| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৩-৫. পুণ্ণমন্তাণিপুত্তত্থেরঅপদানং
3-5. Puṇṇamantāṇiputtattheraapadānaṃ
৪৩৪.
434.
‘‘অজ্ঝাযকো মন্তধরো, তিণ্ণং ৰেদান পারগূ।
‘‘Ajjhāyako mantadharo, tiṇṇaṃ vedāna pāragū;
পুরক্খতোম্হি সিস্সেহি, উপগচ্ছিং নরুত্তমং॥
Purakkhatomhi sissehi, upagacchiṃ naruttamaṃ.
৪৩৫.
435.
‘‘পদুমুত্তরো লোকৰিদূ, আহুতীনং পটিগ্গহো।
‘‘Padumuttaro lokavidū, āhutīnaṃ paṭiggaho;
মম কম্মং পকিত্তেসি, সঙ্খিত্তেন মহামুনি॥
Mama kammaṃ pakittesi, saṅkhittena mahāmuni.
৪৩৬.
436.
‘‘তাহং ধম্মং সুণিত্ৰান, অভিৰাদেত্ৰান সত্থুনো।
‘‘Tāhaṃ dhammaṃ suṇitvāna, abhivādetvāna satthuno;
৪৩৭.
437.
সব্বে সিস্সা অত্তমনা, সুত্ৰান মম ভাসতো।
Sabbe sissā attamanā, sutvāna mama bhāsato;
সকং দিট্ঠিং ৰিনোদেত্ৰা, বুদ্ধে চিত্তং পসাদযুং॥
Sakaṃ diṭṭhiṃ vinodetvā, buddhe cittaṃ pasādayuṃ.
৪৩৮.
438.
অভিধম্মনযঞ্ঞূহং , কথাৰত্থুৰিসুদ্ধিযা।
Abhidhammanayaññūhaṃ , kathāvatthuvisuddhiyā;
সব্বেসং ৰিঞ্ঞাপেত্ৰান, ৰিহরামি অনাসৰো॥
Sabbesaṃ viññāpetvāna, viharāmi anāsavo.
৪৩৯.
439.
‘‘ইতো পঞ্চসতে কপ্পে, চতুরো সুপ্পকাসকা।
‘‘Ito pañcasate kappe, caturo suppakāsakā;
সত্তরতনসম্পন্না, চতুদীপম্হি ইস্সরা॥
Sattaratanasampannā, catudīpamhi issarā.
৪৪০.
440.
‘‘পটিসম্ভিদা চতস্সো, ৰিমোক্খাপি চ অট্ঠিমে।
‘‘Paṭisambhidā catasso, vimokkhāpi ca aṭṭhime;
ছল়ভিঞ্ঞা সচ্ছিকতা, কতং বুদ্ধস্স সাসনং’’॥
Chaḷabhiññā sacchikatā, kataṃ buddhassa sāsanaṃ’’.
ইত্থং সুদং আযস্মা পুণ্ণো মন্তাণিপুত্তো থেরো ইমা গাথাযো অভাসিত্থাতি।
Itthaṃ sudaṃ āyasmā puṇṇo mantāṇiputto thero imā gāthāyo abhāsitthāti.
পুণ্ণমন্তাণিপুত্তত্থেরস্সাপদানং পঞ্চমং।
Puṇṇamantāṇiputtattherassāpadānaṃ pañcamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ৩-৫. পুণ্ণমন্তাণিপুত্তত্থেরঅপদানৰণ্ণনা • 3-5. Puṇṇamantāṇiputtattheraapadānavaṇṇanā
