| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
3-5. бун̣н̣аманд̇аан̣ибуд̇д̇ад̇т̇зраабад̣̇аанам̣
3-5. Puṇṇamantāṇiputtattheraapadānaṃ
434.
434.
‘‘аж̇жхааяаго манд̇ад̇харо, д̇ин̣н̣ам̣ взд̣̇аана баараг̇уу;
‘‘Ajjhāyako mantadharo, tiṇṇaṃ vedāna pāragū;
бурагкад̇омхи сиссзхи, убаг̇ажчим̣ наруд̇д̇амам̣.
Purakkhatomhi sissehi, upagacchiṃ naruttamaṃ.
435.
435.
‘‘бад̣̇умуд̇д̇аро логавид̣̇уу, аахуд̇ийнам̣ бадиг̇г̇ахо;
‘‘Padumuttaro lokavidū, āhutīnaṃ paṭiggaho;
мама гаммам̣ багид̇д̇зси, сан̇кид̇д̇зна махаамуни.
Mama kammaṃ pakittesi, saṅkhittena mahāmuni.
436.
436.
‘‘д̇аахам̣ д̇хаммам̣ сун̣ид̇ваана, абхиваад̣̇зд̇ваана сад̇т̇уно;
‘‘Tāhaṃ dhammaṃ suṇitvāna, abhivādetvāna satthuno;
ан̃ж̇алим̣ баг̇г̇ахзд̇ваана, баггамим̣ 1 д̣̇агкин̣аамуко.
Añjaliṃ paggahetvāna, pakkamiṃ 2 dakkhiṇāmukho.
437.
437.
‘‘сан̇кид̇д̇зна сун̣ид̇ваана, вид̇т̇аарзна абхаасаяим̣ 3;
‘‘Saṅkhittena suṇitvāna, vitthārena abhāsayiṃ 4;
саб̣б̣з сиссаа ад̇д̇аманаа, суд̇ваана мама бхаасад̇о;
Sabbe sissā attamanā, sutvāna mama bhāsato;
сагам̣ д̣̇идтим̣ винод̣̇зд̇ваа, б̣уд̣̇д̇хз жид̇д̇ам̣ басаад̣̇аяум̣.
Sakaṃ diṭṭhiṃ vinodetvā, buddhe cittaṃ pasādayuṃ.
438.
438.
‘‘сан̇кид̇д̇знаби д̣̇зсзми, вид̇т̇аарзна д̇ат̇звахам̣ 5;
‘‘Saṅkhittenapi desemi, vitthārena tathevahaṃ 6;
абхид̇хамманаяан̃н̃уухам̣ , гат̇аавад̇т̇увисуд̣̇д̇хияаа;
Abhidhammanayaññūhaṃ , kathāvatthuvisuddhiyā;
саб̣б̣зсам̣ вин̃н̃аабзд̇ваана, вихараами анаасаво.
Sabbesaṃ viññāpetvāna, viharāmi anāsavo.
439.
439.
‘‘ид̇о бан̃жасад̇з габбз, жад̇уро суббагаасагаа;
‘‘Ito pañcasate kappe, caturo suppakāsakā;
сад̇д̇арад̇анасамбаннаа, жад̇уд̣̇ийбамхи иссараа.
Sattaratanasampannā, catudīpamhi issarā.
440.
440.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа бун̣н̣о манд̇аан̣ибуд̇д̇о т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā puṇṇo mantāṇiputto thero imā gāthāyo abhāsitthāti.
бун̣н̣аманд̇аан̣ибуд̇д̇ад̇т̇зрассаабад̣̇аанам̣ бан̃жамам̣.
Puṇṇamantāṇiputtattherassāpadānaṃ pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 3-5. бун̣н̣аманд̇аан̣ибуд̇д̇ад̇т̇зраабад̣̇аанаван̣н̣анаа • 3-5. Puṇṇamantāṇiputtattheraapadānavaṇṇanā
