| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩-১০. সুৰণ্ণনিক্খসুত্তাদিঅট্ঠকং
3-10. Suvaṇṇanikkhasuttādiaṭṭhakaṃ
১৬৯. সাৰত্থিযং ৰিহরতি…পে॰… ‘‘ইধাহং , ভিক্খৰে, একচ্চং পুগ্গলং এৰং চেতসা চেতো পরিচ্চ পজানামি – ‘ন চাযমাযস্মা সুৰণ্ণনিক্খস্সাপি হেতু…পে॰… সুৰণ্ণনিক্খসতস্সাপি হেতু… সিঙ্গীনিক্খস্সাপি হেতু… সিঙ্গীনিক্খসতস্সাপি হেতু… পথৰিযাপি জাতরূপপরিপূরায হেতু… আমিসকিঞ্চিক্খহেতুপি… জীৰিতহেতুপি… জনপদকল্যাণিযাপি হেতু সম্পজানমুসা ভাসেয্যা’তি। তমেনং পস্সামি অপরেন সমযেন লাভসক্কারসিলোকেন অভিভূতং পরিযাদিণ্ণচিত্তং সম্পজানমুসা ভাসন্তং। এৰং দারুণো খো, ভিক্খৰে, লাভসক্কারসিলোকো…পে॰… এৰঞ্হি ৰো, ভিক্খৰে, সিক্খিতব্ব’’ন্তি। দসমং।
169. Sāvatthiyaṃ viharati…pe… ‘‘idhāhaṃ , bhikkhave, ekaccaṃ puggalaṃ evaṃ cetasā ceto paricca pajānāmi – ‘na cāyamāyasmā suvaṇṇanikkhassāpi hetu…pe… suvaṇṇanikkhasatassāpi hetu… siṅgīnikkhassāpi hetu… siṅgīnikkhasatassāpi hetu… pathaviyāpi jātarūpaparipūrāya hetu… āmisakiñcikkhahetupi… jīvitahetupi… janapadakalyāṇiyāpi hetu sampajānamusā bhāseyyā’ti. Tamenaṃ passāmi aparena samayena lābhasakkārasilokena abhibhūtaṃ pariyādiṇṇacittaṃ sampajānamusā bhāsantaṃ. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Dasamaṃ.
দুতিযো ৰগ্গো।
Dutiyo vaggo.
তস্সুদ্দানং –
Tassuddānaṃ –
দ্ৰে পাতি দ্ৰে সুৰণ্ণা চ, সিঙ্গীহি অপরে দুৰে।
Dve pāti dve suvaṇṇā ca, siṅgīhi apare duve;
পথৰী কিঞ্চিক্খজীৰিতং, জনপদকল্যাণিযা দসাতি॥
Pathavī kiñcikkhajīvitaṃ, janapadakalyāṇiyā dasāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩-১০. সুৰণ্ণনিক্খসুত্তাদিৰণ্ণনা • 3-10. Suvaṇṇanikkhasuttādivaṇṇanā
