ್ಪಮಞ್ಞಾಯ, ಪದುಮುತ್ತರೋ ಮಹಾಇಸಿ।
‘‘Mama saṅkappamaññāya, padumuttaro mahāisi;
ತಂ ಕಥಂ ಠಪಯಿತ್ವಾನ, ಇಮಾ ಗಾಥಾ ಅಭಾಸಥ॥
Taṃ kathaṃ ṭhapayitvāna, imā gāthā abhāsatha.
೬೪೯.
649.
‘‘‘ಯೋ ಸೋ ಛತ್ತಮಧಾರೇಸಿ, ಸೋಣ್ಣಾಲಙ್ಕಾರಭೂಸಿತಂ।
‘‘‘Yo so chattamadhāresi, soṇṇālaṅkārabhūsitaṃ;
ತಮಹಂ ಕಿತ್ತಯಿಸ್ಸಾಮಿ, ಸುಣೋಥ ಮಮ ಭಾಸತೋ॥
Tamahaṃ kittayissāmi, suṇotha mama bhāsato.
೬೫೦.
650.
‘‘‘ಇತೋ ಗನ್ತ್ವಾ ಅಯಂ ಪೋಸೋ, ತುಸಿತಂ ಆವಸಿಸ್ಸತಿ।
‘‘‘Ito gantvā ayaṃ poso, tusitaṃ āvasissati;
ಅನುಭೋಸ್ಸತಿ ಸಮ್ಪತ್ತಿಂ, ಅಚ್ಛರಾಹಿ ಪುರಕ್ಖತೋ॥
Anubhossati sampattiṃ, accharāhi purakkhato.
೬೫೧.
651.
‘‘‘ಚತುತ್ತಿಂಸತಿಕ್ಖತ್ತುಞ್ಚ, ದೇವರಜ್ಜಂ ಕರಿಸ್ಸತಿ।
‘‘‘Catuttiṃsatikkhattuñca, devarajjaṃ karissati;
ಬಲಾಧಿಪೋ ಅಟ್ಠಸತಂ, ವಸುಧಂ ಆವಸಿಸ್ಸತಿ॥
Balādhipo aṭṭhasataṃ, vasudhaṃ āvasissati.
೬೫೨.
652.
‘‘‘ಅಟ್ಠಪಞ್ಞಾಸಕ್ಖತ್ತುಞ್ಚ, ಚಕ್ಕವತ್ತೀ ಭವಿಸ್ಸತಿ।
‘‘‘Aṭṭhapaññāsakkhattuñca, cakkavattī bhavissati;
ಪದೇಸರಜ್ಜಂ ವಿಪುಲಂ, ಮಹಿಯಾ ಕಾರಯಿಸ್ಸತಿ॥
Padesarajjaṃ vipulaṃ, mahiyā kārayissati.
೬೫೩.
653.
‘‘‘ಕಪ್ಪಸತಸಹಸ್ಸಮ್ಹಿ , ಓಕ್ಕಾಕಕುಲಸಮ್ಭವೋ।
‘‘‘Kappasatasahassamhi , okkākakulasambhavo;
ಗೋತಮೋ ನಾಮ ಗೋತ್ತೇನ, ಸತ್ಥಾ ಲೋಕೇ ಭವಿಸ್ಸತಿ॥
Gotamo nāma gottena, satthā loke bhavissati.
೬೫೪.
654.
‘‘‘ಸಕ್ಯಾನಂ ಕುಲಕೇತುಸ್ಸ, ಞಾತಿಬನ್ಧು ಭವಿಸ್ಸತಿ।
‘‘‘Sakyānaṃ kulaketussa, ñātibandhu bhavissati;
ಆನನ್ದೋ ನಾಮ ನಾಮೇನ, ಉಪಟ್ಠಾಕೋ ಮಹೇಸಿನೋ॥
Ānando nāma nāmena, upaṭṭhāko mahesino.
೬೫೫.
655.
‘‘‘ಆತಾಪೀ ನಿಪಕೋ ಚಾಪಿ, ಬಾಹುಸಚ್ಚೇ ಸುಕೋವಿದೋ।
‘‘‘Ātāpī nipako cāpi, bāhusacce sukovido;
ನಿವಾತವುತ್ತಿ ಅತ್ಥದ್ಧೋ, ಸಬ್ಬಪಾಠೀ ಭವಿಸ್ಸತಿ॥
Nivātavutti atthaddho, sabbapāṭhī bhavissati.
೬೫೬.
656.
‘‘‘ಪಧಾನಪಹಿತತ್ತೋ ಸೋ, ಉಪಸನ್ತೋ ನಿರೂಪಧಿ।
‘‘‘Padhānapahitatto so, upasanto nirūpadhi;
ಸಬ್ಬಾಸವೇ ಪರಿಞ್ಞಾಯ, ನಿಬ್ಬಾಯಿಸ್ಸತಿನಾಸವೋ॥
Sabbāsave pariññāya, nibbāyissatināsavo.
೬೫೭.
657.
‘‘‘ಸನ್ತಿ ಆರಞ್ಞಕಾ ನಾಗಾ, ಕುಞ್ಜರಾ ಸಟ್ಠಿಹಾಯನಾ।
‘‘‘Santi āraññakā nāgā, kuñjarā saṭṭhihāyanā;
ತಿಧಾಪಭಿನ್ನಾ ಮಾತಙ್ಗಾ, ಈಸಾದನ್ತಾ ಉರೂಳ್ಹವಾ॥
Tidhāpabhinnā mātaṅgā, īsādantā urūḷhavā.
೬೫೮.
658.
‘‘‘ಅನೇಕಸತಸಹಸ್ಸಾ, ಪಣ್ಡಿತಾಪಿ ಮಹಿದ್ಧಿಕಾ।
‘‘‘Anekasatasahassā, paṇḍitāpi mahiddhikā;
೬೫೯.
659.
‘‘ಆದಿಯಾಮೇ ನಮಸ್ಸಾಮಿ, ಮಜ್ಝಿಮೇ ಅಥ ಪಚ್ಛಿಮೇ।
‘‘Ādiyāme namassāmi, majjhime atha pacchime;
ಪಸನ್ನಚಿತ್ತೋ ಸುಮನೋ, ಬುದ್ಧಸೇಟ್ಠಂ ಉಪಟ್ಠಹಿಂ॥
Pasannacitto sumano, buddhaseṭṭhaṃ upaṭṭhahiṃ.
೬೬೦.
660.
‘‘ಆತಾಪೀ ನಿಪಕೋ ಚಾಪಿ, ಸಮ್ಪಜಾನೋ ಪತಿಸ್ಸತೋ।
‘‘Ātāpī nipako cāpi, sampajāno patissato;
ಸೋತಾಪತ್ತಿಫಲಂ ಪತ್ತೋ, ಸೇಖಭೂಮೀಸು ಕೋವಿದೋ॥
Sotāpattiphalaṃ patto, sekhabhūmīsu kovido.
೬೬೧.
661.
‘‘ಸತಸಹಸ್ಸಿತೋ ಕಪ್ಪೇ, ಯಂ ಕಮ್ಮಮಭಿನೀಹರಿಂ।
‘‘Satasahassito kappe, yaṃ kammamabhinīhariṃ;
೬೬೨.
662.
‘‘ಸ್ವಾಗತಂ ವತ ಮೇ ಆಸಿ, ಬುದ್ಧಸೇಟ್ಠಸ್ಸ ಸನ್ತಿಕೇ।
‘‘Svāgataṃ vata me āsi, buddhaseṭṭhassa santike;
ತಿಸ್ಸೋ ವಿಜ್ಜಾ ಅನುಪ್ಪತ್ತಾ, ಕತಂ ಬುದ್ಧಸ್ಸ ಸಾಸನಂ॥
Tisso vijjā anuppattā, kataṃ buddhassa sāsanaṃ.
೬೬೩.
663.
‘‘ಪಟಿಸಮ್ಭಿದಾ ಚತಸ್ಸೋ, ವಿಮೋಕ್ಖಾಪಿ ಚ ಅಟ್ಠಿಮೇ।
‘‘Paṭisambhidā catasso, vimokkhāpi ca aṭṭhime;
ಛಳಭಿಞ್ಞಾ ಸಚ್ಛಿಕತಾ, ಕತಂ ಬುದ್ಧಸ್ಸ ಸಾಸನಂ’’॥
Chaḷabhiññā sacchikatā, kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಆನನ್ದೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā ānando thero imā gāthāyo abhāsitthāti.
ಆನನ್ದತ್ಥೇರಸ್ಸಾಪದಾನಂ ದಸಮಂ।
Ānandattherassāpadānaṃ dasamaṃ.
ತಸ್ಸುದ್ದಾನಂ –
Tassuddānaṃ –
ಬುದ್ಧೋ ಪಚ್ಚೇಕಬುದ್ಧೋ ಚ, ಸಾರಿಪುತ್ತೋ ಚ ಕೋಲಿತೋ।
Buddho paccekabuddho ca, sāriputto ca kolito;
ಕಸ್ಸಪೋ ಅನುರುದ್ಧೋ ಚ, ಪುಣ್ಣತ್ಥೇರೋ ಉಪಾಲಿ ಚ॥
Kassapo anuruddho ca, puṇṇatthero upāli ca.
ಅಞ್ಞಾಸಿಕೋಣ್ಡಞ್ಞೋ ಪಿಣ್ಡೋಲೋ, ರೇವತಾನನ್ದಪಣ್ಡಿತೋ।
Aññāsikoṇḍañño piṇḍolo, revatānandapaṇḍito;
ಛಸತಾನಿ ಚ ಪಞ್ಞಾಸ, ಗಾಥಾಯೋ ಸಬ್ಬಪಿಣ್ಡಿತಾ॥
Chasatāni ca paññāsa, gāthāyo sabbapiṇḍitā.
ಅಪದಾನೇ ಬುದ್ಧವಗ್ಗೋ ಪಠಮೋ।
Apadāne buddhavaggo paṭhamo.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೩-೧೦. ಆನನ್ದತ್ಥೇರಅಪದಾನವಣ್ಣನಾ • 3-10. Ānandattheraapadānavaṇṇanā
